السلام عليكم ورحمة الله وبركاته

كيفكم ؟؟

هذي قصة وفيه اسالة ,, انا اشوف ان الشباب فقط يجاوب عليها ,,

اما البنات يضحكون بس

نخوووش بالموضوع ,,

انا سلمكم الله دخلت التوقيف مرة وحدة فقط ,,

قعدت 20 ساعه بغيت اموت gif22

والمرة الثانية قعدت ساعتين وبعد تحطمت ما كنت ادري اني بطلع ,,

المهم

تغير النظام في المرور ,, وحطوا لهم واحد صار ما يفرق بين شايب وورع

النظام يمشي على الكل ,,


المهم 2

رحت انا وواحد من الشباب ,, ومرينا لنا مطعم وشرينا وجبتين يحبهم قلبكم

واكلنا لين قلنا بس ,,

الا وانا ادخدخ شوي

وامشي ويوم قربت من الإشارة وهي تولع حمرا وانا اقطعها على طول ,,

شوي إلا نقطة التفتيش قدامي gif22

وياخذ الرخصة العسكري ,,

وقال ورع صفط على جنب

وانا اوقف ويوم جيته قال وراك قاطع الإشارة ؟؟

قلت انا !! << براءة im22

المهم وهو اللي يقول وقف سيارتك زين وتعال gif22

انا غسلت يدي ورحت اوقفها ,,

وانا رايح للسيارة دقيت على ابوي ,,

أنا : يبى انقدني gif22

ابوي : تستاهل والله ما أجيك ,,

أنا : افا تراني ولد gif22

أبوي : اقووول طير بس ,,


انا ركبت السيارة واجي اوقفها زين ,,

وافكر من اكلم من اكلم !!

ما فيه احد يتوسط : ( وابوي ساحب علي ,,

وانا اللي اقول : يالله ياربي يالله يا ربي يالله ياربي ,,

وقفت السيارة وركبة سيارة الشرطة ,,

وانتظر يحملون عشان نروح التوقف 24 ساعه gif22

شوي الجوال يدق الا هو ابوي ويكلمني جارنا كان عند ابوي متكي ,,

قال تراني كلمة فلان وبيجي يطلعك ,,

وترا انا وابوك مجهزين الخيزرانه نحتريك ,,

( يستهبل معي وربي فاضي )

قلت العنوا خيري بس فكوني من التوقيف ,,

المهم اني طلعت والحمد لله ,,


صراحة كان ودي ابكي : (

بس من جد اي واحد يشوفني طلعت يقول من اللي توسط لك ؟؟

ويحطون الفضل عليه !!

انا دعيت الله والله فرج عني كربتي ,,

وربي كان يمديني الحين بالتوقيف ,, وربي كأنه حلم ,,


الأسئلة :

كم مرة دخلت التوقيف ؟

قد امسكت ودعيت الله يفكك ولا دائماً ما ننسى ؟؟ : (

وش رايكم في نظام قطع الإشارة = 24 ساعه توقيف ؟؟ ألا ترا أنه يوقف مصالح الناس ؟؟ أو أن هناك من يكون هو ولي أمر البيت ويكون في موقف صعب ؟؟

وفي الختام ..

أحمد الله على كل شيّء ,,

وشكراً ,,