دمع القلم ... خد الأوراق

[حزين الحرف]

السلام عليكم ورحمة الله وبركاته اخواني
أعضاء هذا المنتدى المميز هذي أخر قصيدة
كتبتها بدموع القلم الذي ارتسم على خد الأوراق
ليشكل هذه القصيدة التي أتمنى أن تحوز على رضاكم وإعجابكم
لكم القصيدة ولي الشرف بمروركم عليها وردك

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
دمع القلم ينزف على خـد الأوراق=يكتب تفاصيـل الـوادع الحزينـة
حيرة سهر غيرة قهر هـم إرهـاق=علة شقى قلة لقـى هـم غبينـة !
هذي حياتي من بعد هجـر وفـراق=من شافني تمتـم حـزن ياعوينـه
كلن رحم حالي عـواذل وعشـاق=وانتي يا اغلا الناس ما ترحمينـه
ماهو بصدري بس من غيبتك ضاق=حتـى شـوارع حيّنـا والمدينـة
من بعدها دنيـاي ماعـاد تنطـاق=وأصبحت لأحزاني وهمـي رهينـة
الفرح وشهو الفرح غير أبني العاق=وأشد صدمات الأبو مـن ضنينـه
والحـزن رجـالٍ غثيـثٍ ولـزاق=وذب الميانة حيـل بينـي وبينـه
والحظ من صغري وأنا حظي معاق=يبغى الوقوف ولالقى مـن يعينـه
والبعد قاضي حاكم بقطع الاعنـاق=والصـد سيافـة وأنتـي عوينـه
والشوق ناره تحرق ضلوعي احراق=والذكريـات الماضيـة بانزيـنـه
والشعر لازاد الحزن صـار معـلاق=أخلع ثياب الحـزن فـي راحتينـه
أقطف من زهور الشعر كل مـالاق=فلـة وريحانـه مـع ياسميـنـه
وأسبح فبحره وآتعمـق بالاعمـاق=وأطلع وفي يـدّي جواهـر ثمينـه
ويقول بعض الناس لـك رب رزاق=يعوضـك عـن الحبيـب وسنيـه
وأقول لـه وآنـا تخنـق تخنـاق=وينه حلي الزيـن يانـاس وينـه
اللي جمع زينٍ على طيب الأخـلاق=ماغرتـه دنيـاه وأطغـاه زيـنـه
تجمعت مـن حولـه آراء واذواق=كلّـن يأشـر لالمـحـه بيديـنـه
سبحان ربٍ جامـعٍ ليـل وإشـراق=الليل شعره والصبـح فـي جبينـه
وحمرة خدوده كنها حمرة أشفـاق=والنحل يجني الشهد مـن شفتينـه
ورموشه سهامٍ والاقواس الأحـداق=كم فارسٍ أصبـح ضحيـة لعينـه
ولبيـه ياحظـنٍ يغرّقنـي إغـراق=ولبيـه ياعنـقـه وياخوختيـنـه
غيره ليامن صـد بألفيـن طقـاق=ولاصد عذبنـي الخفـوق وحنينـه
الله يجازيهم غـدى الدمـع دفـاق=وصحـو بخفاقـي جـروحٍ دفينـة
وش لون ما اشتاق لا والله أشتاق=شوق الصغير اللـي فقـد والدينـه
خايف يطول البعد ويمـوت خفـاق=صرتي هـواه ومـاه ياأكسجينـه
وماينفعك لاألتفت السـاق بالسـاق=تبكين مـن زود النـدم والغبينـه
وبهديك دمعة حزن في وسـط الأوراق=تحكي تفاصيـل الـوداع الحزينـة [/poem]

وسلامتكم
اخوكم
عبد الرحمن سعد الدوسري
حزين الحرف

[جزيل المعاني]

عبدالرحمن وش تركت من الروعه والجزاله والابداع؟؟؟؟؟؟؟؟؟



هذا الشعر الحقيقي اللي يشرح الخاطر ولو كانت القصيده باكيه !!!!!!


صح لسانك كلمه لاتكفي لتقف امام عظمة هذا النص


الصمت ابلغ

[الحوراء بنت نجد]

حزين الحرف

بعد غياب هطول وارف وكلمات معبره

نسأل الله لشاعرنا راحة البال-

ننتظر عذب تواصلك-

تقبل مروري

[احساسي صادق]

حزين الحرف
مع تدفق الحزن وانسياب الاهات سطرت هذا النص الجميل ..
صح لسانك يالدوسري ..
دمت بهذا االعطاء المميز ..

[حزين الحرف]

جزيل المعاني
يسعدني ويشرفني أن تكون اول من يرد علي
فألف شكر على ردك الجميل الذي أتشرف به
خاصة من شخص مثلك الله لايهينك وبيض الله وجهك