روايه ( حب تحت سماء الاذقيه ) =--> ماله دخل العنوان هههه
السلام عليكم ورحمه الله وبركاته ..
كيف حالكم عساكم طيبين .. وش اخباركم عسى كل شي تمام ..
اليوم بـ أقص لكم قصة اتتني فكرتها بالامس القريب .. واحببت ان اترجم الفكره الى قصه يستمتع بها الجميع ..
واليكم القصه ..
الشخصيات ..
أحمد ||""|| الاب ||""||
ريم ||""|| الام ||""||
حسنه ||""|| البنت ||""||
أنا ||""|| الولد ||""||
القصه ..
في هاك اليوم في الشتاء .. وكان الجو ماهوب بارد بالحيل .. يعني بالعربي حق طلعات .. مالكم بالطويله المهم..
كنا نفطر انا وابوي احمد في الحوش .. تبون اعلمكم وش فطورنا ؟ لالا مايحتاج ?
اهم شي فيه حنيني
ونفطر انا وابوي ومالنا من الشيطان طاري .. وبياله شاهي وبيالة حليب ههههه
والمهم وبينما انا ادخل لقمه الحنيني في فمي او ثمي او فلغتي ( عاد اختاروا اللي تبون ) ههههه وبينما انا ادخل اللقمه في فمي .. سمعت صوت خرفشه جايه من آآآخر الحوش
وصوت خطوات ثقيله ( دوب دوب دوب ) والتفت على طول ناحية الصوت ... وسويت ( zoom in )
ولقيت محل ذهب يمشي على الارض .. امي الموصونه ماخلت سواره غوايش حتى سلسال اختي حسينه ماخذته ولافته على يدها لانه صغير عليها ولا يركب على رقبتها هههههه
عاد وزن امي 48 كيلو بدون الذهب والغوايش .. ووزنها بالغوايش والذهب حول 100 كيلو ههه
ماتصدقون لو قلت لكم ان يدين أمي معضله ( فيها عضلات ) تدرون ليه ؟ لانها تبذل جهد في تحريك يدينها هههه وتخبرون الذهب ثقيل ههههههه
وتجي امي وبلقمه وحده تخلص علينا الحنيني انا وابوي ? كنها ماشافت خير .. وهي تقفل مع ابوي احمد .. هههه
ياشينها لاقفلت معه ... ياخذ المودم ولا عاد يرجعه الا اذا جاء وقت الاسهم .. ( الله اكبر كلها 4 اسهم في البلاد وتخب )
قلت لأبوي .. بابا =? يقال لك مدلع هههههه
بابا نبي نطلع البر ( وجه واحد مستحي ومعرق ) هههه
عطاني نظره بعيونه الزرق .. انا فهيت احسب اللي يناظرني اليساا =---> اليسااا مييييين
وقال ابوي ياولدي ..
قلت لبيه يابابا .. ابتسم وعطاني مفتاح المازدا وقال رح شغلها خلها تحتر ..
وانا اللي ماصدقت انه وافق .. واروح واشغل المازدا البقس .. ولا اشتغلت ... وأشغل وأشغل ولا عندها نيه تشتغل لحوووووول وش فيها ذي القرنبع ..
واروح واعلم ابوي ..
وقال لي (( يالدبشه ركب اصبع البطاريه )) الله يقلعك يابوي يا احمد من زين موترنا يوم تفصل اصبع البطاريه من سمعك قال الا بيكا حقت واحد من العيال حتى ماعطانا دوره هههههه
ويروح يشبك اصبع البطاريه ونمشي
المهم ورحنا عند بنده .. وقفت السيارة وبغيت انزل ويصفقني ابو ذاك الكف اللي دوخني .( تصدقون شفت نفسي بالمرايه على شكل ( سليمان العيسى ) ههههههههه
وقال ابوي .. اقعد في الموتر لا يسرقونه عيال الحرام .. قلت في نفسي ( لو سرقوه عيال الحرام يسوون فينا خير هههه )
المهم واقعد في الموتر وهو نزل يتقضى للطلعه هههههه ..
وانتظره وانتظره وانتظره يالله طلع .. اول شي طلع ومعه عربه يدفها .. شوي طلع هندي معه عربه .. وشووي فلبيني طلع ومعه عربه وكلهم وقفوا ورى موترنا ..
المهم وابوي يفتح الباب الخلفي حق السيارة وينزلون الاغراض في السيارة .. انصك الباب الخلفي ..
وفتح ابوي الباب اللي وراي .. وينزل الاغراض وينزلون معه الهنود ,, وصكوا الباب قلت اكيد خلصت الاغراض ..
المهم ويفتح ابوي الباب حقي .. والتفت له وانا مبتسم احسب انه جايب لي ( كيندر سبرايز ) ذا البيضه اللي بداخلها لعبه ..
ويوم التفت على ابوي وينطل علي كيسه لو اقول ان وزنها 10 كيلو قليله هههههه وتجيني كدمه في شفايفي من قوه الطقه
وتخنقني العبره .. وأطلع من جيبي 4 ريال معفطه وناسيها في ثوبي وامي غسلت الثوب عاد تخيلوا شكل الريال ههههه
قلت بابا بروح اشتري كيندر سبرايز .. ناظرني نظره حقد وقال لي .. مافيه كيندر .. جبت لكم بسكوت ( ريكو )
يوم قال ريكو أنا حقدت عليه =---> تحقد على مييين والناس نايميييين .. تراه ابوك هههههههههههه
المهم وانا اسوي نفسي اصيح عشان يحن قلب ابوي علي .. مير قلبه حجر .. لو يشوفني منعدس مايقول لي الحمد لله على السلامه ..
ونرجع للبيت ..
ويوم دخلت قابلتني اختي الحلوه ( حسنه ) ذات الوجه الطويل .. والعيون النعاسه .. والمشيه المتكسره الناعمه وكأنها تمشي على ايقاع اغنيه خالد عبد الرحمن عشق بدوي =? وش دخّل خالد عبدالرحمن ههههه
قاعد اتغزل فيها .. كود يجيها عريس يشيلها ونفتك منه هههههههه
ونرجع البيت ورتبنا الاغراض وساعدنا امي ريم على ترتيب المواعين .. ومر اليوم كـ العاده ..
ورحنا نرقد من المغرب متحمسين للطلعه بكره ههههههه
وقمت تالي الليل أصلي الوتر =? مسوي مطوع عشان اكبر بعين ابوي هههههه
ويوم اصبحنا .. وصلينا الفجر وأفطرنا فطور كلت امي نصه هههههههه
وقال لي ابوي اتصل على عمك خله يجي البيت بسرعه ..
عاد انا استنتجت من هـ الجمله ان الاغراض اللي شراها ابوي كانت عشان تكفينا حنا وعمي وعياله ههههه =------> ماشاء الله ذهين هـ الولد
المهم دقيت عليهم من التلفون الثابت وردت علي بنت عمي عبدالعزيز .. انا ارتبشت يوم كلمتها .. وبدال ماكنت بقول ابوتس عندتس .,. قلت ابوكم عندنا =----> ماصل هههههههه
ياعليها صووت هههههه
المهم وعطيت السماعه ابوي وقال لعمي عبدالعزيز ترى الوعد في المحل الفلاني هههههه
المهم واطلع للحوش والقى كل مواعين المطبخ في الحوش .. في البدايه احسب ان فيه حراميه طبوا علينا ونفشوا المطبخ ..
انا خفت على منجم الذهب امي لايكون طبوا عليها الحراميه وخذوا غوايشها وبلاها ههههههه
وما امداني التفت الا هي بوجهي ... قلت يمه وش هو له كل هـ المواعين ؟؟
قالت عمك وعياله بيطلعون معنا .. قلت داري بس كل اللي نحتاجه صحنين .. وصحون بلاستيك حق السلطه .. وسكاكين باااس .. وش نبي بالطوفريات .. والملاعق والشوك ؟!
صفقتني كف ونزلت الاغراض اللي معها .. من شافنا قال بيروحون الحراج بيبيعون اغراضهم .! ههههه
ونطلع نحمل الاغراض في الموتر ..
ويالله عقب الجهاد نخلص ..
وخلصنا حدود الساعه 6 ونص .. ونمشي يم المكان اللي ابوي متواعد فيه وياه عمي .. ونمشي ونمشي ..
عاد انا واختي حسنه نطلع في السنه مره .. وماتشووفون الا ملزقين وجيهنا بالقزاز حق السيارة .. لو نشوف قوطي ببسي في الشارع كإننا شايفين جورج كلوني =----> ابي افهم وش دخل جورج كلوني هههههه
ونوصل المكان وننزل الاغراض ونشب الضو
وشوي جو عمي وغبرته وراه .. انا ذكرت جيوب الاسرائلييين .. وانا اللي اتحمس وانادي اختي .. قلت يالله نلعب لعبة الفلسطينيين والاسرائليين .. ونقعد نرجم على سيارة عمي .. ويطلع ولدهم مع الدريشه وتعض اختي على لسانه وتصووووووب على جبهته ( طاااااااخ ) ومن قوه الرجمه دخل الولد في السيارة هههههه ياشينها لاتحمست حسنه ههههههه
ونقعد نناقز من الفرحه هههههه ( صحيح مجانين )
وشوي ماحسيت الا على ذيك اليد الحرشا اللي ماسك رقبتي .. والتفت على اختي واشوفها خانقتها العبره .. متحسفه على اللي سوته .. ( يقال لك تنتمي للجنس الناعم ) ههههههههههه
وفجأه بلا سبق ميعاد يصير وجهي بوجه اختي وتلاقت جبهتي بجبهتها معبره عن اصطدام سواه ابوي فينا ..
ونقعد على الارض من الروعه ومن الدوخه ..
ويوم وقف عمي سيارته طلع ولدهم المفلوق يعايرنا هههههههههه يالسخريه الأقدار .. ونحقد علييييييييه =---> قبل شوي راجمينه ولا حقد عيلكم ههههههههه
ويقعد ابوي يرحب بهم .. وانا ارحب ببنت عمي .. وأختي اللي ماتستحي ترحب بولد عمي هههههه وامي ترحب بعمي هههههههههههههه =-----> من جد برآآآآآآ هههههه
ونسولف لين جاء وقت الغدا .. وتقعد تنكب امي طويلة الذراع الله يخليها لنا والله يخلينا لها .. هي عزنا هي فخرنا نسقي ثراها بدمنا .. المملكه تاج الدياااار =--> برىىىىى
ويجي وقت الغدا ..
ويوم حطينا الصحن .. ماحلمنا وعلمنا الا والذباااااان متجمع علينا لحووووول وش نسوي ..
ونقعد نهش عليه مير ماعنده مشكله .. ونشب في خيشه كود يروح مع الدخان .. مير وانا المح 20 ذبانه تاكين عند الخيشه الظاهر انه يبون يفقدون هههههه
شوف عيني ياجماعه ان ذبانة منهم عجزت تطير من السمنه هههههههههه بغيت ادق على الرابح الاكبر عشان تشارك معهم =----> برىىى
المهم ونتغدى غدا مدري وش لونه هههه وماصدقنا يجي العصر عشان نمشي .
صلينا العصر ,, وعمي وعياله مشوا ..
وقلت ميد بابا يالله نروح ذبحن الذبان .. قال يالله رح قل لأمك مشينا
وانا اللي اروح لأمي ,, شفتها من بعيد وهي متحجبه .. استغربت امي ليه متحجبه ولابسه غطوه ؟
يوم قربت منها طار الذبان من على وجهها هههههههههههههههههههه
وافطس ضحك هههههههه ويوم تكلمت طلع من فمها ذبان هههههههههههههههههههه
والمهم ونركب اغراضنا .. ونشبك اصبع البطاريه ( ابوي حتى في البر يفصل اصبع البطاريه هع ) هههههه
ونمشي ..
وتوته توته خلصت الحدوته
مايستفاد من القصه ..
1- دعم الاخوان الفلسطينيين ماديا ومعنويا
2 - اذا جيتوا بتروحون البر لازم تتقضون هههه
3 - اذا جيتوا بتطلعون البر لازم تكونون عارفين المكان يعني مافيه ذبان ولا عقارب وثعابين
4- الواحد لازم يعقل عشان بنت عمه تحبه ههههههههه
5 - اذا نقصتك فلوس وأمك في يدينها خمسه كيلو غوايش مايضر انك تسرق وحده
ملاحظه (( كتبت القصه في منتدى ثاني .. وحبيت اشارككم القصه وتستمتعون بها ))
المشاركة الأصلية كتبت بواسطة مجرد إنسان
اهـ يابطـري على قـول مناحي هههههههههههههههه 
مواقع النشر (المفضلة)