~¤¦¦§¦¦¤~ ذكــريـات الـطـفـولـه والـبـرائــه و يـا حـلاتـهـا مـن أيــام .!! ~¤¦¦§¦¦¤~
شخباركمـ.؟
فكرت وش أكتب عنه وقلت ما لها الا نكتب عن أيام الطفوله والبرائه << امحق برائه :07:
المهم كل شخص منا أيام الطفوله كان يتابع المسلسلات الكرتونيه والبعض له مسلسل كرتون خاص يحبه الي كان يحب عدنان ولينا صار الحين رومانسي وغرقان بالحب
والي يحب كابتن ماجد صار الحين ( يلحق كور :D ) و الي كانوا يحبون سالي ومتأثرين فيها تلقاهم الحين القطو يأكل عشاهم من كثر البرائه والطيبه عندهم
وحبيت نسترجع من خلال هالموضوع أيام قبل والذكريات الحلوهـ ولو بـ شيء بسيط :)
[[ عدنان و لينا ]]
هذه أحلى قصة حب بالدنيا لحد يقول لي قيس وليلى ولا عنتر وعبله
كان من أحلى افلام الكرتون و يحاول فيها عدنان انقاذ لينا بعد اختطافها
ولاننسى المفهي والمهبول هو
عبسي هذا اسمه بحد ذاته نكته ياحبي له ويا كشته
مهبل ومجنن بالعالم وخصوصآ القبطان نامق هو مع عدنان
بس بالأخير مسكهم وللحين أذكر الحلقه الي جلدهم فيها وعبسي من أول ضربه أغمى عليه والي أكلها عدنان :p
لـ مشاهدة بعض اللقطات
1
2
[[ الكابتن ماجد ]]
الكابتن ماجد وهل يخفى القمر .!!
هذا اذا جاء يسدد يبيله حلقه كامله.. اذكر فريق بسام كلهم دلوخ يعتمدون على بسام وتسديدته النمر
وكان في حارس معجبني وهو
الحارس وليد هذا ما قيد شفته بدون الكاب الأحمر << شكله فيه صلع :D
هذا كل ما أشوف كاسياس هالأيام وابداعه أتذكرهـ .. صدق لا قالوا الحارس نص الفريق :)
1
2
[[ هايدي ]]
هايدي الجميله .. هايدي الكريمه .. هايدي اليتيمه :)
بنت صغيرهـ واضح من صورتها البرائه والطيبه من الطفوله
يموت والديها وهي صغيرهـ وتعيش مع جدها قبل ماتتعرف على خويي العمر راعي الغنم بيتر
1
2
[[ لولو الصغيرهـ ]]
لولو و صديقها الدب نفيخه المنافيخووو
لولو بنت نشيطه وفيها لقافه تكفي بلد بعكس خويها نفيخه :p
وحتى طلعوا لهم بسكوت بـ اسمها بس انقرض
1
2
[[ سالي ]]
بنت طيووبه و رقيقه كانت عايشه كـ الأميرهـ ودخلت مدرسة داخليه للبنات منذ طفولتها
البرائه تنقط منها وأبوها كان غني وفقدت والدتها منذ الطفولة وأدخلها والدها مدرسة داخليه بسبب كثرت سفرهـ وتجارته
ولاننسى وجه العنز
السيده منشن كانت حاقده على سالي وبعد أن أفلس والد سالي و توفى استغلتها وخلتها مثل الخادمه عندها :(
ما الوم البنات اذا يخافون منها اذا صرخت << تذكرني بـ مديرنا أيام المتوسطه :07:
1
2
[[ بوزو ]]
هذه فلم كرتون قديم واجد وأنا ما لحقت عليه بس شفت صورته وأنا بالطريق قلت خلني أسدحها :p
وأذكر واحد من الشباب يقولون له بوزو وهو اسم مهرج كان يعرض من أيام الستينات
وياليت أحد الشيبان الي هنا يتحفنا برأيه اذا لاحقين عليه :D
و حاولت أدور له بعض اللقطات بس شكله انقرض :07:
[[ كاليميرو ]]
كاليميرو كاليميرو حكايته مفرحه كاليميرو كاليميرو مغامراته مسليه
كتكوت أسود أو في روايه آخرى بلاك كتكوت << يعني تفرق الحين بين الاسمين .!! :07:
كاليميرو و صديقته كرميلا أنا من عرفت كاليميرو ما قيد شفته بدون البيطه المعشعشه فوق رأسه :p
1
2
[[ الصياد الصغير ]]
الصياد الصغير رامي يحب الصيد من طفولته بعد ما علمه جدهـ على الصيد
فلم كرتون روووعه وكان أفضل من يصيد السمك في عمرهـ
وكان يصيد اسماك صغيره على بدايته بس بعدين صار ينتف الهوامير << الهوامير مو حقين الاسهم :D
1
2
[[ كعبول ]]
هذه أي واحد بالعائله اذا كان سمين لازم يسمونه كعبول
هو كلب يموت بـ الأكل وصاحبه ابو شنب الأبيض المخترع عبقرينووو
هو كوميدي من الدرجه الأولى ولاننسى القطو الأسود الي يهبل بـ كعبول
1
2
[[ ماوكلي ]]
من يوم صار كبير ما قيد شفته لابس غير الخرقه الصفراء
ماوكلي الانسان الذي يعيش منذ طفولته بالغابه مع الحيوانات وتصير مشاكل بينه وبين باقيرا والدكتاتوري النمر شريخان
شخصيته روووعه و على أيامه كان ودي تكون معي زي العصا الي معه يضرب فيها و ترجع له
وما شاء الله ولا مرهـ أخطأت الهدف
1
2
[[ السنافر ]]
ومن منا لايعرف السنافر .!! بقيادة الشايب بابا سنفور
جننوا في شرشبيل بو خشم مع قطوته << شخصية شرشبيل تذكرني بـ شخص الله يذكره بالخير :D
شرشبيل كان يكرهـ السنافر و يحاول يقضي عليهم بس السنافر يورونه نجوم الليل بالظهر
1
2
[[ سلاحف النينجا ]]
يا حبي لهم أذكر أنا وأخواني كل واحد له شخصيه وأنا كنت ذاك أبو ربطة حمراء << بس مدري ليه بعض الأحيان يتكفخ :D
سلاحف عااديه وطاحت عليهم مادة من الي شـ سمه.. وتحولوا وصارو يكبرون بسرعه و أخذهم الفأر الشايب نسيت اسمه و صار يدربهم على النينجا
وأذكر أخوي من كثر ما متأثر فيهم كان مختار مايكل أنجلو ذاك أبو ربطة برتقاليه و شراء السلسله حقته وخذ تكفيخ بـ عيال الحارهـ
بس الي محيرني كيف سلاحف و يحبون ويعشقون البيتزا يمكن فيهم عرق ايطالي
فيلم كرتون أتعب وأنا أقول روووعه وأذكر طلعوا له فيلم حقيقي أحلى وأجمل :)
1
[[ جرانديزر ]]
هيا طر يا جرانديزر
مغامرات من نوع آخر وهي حرب بالجو والفضاء بمركبات فضائيه
ماكنت أتابعه ما تابعت منه الا كم حلقه :)
1
2
[[ سندباد ]]
سندباد و صديقته الأميره يسمينه الذي تحولت الى طير << صكها واحد يعرف نفسه الله يستر علينا وعليه من رابطة الليغا :D
مغامرات حلووهـ و شيقه وسندباد بعدها يتعرف على علي بابا و الشايب علاء الدين
وتتحول بعض الاشخاص لـ طيور وحجر وبالاخير ينفك السحر و يرجعون زي قبل .!!
فيها خرافات بالجمله بس مغامرات حليوووهـ :)
1
2
[[ سنان ]]
سنان يا سنان
يا احلى الاصدقاء .. في الغابة الخضراء :07:
سنان يعيش مع أبوهـ رحمون بعد وفاة والدته
وأكثر وقته مع صديقه بنان وحبيبته الي تغار عليه لالا ولاننسى شلة زعبور وأخوياهـ
زعبور و شلته شرشور و فرفور << سبحان الله من أشكالهم فيها خبث :07:
زعبور ولد الشايب جرجور .. الثعلب المشكلجي والي يحلم يكون حاكم الغابه لكن هيهات :D
1
2
[[ جازورا ]]
جا جا جا جا جا جازورا
ديناصور صغنون يأكل الأخضر واليابس
جازورا يأكل اي شيء قدااامه بس مشكلته ( خواف :p) خصوصآ اذا شاف الآبرهـ مع الدكتور تجيه حالة صرع
مسلسل اتعب و أنا أقول رووووعه :)
1
2
[[ عبقور ]]
القطو الأزرق عبقور و صديقه عامر
ما شاء الله اي شيء يجي في بال عامر يجيبه عبقور .. أنا ما أذكر عامر طلب من عبقور شيء وما جابه
وناسه اذا عندك صديق زي عبقور .. اي شيء تبيه يطلعه من جيبه
مسلسل كوميدي و حلو ويا حلات أيامك يا عبقور :)
1
2
[[ باباي ]]
رجل البحار باباي و زوجته زيتونه أم العصاقيل
من منا ما كان يتمنى يكون عنده عضلات باباي .. من منا ما كان يتمنى ( السيجارهـ ) حقت باباي
ولاننسى أكلته المفضله السبانخ ( المنشطات :p ) << لو تعطونها رونالدينهو يمكن يرجع لمستواهـ :p
ومعهم الدب بلوتو الي يهبل فيهم بس باباي اذا أكل السبانخ يجيب أجله
مسلسل روووعه وكان له جو خاص باباي :)
1
[[ جزيرة الكنز ]]
زي مايقولون ختامها مسك مع جزيرة الكنز :)
لحد يقولي أفلام هوليوود بلا بوليوود << شدخل .!! :D
اذا أحد بيذكر جزيرة الكنز لازم يذكر معها جون سيلفر ذو الساق الخشبيه
من أفضل المسلسلات الي شاهدتها وقصتها تدور حول أشخاص يبحثون عن الكنز بـ جزيرة مكتوبه في خريطة الكنز
وتحدث بين القراصنه بعض الخيانه ويحاول رجال سيلفر التخلص منه لكن ماقدروا وأذكر يجيهم مرض الملاريا ( الله يكفينا شرهـ )
وأذكر الخريطه كانت فيها كتابات واشياء لايعرفها الا سيلفر وما كان الكنز موجود زي ماهو موضح بالخريطه بس بـ ذكاء سيلفر وجدوا الكنز
مسلسل من أروع و أجمل ما شاهدت أيام الطفوله اذا ما كان هو الأجمل .. أنصح الي ما لحق عليه أو ما شافه بأن يشاهدهـ :)
1
2
وبالأخير أتمنى الموضوع نال على اعجابكم و اعذروني اذا كان الموضوع فيه أي قصور أو بدليات
ومن الصعب أجمع الرسوم المتحركه القديمه كلها بـ موضوع واحد ولكن حاولت نسترجع ولو شيء بسيط
والي عنده أي اضافه عن الرسوم المتحركه القديمه يحطها هنا
بس لحد يحط لي من أفلام كرتون هالأيام عشان ما أجيب أجله << يا عيني على الأسلوب :07:
مواقع النشر (المفضلة)