لاتلومنـي لامنّـي شديـت الرحـال!!!
السلام عليكم ورحمة الله
أبيات آمل أن تصل لأذواقكم
يا(؛؛؛؛؛؛) لاتلومنـي لامنّـي شديـت الرحـال
ماعاد لي في ديـرةٍ اهـل الحسـد ياطونهـا
قومٍ غثيـثٍ مذهبَـه والحـال مافيهـا مجـال
ابحث خوافي سيّئـة وابـوح عـن مكنونهـا
باطنها خبث ومصلحه ، ظاهرها رزّة ارتجـال
بالعين تبـدي حبهـا بـس البلـى بعيونهـا
تعجب بزين اخلاقهـا وتقـول مامثلَـه مثـال
واليا عرفت لشونها ، مبطـي مْخبـور لونهـا
مالي ومال الطامنـه وانـا انتمائـي للطـوال
اشفق على نيل الثقه من قـوم الهـا وزونهـا
ودي رجالٍ صادقـه ماهـو كـلامٍ فـي مقـال
عزاز نفـسٍ ترخـص الغالـي للـي يبونهـا
مثْل الشيوخ اللي تذرّي مثْل ماتـذرّي الجبـال
صميدعيّـه تعـجـز الفـرّيـس لاياتونـهـا
ومثْل الرجال اللي خذت جود وفراسه وطيب فال
رجال موقف كسْبت السمعـه بقـوّ حصونهـا
سيرة بطل / قصة صبر / كتب وآلـت للـزوال
ماعـاد إلا قلـةٍ .. امـن البشـر يقرونـهـا
راحت علوم المرجله مع وقت صعبين المنـال
وجاتك علوم المصلحه في وقت مـن يبغونهـا
يابو فهد خذ هالعباره واقبلَـه يابـن الحـلال
وان كان ماهي وافيه اشره على اللي يصونهـا
(لو فيه ميزه نايفـه ماياصلَـه كـود الرجـال
بتْشوف ياكثر العرب اللي تْهفي مـن دونهـا)
هذي الرساله وْصلت من غيـر لاقيـلٍ وقـال
وان كان تجهل قصته يكفي تـرى مضمونهـا
الشاعر القدير /
بندر نغيمش البجيدي
رد مع اقتباس
المشاركة الأصلية كتبت بواسطة مهــاجره بأحســاس
مواقع النشر (المفضلة)