[poem=font="Simplified Arabic,6,firebrick,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سقت القدم صوبك وعنيتها لك=وسقت القصيد افكار واوزان وبحور
جيتك وانا مجروح منّك وهالك=ابغاك تدراني من الهم والجور
جيتك وانا ادري يوم ما جيت بالك=مجبور فيك وللأسف منت مجبور
ظميان وابغى ارتوي من زلالك=ما ابغى تصدرني من العد مقهور
كم وقت يمي جيت والحزن فالك=وتروح مني خالي الحزن مسرور
سكنّتك بروحي وقلبي حلالك=كنّه غدى بيتك ولا شي محظور
ربـَـّع بمنزالك وعشبه زهالك=وحميت لك حده ولافيه مخطور
مالك خشير..الحين تسكن لحالك=مغير عرقاً يدفع الدم بجسور
ما كان يطري لي ابد ما طرالك=خليت بيتك مدهراً منك مدمور
حاولت ادور لك عذر عن هبالك=ولا لقيت العذر لك وانت مغرور
بيّنت لك طيبي وبيّن خمَالك=ما فيه داعي كان روحت مستور
واليوم انا جيتك وما ابغى وصالك=ابيك تدراني من الهم والجور[/poem]
[align=center]خالد العزام[/align]
مواقع النشر (المفضلة)