[poem=font="Simplified Arabic,6,limegreen,bold,normal" bkcolor="darkred" bkimage="" border="solid,5,orange" type=2 line=0 align=center use=ex num="0,black"]
يا الله يا للي من ترجاك ما خاب=يا واحد كل الملا يرتجونه
يا سامع الدعوات يا رب لرباب=تفرج لعبدك لاتوالت طعونه
يا رب تقلع كل حاسد وكذاب=اللي إذا شافوا بنا يهدمونه
من هرجهم كم طاح بيت له أطناب=من عقب ما كانت شداد ركونه
أهل النمايم والشتايم هم أسباب=جف المطر يا خي وقلت مزونه
يتناقلون الغل في كل لشعاب=قتيلهم يمشون ويشيعونه
أصنافهم ما بين كاذب ومغتاب=واللي رماه الوقت مايرحمونه
واللي يناصحهم يقولون مرتاب=لا يفهموا علمه ولا يقبلونه
في هالزمن يا عادل أسرار واعجاب=ما عاد تعرف طعم غيرك ولونه
الله يكفينا خطر بعض لصحاب=اللي إذا لاقوا خبر ينشرونه
كم خربوا بين القرايب ولحباب=كادوا على هالمجتمع يفسدونه
جريحهم لو مات قالوا كذا طاب=من حقدهم ما صدقوا يقبرونه
يا كم شباب من لظى ظلمهم شاب=حتى بدت دقاتهم في عيونه
واليوم ياعادل ترا الجور ماغاب=لا زالوا الحساد يتناقلونه
واللي يجاملهم ويفتح لهم باب=يلقى الجزاء من حاسدينه مهونه
والموت لاصار البلا صف لقراب=تكثر شياطينه ويكثر جنونه
ختامها يا الله يارب لسباب=قاتل نفوس من صَدَقْهْا تخونه [/poem]
مواقع النشر (المفضلة)