صــورة حــزن
:45ar:
لوحة حزن .. تجسدت بالواقع !!
للشاعر البحريني .. سالم المناعي
على لوحة بحر شعري ابرسم للحزن قيفان
وابعثر ساعتـ(ن) تفرح على حزني وساعاته
قسى بي هالزمن واغلق بوجهي كل هالبيبان
وتوهني بعناوينه وكثّر فيّ جرعاته
على ذاك الذي يشكي لي حاله ضايقـ(ن) مرضان
وذاق الويل من أهله وأصحابه وجماعاته
ظلمْه الكل من حوله بطعناته وهو فرحان
تخفى داخل وشاحـ(ن) لجل يخفي معاناته
بحور الحزن الوانـ(ن) غدى فيهم بكل الوان
نسى طعم الفرح والحب حتى في صداقاته
شكى لي مرضه القاتل ولي هالحين اهو حيران
وقال ايماني بـ الله بيخفي لي نتاجاته
اباوصيك يا سالم عشاني لاتكون زعلان
انا عشت احلى ايامي معاك الحب ووقاته
ولكن هذي الدنيا معنّي بالعمر جوعان
بغيت آعيش أبدرب الفرح لو في بداياته
انا مالي بهالدنيا سوى حزني عزف الحان
ظلمت الروح من روحي وقلبي عاف دقاته
انا حتى الي رباني شكى مني اهو تعبان
وقال اني مثل شوكه في حلقه داخل لهاته
وهذي امي تغصبني زواجـ(ن) دون اي حسبان
رغم كثر التعب اللي تطاولني مشقاته
محد فكر يدفيني وانا من روعتي بردان
ولا حد(ن) فهم حزني غريبه حيل لهجاته
مدام اقرب علي الناس ساومني مع الرخصان
اجل كيف الذي يبعد وناظرنيّ باسكاته
انا ماكنت ابي حبـ(ن) ولاني للفرح ولهان
ولكنك غديت القلب كاسر كل مناعاته
عليك الحب في قلبي إلي آخر مدى الشريان
ولي آخر نبض قلبي ولي آخر ممراته
عليك الحب ياسالم توصّل جرعة الادمان
وانا أدمنت في حبك إلي آخر مناداته
تصدق عاد ياسالم تراني بالعشق ندمان
احس الدرب قدامي تقرّب من نهاياته
انا كلي ترى صورة خيالـ(ن) في شكل انسان
وكل همّـ(ن) تكبدته تضاعف في مساراته
احس الموت ياسالم يجيني مركبه عجلان
تذكّرتك وأنت تقول (قلبي انتي نبضاته)
بقدم دعوتي لله عساها بخالص الإيمان
يارب الي خلق هالكون كله وكل مسافاته
خلاص الحين انا برحل وقلبي أغلق البيبان
بتتذكر وانت تقول (قلبي انتي نبضاته)
تحياتي للجميع ..
... الـــطـــمـــووحـــة ...
رد مع اقتباس
مواقع النشر (المفضلة)