زحمت الرياض يوم الأربعاء ووالسالفه اللي صارت علي هنااااااك
السلااااااااااام عليكم صبحكم بالخير
اليوم جايب لكم صور طلعتي يوم الأربعاء العصر
بقولكم السالفه عشان يصير لصور طعم
طلعت من البيت انا وعمي الساعه 4 ونص نبي نروح للمرسلات يبي يودي جواله يصلحه
هو مايد ركبنا على السيارهـ ومشينا المهم بغيت اطلع مع طريق البطحا قلت زحمه
طريق الملك فهد مافيه امل اجيه معروف زحمه دايم قلت مالي إلا الدايري الشرقي هو عطي الله
تدورن اني اول مرهـ اشوف زي الزحمه هذي لكن للاسف ماطرا في بالي ولا كان صورته لكم
المهم انا كنت ناوي ابطلع مع مخرج 9 وثم اروح للمرسلات من عندي
يوم شفت الزحمه كذا قلت والله ماهيب لحيت 9 عساني اجي مخرج 13 وانا ما ارتفع ضغطي
المشكله اني مسوي عشى لعمي وعمي معي وخفت اني اتأخر وعازم ناس من اخوياي
المهم طلعت مع طريق خريص بتجاهـ الغرب مع كبري الخليج
واول مادخلته شفت الزحمه هذي وانا ارجع للجوال ابي اصور عشان نحفظ الحقايق
واخذ شوي ولا راحت ولا خفت وولا نوت انها تخف الزحمه
وهذي الصورهـ من الجهه الثانيه
<< هنا الضغط ارتفع ولا وصلنا المرسلااااات ولا هم يحزونون
وهنا لاحظوا المسارات حتى الخدمه رايحه وطي من الزحمه
وهنا بعد ماجبت العيد من الزحمه كنت ابي اطلع مع دوار القاعدهـ الجويه مع طريق المطار القديم
من الزحمه والضغط اللي مرتفع نسيت وتعديت
وهنا على بالي ابي اصرف كأن المنظر اعجبني ابي الزعل يروح من الزحمه
لكن ماراح
حدتنا الزحمه على دروبن مانبيها
المهم ماوصلنا المرسلات إلا بعد المغرب من اربع ونص لين المغرب
لو اني مسافر يمديني قطعت 200 كيلوا وزيادهـ وانا هنا مارحت ديرهـ
المهم نزلنا الجوال ورجعنا بعد العشاء على طول وشفت المنظر هذا
والصراحه استغربت شكله الهمرهـ هذا مقاس عايلي XXL
تصدقون من طوله عجز الجوال يصورهـ بالكامل
ياطول الموتر يبيلك دربيل عشان تشوف الهمر زين (ناظور )
المهم اسمع بالضغط إذا ارتفع ان العصير يعدل المزاج واطلب من المطعم في المصيف
عصير كوكتيل لكن ماش ماتغير
وهذي صورتي وانا مستلم الدايري راجع للبيت بعد العشاء فاضي
الريجيل في البيت وانا في المرسلااااات اشوا ان اخوي هناك ولا كان علوووووووم
يالله مع السلااااااااامه
حــــــــــــــيران
مواقع النشر (المفضلة)