السلام عليكم ورحمة الله و بركاته
[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يا وجودي عد بـراق المخيـل=وجد من غابت نجومه عن سماه
قلبي اللي ما لقى درب و سبيل=عزي لقلبٍ زمانـه قـد حـداه
الجفا شمـسٍ ولا منهـا ظليـل=خص يوم الزيـن لقانـي قفـاه
راح وأشعل نار شوقه بالفتيـل=و اشتعل قلبي وفارت به دمـاه
ما قويت اوادعه وقت الرحيـل=يا بري حالي من ابعد في مـداه
المسا عقب الغضي ماصار ليـل=بالشموع اسهر بعد غيبت سناه
ما رحم دمعٍ على خدي يسيـل=لا تذكرتـه ولا جانـي نـبـاه
ابرد بحزه بها قيـض ومقيـل=واحترق في ليل سامرني شتـاه
انتكس حظي بعد هجر الخليـل=كل يومٍ ضاع فـي مـره حـلاه
كثرت دروبي وضيعـت الدليـل=تهت في شوقي و أدري بالنجاه
كيف اصبّر خافقي وانـا عليـل=جرح في قلبي وفي ايـده دواه
ذود صبري ما قوت شل الثقيل=الحمولٍ ثقـال و السبـه جفـاه
آه ياقلـبٍ مـن الصـده قتيـل=إمتعلق فيه مـا يبغـى سـواه
عزتي للي عشق لـه مستحيـل=والله ان يبطي و لا يلقى منـاه [/poem]
وسلامتكم
ناصر الخلا
مواقع النشر (المفضلة)