[align=center]
السلام عليكم ورحمة الله وبركاته
حروف متواضعه واتمنى ان ترتقي لذائقتكم اجميله
[rams]http://movn.net/Music(~Movn~)/Movn_(4).ram[/rams]
[/align]
[poem=font="Traditional Arabic,6,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
جددي في القلب جرحك يالعنود=واجرحيني كل ما شفتيه طاب
همك من العام في قلبي يزود=ومنه راسي ياعنود الصيد شاب
جرحك اللي في الصدر مافيه فود=والله انه طابـع مثـل الكتـاب
كنّ قلبي حزمةٍ والجرح عـود=من كثر ما تجرحين القلب عاب
نار حبك تشتعل وانتي وقود=كيف داويتي عذابي بالعذاب
القمر والليل ونجومه شهود=ان قلبي في بحور الحب ذاب
لك بساتينٍ بقلبي من ورود=واقرب لمحجر عيوني من الهداب
في الهوى لابد توثيق العهود=دامنا يابنت فـي سـن الشباب
ماهقيتك تخلفين اقوى الوعود=القمر وشلون غطته السحاب
ماهقيت الحب ياظبي النفود=والمشاعر كلها تصبح سراب
ايه لي مبدا على سلم الجدود=ولو تزل الرجل يردعها العتاب
وبك انا يابنت جداني اسود=كاملين العرف وعزاز الجناب
طيبين النسـل عربين الجدود=والدخيل ليا زبنهم مايخاب
لو جهلتيني ترى ماني بجحود=صادق وافي وقلبي ما يهاب
لو سمعت الشام تحكي للزيود=وش علينا من سواليف تعاب
القوافل مالها بند وحدود=ولا درت يا بنت عن نبح الكلاب
ويش جاب الثعل لشبول الفهود=ومن يقول الحر هاب من الغراب
عاذلي والعاذل بطبعه حقود=في عيوني ما يساويله ذباب
ادري اني طحت في نذل وحسود=وادري ان الدم ما يصبح شراب
وادري ان العمر يابنت معدود=وادري ان نهايتي تحت التراب
مار هذا الوقت والحظ معقود=وكل خرج اليوم نلقى فيه داب [/poem]
[align=center]
وسلامت قلوبكم
اخوكم
بدر بن تركي
[/align]
مواقع النشر (المفضلة)