ليه مايكون فيه كذا ... موضوع مهم للغايه

**اوعدك بنساك** · 17-02-2008, 01:18 AM

[align=center]موضوعي من جد مهم للغايه ولازم يتناقش ويلقاله حل وبنلقاله حل ان شاء الله

الواحد فينا لي يتخرج تلقاه يلفلف بها الملف العلاق وخمس الالف صوره وبكل مكان تلقاه الضعيف او هالضعيفه قدمت اكيد بيسون عقد ثلاثه شهور تجربه وماشاء الله يحضر او تحضر قبل الفراش وتطلع اخر وحده وخلصت الثلاثه شهور وانجز شغل ومددوله بعد سنه او ثنتين قاموا وفصلوه بدون سابق انذار ولا خطاء حصل منه طيب ليش وش السبب عشانه عقد وانهوه
بها الحاله وش يسوي المسكين او المسكينه وهو بناء اماله انه يترسم وبدء يعتمد على نفسه واللي يصرف على اهله واللي يبي يتزوج وش يسوي

من جد مفروض حتى العقود فصلهم مايصير الا بعد الرجوع الى الخدمه المدنيه والله ظلم وحرام

زميلي بالدوام انا بإجازه وكلمني واحد على الجوال وعلمني ولله ضاق صدري وعلى طول كلمته واسيته

بها المشكله من الملوم بالدرجه الاولى ؟

من الظالم والمظلوم ؟

لمين نوجه اصابع الاتهام ؟

وابي ردكم بعيد عن الشفافيه [/align]

**حنـوُن بجنـونْ** · 17-02-2008, 09:59 PM

[align=center]أخوي أوعدك بنساك

الله يعطيك العافية

بصراحة موضوعك أكبر مني ما أقدر أناقشه بالشكل المطلوب

بس مجرد آراء بأطرحها وإن شاء الله تكون في محلها من القضية

،

بها المشكله من الملوم بالدرجه الاولى ؟

إللي ما يعرف النظام يضيع في الطوشه

وأنصح كل واحد يدور على عمل سواءاً في القطاع الخاص أو الحكومي يعرف النظام ويعرف إللي له وإللي عليه

في هذي الأيام أغلب الناس ما يفكرون بالحلال والحرام أهم ما عندهم أنفسهم

من الظالم والمظلوم ؟

إللي قرأناه يقول إن صاحبك مظلوم ولكن ما نقدر نثبت ذا الكلام

ويا ليت صاحبك يتأكد من المسؤول في العمل وش سبب الفصل وإذا كان مظلوم يشتكي في ديوان المظالم صح بيتعب في المراجعة لكن في النهاية يأخذ حقه وما يضيع حق وراه مطالب

تحذير
لا يقلبون القضية عليه ويدفع لهم غرامة إللي ما يعرف النظام ينام في بيتهم ولا يشتكي على أحد

لمين نوجه اصابع الاتهام ؟

لو جاوبت هنا بأخالف قوانين من هم أقوى مني لذلك أفضل السكوت ومهما تحدثوا الناس صدقني ما أحد يتكلم بشفافية لا أنا ولا هم
[ ما بأتكلم على الحكومة ولا في السياسة لا يروح فكركم بعيد ]

،

شيء مؤسف إللي يصير هذي الأيام في كل مكان هناك ظالم ومظلوم
وكل(ن) يدعي وصلاً بليلى × وليلى لا تقر لهم بذاكا

أتمنى لك التوفيق وأعذرني على التقصير

$222[/align]