إن جاد حظك ...
[align=center][poem=font="Simplified Arabic,5,darkblue,bold,normal" bkcolor="transparent" bkimage="" border="none,5,gray" type=1 line=0 align=center use=ex num="0,black"]
يالله ياللـي كـل حــيٍ يسـالـك=يـا واحـدٍ كـلٍ يخافـك ويرجيـك
يا قاسم انـوال المـلا مـن نوالـك=وقبضة نواصي الخلق كلهن بياديـك
اتفك عقد احبـال عبـدٍ شكـا لـك=مستبـرمٍ حبلـه بعقـد الشرابـيـك
بعيدٍ عن الداني دعـا والتجـا لـك=يا من هو المالـك وحنـا المماليـك
ارمـي بحالاتـي لذيـك التهـالـك=تفرج عن القلب الذي فيـه تشكيـك
ما به من الحرفـات الا الدعـا لـك=والحيـل قصـر والأيـادي مفاليـك
فيلا اقتضى عسري بحسن الرضا لك=فاجعل لنا صبرٍ على العسر يرضيك
سايلت داعي البيـن مالـي ومالـك=من كل صـوبٍ كاثـراتٍ دعاويـك
قال إن هذا الأمـر لا لـي ولا لـك=أمرٍ قضـاه آلهـك اللـي مسويـك
لا تعترض أم القـدر فـي جدالـك=ولا تحسب إن اللي مصيبك بيخطيك
قسمة احظوظ الخلق قسم السوا لـك=ومكتوب حظك يالفتى في نواصيـك
جف القلم باللوح فيمـا اقتضـا لـك=إمـا سعيـد الحـظ وإلا مشقـيـك
وأنا اشهد أن اللي كتب لـك ينالـك=يالعبد ربـك باسـم حظـك يناديـك
كـلٍّ بتقديـر الولـى طـاب فالـك=اصبر علـى مـا قـدر الله يأتيـك
ولا تلوم النفـس فيمـا جـرا لـك=تبور غالـي سلعتـك بيـن أياديـك
ويلومك اللي مـادرا عـن حوالـك=ولا درا ويش الدهر محـدثٍ فيـك
محدٍ درا ويش الذي صـاب حالـك=وما جرا لك مـع صديـقٍ معاديـك
بمكايـده يبـلـن الأيــام حـالـك=وعن المـوارد قاصـراتٍ مداليـك
ما شام بك من ديرتك عـن عيالـك=وما عرضك درب الخطر والتهاليك
وين انت والأقـدار يـوم ارتحالـك=في وسط غباتٍ بها المـوج عاليـك
مـرٍ يميـن ومـرةٍ مـن شمـالـك=والعرب من التريـك تاخـذ بياديـك
إن قيل رد البوش واربـط احبالـك=ضاقت على احرارهـا والمماليـك
فاعزم وشـم ولا تضيـق المسالـك=ولا تسـوي يافتـا شومـت الديـك
وافهم نبا ما أقول لك طـاب فالـك=سعود الفتى بالحظ من غير تشكيـك
وإن جاد حظك باع لك واشترا لـك=فوايده مـن كـل الأبـواب تاتيـك
وإن بـار بـك دلاّ يهـزل حلالـكوبردا الثمن لزماً يبيعـك ويشريـك
وإن جاد حظك بالمجالـس حكالـك=وصدق مقالـك كـلٍ لـك يحاكيـك
وإن باربـك دلاّ يـكـذب مقـالـك=وتصير كذبات المـلا كلهـن فيـك
وإن جاد حظك بالمنـازل بنـا لـك=بيتٍ رفيعٍ شامـخ الطـول يذريـك
وإن بار بك خـلاك تنقـل اعيالـكمـن دار إلـى دار ودارٍ اتجلـيـك
وإن جاد حظك كل شيءٍ صفا لـك=وقرايـب الخـلان كلـن يصافيـك
وان بار بك بين جميـع العـدا لـك=وصار المحب اعدا عـدوٍ يعاديـك
وإن جاد حظك كـل شـيءٍ عنالـك=ويباشـرك عنـد المـوده ويعطيـك
وإن بار بك ضليـت محـدٍ بحالـك=ولا بفنجـالٍ مـن البـن يسقـيـك
وإن جاد حظك قام واطلـق اعقالـك=ومشا معك في كـل دربٍ يباريـك
وإن بار بك جود متيـن الثنـا لـك=وعن كل دربٍ لك يعقلـك ويثنيـك
وإن جاد حظك كل شيءٍ زهـا لـك=حليـاه بـرواح المجالـس تزهيـك
وإن بار بـك شيـن حلايـا خيالـك=إلى اقبلت تغضى كل عينٍ تراعيـك
وإن جاد حظك كل شيءٍ أضـا لـك=يشبـه فـم القنديـل نـوره يقديـك
وإن بار بك عزيل حالـي وحالـك=ارذل رذيـلٍ هافـي الجـد يوذيـك
يالعبد لـو كثـرت حـث ارتحالـك=وعرضتها درب الخطـر والتهاليـك
تـازي بـلا حـظ بعيـدٍ محـالـك=وقلوص عزمك بالمهامـه اتخليـك
تسعين عـام يافتـى مـا بـدا لـك=ولا لاح في بالـك لـزومٍ يصافيـك
قل ول يا حظي على ما جـرا لـك=إلى قل عونـك ماجتهـادك بيغنيـك
اكتب مكاتيـب الشقـا والعنـا لـك=قل ول يا حظ الشقى اتعبت راعيـك
يا حظ لو ذيب المفالـي عـوا لـك=في مجلسٍ حاويه صـوتٍ يعاويـك
يقول لـو حظـك سعيـدٍ نمـا لـكلو عشـرة اولادك عضيـدٍ يكفيـك
واليـوم لا تأمـن يمينـك شمالـك=يبوقـك اصـدق صديـقٍ يمالـيـك
ولا يغـرك إن لقـاك وحكـا لـك=لو عطالك مـن المواثيـق يرضيـك
اخذ الحذر كل الحذر لو صفـا لـك=عيبٍ على انك تأمن الخصـم ياليـك
تحرز بسو الظـن وابصـر بحالـك=واحذر جليسٍ ضايع الـراي يعميـك
من سو طبعه إن حكا بك حكـا لـك=يرضي عدوك بالنميمـة ويرضيـك
راعي المكر والبوق والكذب سالـك=وراعي الثنا ضاقت عليه المساليـك
يمشـي ورأيـه ضايـعٍ بالمهالـك=لا شاف من دونه على الوكر عاليك
ما تنظر الأقـدار فيمـا جـرا لـك=شيـوخ القبايـل يتبعـون المماليـك
فاعزم بعون الله على مـا بـدا لـك=واقصد إله العرش حسبـك ويكفيـك
صاروا ابطن اللحود ارض فمالـك=صبرٍ فهـل منهـم صديـقٍ يعزيـك
لا بأس لو من كل طرفٍ جـرا لـك=هامي سحاب الوجد من فوق خديـك
يا قلب هيـد عـن تذكـر احوالـك=واصبر عسى رب الملا يعتني فيـك
اصبر عسى تعطا خلف ما غدا لـك=رجلٍ إلى سامتـك الأيـام يشريـك
يارب تجعـل واحـدٍ مـن رجالـك=عند الشدايـد مزبـن اللـى يواليـك
في يوم ما تعطـي يمينـك شمالـك=مثقال حبـة خـردلٍ مـن حسانيـك
تعطيني مقصودي وأنا اللى أسالـك=يا سامـعٍ مـن جـا لبابـك يناديـك
واختام ملفوضي لنـا فـي مقالـك=ازكى صلاة إلى هادي الرشد هاديك[/poem]
محمد بن عون[/align]
رد مع اقتباس
المشاركة الأصلية كتبت بواسطة مهــاجره بأحســاس
مواقع النشر (المفضلة)