استاذنك

[هبوب النود]

[poem=font="Simplified Arabic,6,darkred,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
استاذنـك بسافـر أيـام واجـيـك=وان طالت ايام السفـر لا تحاتـي
حتى ولـو طولـت مانـي مخليـك=ياللي بدونك ويش تسـوا حياتـي
تامر على حاجـه بودعـك واليـك=عسى عـوض الأيـام فالمقبلاتـي
حتى يدي ماودهـا تفـارق يديـك=ساكت وانا اشوف البلا في سكاتـي
ماشفتني لا رحت منك التفت فيـك=بـلاي والله روحتـي والتفـاتـي
لكن قبل مـا اروح ودي أوصيـك=وانت الوحيد اللي يقـدر وصاتـي
لحدن سألك وقال لك ويـن مغليـك=قل لـه لـوازم لا قضاهـا بياتـي
وأن طروا النسيان مانـي بناسيـك=يـاراس مالـي فالحيـاة وغناتـي
وان طروا السلوان مانـي بساليـك=طيفك معي حتى وانا فـي صلاتـي
قلبي وهو قلبـي إذا مـر طاريـك=لولا ظلوعي كـان عـزوا مماتـي
لو جض صدري كان يمديه ياتيـك=ويبـات عنـدك ويهنـا بالمباتـي
أنا..وقلبي..والغلا..ساكـن" فـيـك=وانته..وقلبك..والغلا..وسط ذاتـي
غلاك مثل الحكـم عنـد المماليـك=أكبر طموحي...لا...كـل أمنياتـي
شف في غيابي أي حاجـه تسليـك=لني بعـدك أسلـى مـع ذكرياتـي
أحـاول اذكـر أي شـي" يطريـك=واقول هو سوا وانـا ذي سواتـي
كني مـوادع كـل شـي" حواليـك=وكني حسبت حساب حزت وفاتـي
أحب لني ما اقـدر انسـاك وأبيـك=ولا اقـدر أخليـك ياللـي تحاتـي
معنى أحب...ومااقدرأنسى...وأخليك=يعني بدونك ويـش تسـوا حياتـي [/poem]

[align=center]حمدان المري[/align]

[اعفيني]

غلاك مثل الحكـم عنـد المماليـك
أكبر طموحي...لا...كـل أمنياتـي
شف في غيابي أي حاجـه تسليـك
لني بعـدك أسلـى مـع ذكرياتـي
أحـاول اذكـر أي شـي" يطريـك
واقول هو سوا وانـا ذي سواتـي


صح لسان شاعرها ولسانك تسلم لايادي على الابداع وتنقي الجميل

[رومانسيا]

أحب لني ما اقـدر انسـاك وأبيـك
ولا اقـدر أخليـك ياللـي تحاتـي
معنى أحب...ومااقدرأنسى...وأخليك
يعني بدونك ويش تسـوا حياتـي




حمدان المري



تسلم اناملك على النقل المبدع

[وفيت وخانتني]

غلاك مثل الحكـم عنـد المماليـك
أكبر طموحي...لا...كـل أمنياتـي
شف في غيابي أي حاجـه تسليـك
لني بعـدك أسلـى مـع ذكرياتـي
...

يعطيك العافيه اخوي ولاهنت

وكلك ذوق طال عمرك

وتسلم يمناك ..

وتقبل مروري وتحياتي

[al-shmaly]

أنا..وقلبي..والغلا..ساكـن" فيـك
وانته..وقلبك..والغلا..وسط ذاتـي
غلاك مثل الحكـم عنـد المماليـك
أكبر طموحي...لا...كـل أمنياتـي


ونعم با ال مره

وصح السانك ياالقرم

لاهنت ولاهان نقلك الرايع

والله يوفقك ويسعدك يارب