ياناس شوفو لي حل !!!
مساكم زفت الطين
ياناس انا كنت انسان متعذب في حياتي قضيت عمري في اللف والدوران في هالجامعات والكليات لين شيبت وللأسف في كل جامعه افشل ولاّ تصير لي مشاكل مع الدكاتره واضرب الباب< كويس اذا ماضربت الدكتور
المهم فالنهايه كلمت اخواني الثلاثه اللي بامريكا يدرسون قلت لهم انا خلاص دشرت بما فيه الكفايه< ومشغل تحملتك ( غناء خاسر صقر ) im22
المهم قالو لي بندبر لك واسطه ونجيبك عندنا بس بشرط im3
قلت وشو الشرط
قالو تحلف على المصحف انك تترك كل الخراب اللي في سعوديا عريبيا
قلت طيب واقسمت وما خليت شي ما سويته
المهم انهم دبرو لي واسطه وهذاني بطلع بعد اسبوعين او ثلاثه
المهم يوم بشروني اني خلاص ابا اطلع
قلت لازم اروح اشوف الشباب وش يقولون
تعالو شوفو وش قالو
1- رحت لخجول وقلت اني بروح ودعالي بالتوفيق ونصحني كم نصيحه< هذي جات سلامات
2- رحت لواحد من العيال قلت له اني بروح قال اقول اسمع ياشنب تراك انت مكانك جده وتخب عليك بعد والله لو تروح هناك لتصيع وتضيع ونهايتك في غونتنامو
انا ما يأست وتركته ورحت لواحد ثاني شكله على بداية الطواعه
وقلت له اني بروح قالي ياخي اتق الله وربي لترجع مغسول دماغياً وتجينا علماني< مع اني متري وش كلمة علماني
قلت اهم شي اني ما ارجع يهودي ولا نصراني
وما يأست ورحت لواحد ثاني وهو اللي جاب الغايبه ( وفي روايه المطبله )
قال لي انت تدري انك لو رحت منت براجع
قلت وش تقول !!! قال اللي تسمعه
قلت يبن الحلال استهدي بالله قال يارجال انا اعرفك انت بتتعرف على وحده من اياهم
يهوديتن شقراء وتزوجها وتاخذ جرين كارد وتسحب سيفون على سعوديا عريبيا.
الا وانا تجيني صدمه نفسيه وانهيار عصبي واطيح<< ما يعرف هالحركات ابد ماله بالشقر ولا السمر
المهم اني مريت على كم واحد اللي يقولي انتبه من النيقر لا يذبحونك واللي يقول لا تدرس سياسه والي يقول رح يالاشهب منت صاحي انت سكران< وش دخلها ذي im22
المهم الرحله قربت وانا مدري وش اسوي وانا قلت مافيه الا اعضاء الزين اشاورهم im3
* هل يمكن اني لو طلعت امريكا بضيع واصيع واخرب؟
* ولا برجع سياسي ولا علماني زي ما يقولون؟
* ولا بتزوج لي شقراء واستكن عند الخواجات؟
*وهل اسمع كلام العزال وما اسافر واكمل مسلسل الدشره ؟
قولو لي تكفون
..
مواقع النشر (المفضلة)