في بيتنا عدد اثنين درزن من البزران
السلام عليكم ورحمة الله وبركاته
مبطي عنكم im3
وهـ بس وهـ على الصرقعة وروادها
مع ان نفسيتي زفت هالأيام
لكن البارح ضحكت ضحك وتونست وناسه غير طبيعية
بتقولون ليش ؟!
بقولكم ليـش ؟!
امس اجتمع عندنا بعض خوالي وبعض عمامي
هم وقشهم (( يعني وعيالهم ))
وكانت النتيجة
عدد اثنين درزن من البزرانفي بيتنا
<<< ترى ماحسبت روحي معهم im3
الزبدة
جاني اخوي العصر ودار بينا هذا الحديث
اخوي : عبدالله صح انت اخوي الكبير im3 ؟!
انا : قل والله ؟!! أول مرّه أدري !! ،، هات الزبدة ولاتقعد تتمصلح
اخوي : اليوم بيجونا عيال خوالي وعيال عماني وابي اكف الشر و اريحكم من صجتهم im3
انا : بتفجرهم صح؟! ياخي انت أطلق اخو بالعالم
اخوي : لا وين افجرهم ،، بس ابي اسوي حفلة لهم في المقلط
انا : :9ar: وش المناسبة ياخلفهم :9ar:
اخوي : مافيه مناسبة بس كذا عشان نجتمع بمكان واحد ومانسبب ازعاج im3
انا : اهااااااا وش هـ العقل :9ar: وش ذا الأدب :9ar: انا الي اعرفه ان كل بيتنا ملاحيس اعقل واحد فينا الشغالة im22 ،، اوكي وانا اخوك موافق ماعندك مشكلة سوو الي تبون
اخوي : الي يسمعك الحين يقول جاي استأذنك
انا : ينعن اوووم الزبدة الأليمة ،، أجل ليش جاي تقولي ؟!
اخوي : عشان توديني اروح اشتري حلويات وبالونات وتضبطها بالمقلط
انا : انعن اوووم المصالح ياشيخ وانا اقوووووول من اليوم وش هالأدب ،، عموماً أبشر
خش علينا عمي وقال انا الي بوديه ،، قلت ما طاح من النجوم أخف لـ السماء ،، انا عندي مشاوير ومقاضي بروح أجيبها
الزبدة
قعدنا ساعتين وحنا نضبط بهالمقلط
وجا الليل واجتمعوا الدرزنين
وماقعدوا في هـ المقلط الا ربع ساعة بس
والسبب الي خلاهم يطلعون هو
هو
هو
هو
هو
انا
هوايتي من وانا كبير <<< ياليل تأثيـر المبزرة
هي جمع الطوابع وجمع أوراق الشجر وتشويت البزران
ماخليت بزر من هالـ 24 الا طبعت أصابع يدي أو رجلي الكريمتين على ظهره او تحت ظهره im3 او في خده
الزبدة اني طلعتهم وقمت اتضارب مع البزران كلهم
وهبلنا بأم أم أم العايله أمس
وانا القائد حقهم <<< الله يخلف
بس ماعجبني شغل الاتفاق الي هم فيه
فكرت اني اسوي تفرقة وحزازيات
وفعلاً بديت اقول خلونا نسوي حرب
بين فريق البنات وفريق الأولاد
وانا الحكم <<< اشوا انك شوي مع ذولي وشوي مع ذولي
وبدت الحرب
هههههههههههههااااااي
والله ياضحكت ضحك
بدت المشاكل تصير
وبدوا البزران يتكافخون
وبدا الحقد ينتشر
وانا فاقعن ضحك
وتطور الوضـع واتجهوا لـ المجلس
وهناك حدثت مشاكل من جد
كسروا واحد من كنب المجلس
وكسروا طاولتين
ومزهرية خزف
وخربوا شطاف الموية الي بدورة المياة الله يعزكم << وش ودا امهم يتهاوشون هناك مدري خخخخخخخ
ونتفوا اوم اوووم الشجر الي بالحوش
انا يوم شفت الوضع تطور ولايمكن السيطرة عليه
اتخذت الخطة رقم 4015
مير اسوي تسذا
وانادي امي على بالي اني مع الرجال بالملحق من الصبح وابي اسألها متى أجيب العشاء
شوي يوم جات امي وشافتهم
قالت : الله يهديكم ويحفظكم ليش كذا <<< احس انها قوية النصبة صح ؟!!
الصدز ان امي قالت : آآآآآآآآآآآآآآآآبوووووو آآآآآآآآبوووووو آآآآآآبوكم يالهيوس يالجن يااا طوووووط طوووووووط طوووووووط <<< تعرفون مانع الكلمات الي يحطونه بالبرامج اذا أحد بدا يسب ويطلع صوت يقول طوووط خخخخخخخخخخ امي قالت امس طوط لين عجزت
واجي انا على بالي الولد البريء قلت ووووووووووجع
وش ذاااااااااااااااا
يالتسلااااااااااااااااااااااب
وابدا أمسكهم وأجلدهم im3
وألعن خيّرهم ههههههههههههههههاااااااي
وبعد التفقيع الي جاهم
طلعوا الأولاد يلعبون كوره
وقعدوا البنات يلعبون بالبالونات
وانتهت المأساة
مايستفاد من الموضوع :
1/ اذا طفشان ومالك خلق وعندك مشاكل إلى الليل ،، أمسك أقرب بزر وتوطا في بطنه im22
2/ كثرة البزران حولك تخليك تعيش حياة المبزرة وتسترجع أيام أول وتعيش الدور صح فلا تستغرب اذا فجأة صحت عشان واحد قالك منيب معطيك حلاوة
3/ اذا حسيت في يوم من الأيام ان بيجي بيتكم بزارين واجد حاول تبعد كل الأثاث الي ممكن ينكسر والي مو ممكن ينكسر او لاتشتري أثاث خير شر ،، او اعزمهم في استراحه ،، او تدري؟! لاتعزمهم آآآآبوو آآآبووو إبليسهم <<< وراه عصّب خخخخخخ
4/ يازين حياة المبزرة
5/ جوال عمتي فقدناه أمس ولقيناه اليوم في كومة الزريعة <<< وش عنده اللبناني خخخخخ
6/ اللعانة في المبزرة تستمر معك حتى الكبر <<< اللعانة في دمه
7/ اختصرت اوم الموضوع عشان مايصير طويل وسامج im3
8/ ياكثر هذرتي
9/ سلاااااااااام
9
مواقع النشر (المفضلة)