[align=center][align=center]
السلام عليكم ورحمه الله وبركاته أما بعد =---> من بدايتها أما بعد ؟! اجل اغسلوا يدينكم ههههههه

كيف حالكم عساكم طيبين .. =-> الادامي ذا يبي دوره يتعلم فيها كيف يحط ايقونات ههههه

على طاري الايقونات وش في منتداكم مافيها الا 6 ايقونات علي اليسار > ياهو نشبه ههههه

نرجع لموضوعنا

قبل شهر يوم يجينا مطر تصلح سجع ولالا ؟ ههههه جانا رش مطر وكان يوم الا احد على ما اعتقد المهم وانا راجع من الكليه ( المدرسه الكبيره على قولة جدتي ) الله يطول بعمرها وبعمر السامعين وانا راجع ولا ودي ادخل البيت صراحه جو خيااالي مرة جدا واجد > علموه عربي تكسبون اجر ههههه
المهم وادق على ماما ( ياربي يالدلوع ) ههه قلت يمه انا بطلع الخراره تروحين معي

تصدقون سألتها عشاني داري انها ماهيب رايحه لان الدنيا ذاك اليوم بررررررد هههههه قالت مانيب رايحه
قلت اجل قولي للشغاله تصلح شاهي وتحطه يزمزميه هع واضغط الزر الاحمر اللي في الجوال عشان اسكر السماعه =--> بالله عليك لامنهم بغوا يسكرون السماعه وش يسوون يضغطون رقم 6 مثلا ؟ ههههههه
وارجع البيت وآخذ الشاهي والبيالات والفرشه

وادق على ابن عمي قلت له تروح معي الخراره قال مشينا

تخبرون العزوبي مايمديه يشم ريحة مطر الا وهو مشغل موتره وطالع للبر ههههههه

وأمره ونروح للخراره واليكم الصور =---> انفع اقدم برنامج مكسرات ؟ اللي يجي على القناة السعوديه الصبح أكيد اغلبكم مايعرفه ههههههههههه





تفتيش القديه

هذا تفتيش القديه وفي روايه اخرى ( الزديه ) هههه بس ذاك اليوم كل العسكر زابنين في الصندقه ذبحهم البرد
سمّعونا تحيه لرجال الامن ههههه



النزول من القديه

هذا يوم نزلنا من الزديه كما ورد أعلاه =--> اللي يبي يصور مع ( كما ورد اعلاه ) لايستحي ياأخوان ههههههههه
يوم نزلنا وقف المطر .. وفوق في الرياض مطر سبحااان الله



بعد النزول

راعي الايسيزو يساقط من زين وجهه وتأخذني العزه بالاثم واسبقه ههه

شطحه "| أذكر يوم أني ورع > اخونا في الله مسوي كبير اللحين هههههه أذكر يوم اني ورع وش زيني وش حلااتي كان ابوي يسوق وكنا مسافرين ولقينا خالي في الطريق المهم واقعد احن على راس ابوي ( بابا تكفى اسبقهم ( وجه يصيح ) ) عاد انا مصختها كل شوي اقولها المهم ماوعيت الا على ذاك الكف اللي يمشي طبلونه ومن عقبها اذا احد يسوق ما اقول له شي اخاف يسطرني بعد ههههههه



صورة للقديه بعد النزول

عاد هذي اللقطه لو معنا كاميرا كانون كان فازت بجائزه احسن صورة في عام 2007 هههههه




السيارة

أول ماوقنا في الخراره .. هذا الـ king =---> صدق المثل اللي قال ( تجري الرياح بما لاتشتهي السفن ) بالله فهموني وش يبي هـ المثل ههههههه



منظر

هذي الصورة صورتها وانا اتقهوى الشاهي



الفرشه

هذي فرشتنا شوفوا يامحلااها عندكم زيها ؟؟ =---> خذوه على قد عقله هههههه



منظر

احب البر والمزيون ............ والله مدري وش باقيها ولا كان سدحتها لكم هنييااا :)



كيندر


عمركم شفتوا ناس طالعين بر وماخذين معهم كيندر وجالكسي وفليك ؟

بس قلنا خلنا نغير الروتين شوي هههههه



شاص


ياناس قطّوا لي ابي شاص :(



شاص يطعس


وهذا شاص يتميلح عندنا ازعجنا ويا صوته اعوذ بالله .. ومن هالمنطلق ندعوا اصحاب الهايلكسات والجيوب الى ربط السدّه لانكم ازعجتونا ولا خليتونا نعيش جو البر الهادي >.> اخيرا قال شي صح ههههه
بياله شاهي

بيالة شاهي في معمعه البرد > متعوب على معمعه ههههه



احمد والسيارة


هذا ولد عمي منسدح بس تراني ازين منه تبون احط صورتي ؟ =---> أخاف تحط صورتك وتدخل بكره تبي تشوف المنتدى وتحط على المتواجدين وماتلقى احد هههههههه



طريق العوده


هذا عاد يوم حنا راجعين .. بالله عليكم احد رايح للبر وجو حلو ومشغل ( نوسو نوسو بابا ؟) هذا ولد عمي الخلفه هههههه
قلت له حط على الاقل هيفاء وهبي أرجل من هاللي تغني نوسو نوسو بابا هههههه




القديه


يازينك يالرياض بس .. تصدقون مانيب ارتاح الا فيها =--> يلمح لكم انه قد سافر برى الرياض




نص القديه

بدا يجينا المطر عاد بس ذاك اليوم جو خياااالي جدن جدن ..




آخر القديه


تحسون انهم تريلات ماسكين المسار الايمن هههههههههههه



الرياض


يالبى الرياض وأهلها اللي كل شوي عندنا اجازه >>> أهل الدمام موب رادين على الموضوع عشان هالكلمه ( اجازه لسكان الرياض )

على طاري الاجازات .. يوم يعطوننا اجازه بمناسبه انعقاد اوبك دق علي واحد من الدمام وشوي وبيصيح يقول النفط عندنا والاجازات تجيكم وشوي وبيصيح رحمته وقلت له عطني رقم حسابك بحول لك فلوس >> لا تلوموني احسب انه يشحذ ههههههههههههههههه



الجسر

هذا الجسر المعلق .. لاتجون معه الساعه 7 ونص هههه



شارع المدينه

مخرج بيتنا يالبى بيتنا

the end

واتمنى اني اماثقلت عليكم بهذرتي الواجده هههههه واتمنى تعجبكم الرحله والصور .

وأحب اشكر شكر خااااااص جدا لصديقي العزيز ماكس اللي ساعدني في إخراج هـ الموضوع بالصورة اللي انتم شايفينها

شكرا مآآآآكس

:189[1]:
يالله تامرون شي ؟ >> الاخو يكلم بالجوال ؟ ههههههه =---->اطلع برى ههههههه[/align][/align]