بــآريــس خـــآرج الــمــمــلــكــة !! ,,
السلام عليكم ورحمة الله وبركاته
كيفكم ؟؟
(( باريس خارج المملكة ))
تعرفون باريس ؟
يالربع انا قررت اطلع برا المملكة العريبة السعودية ,,
واروح للجنادرية ,,
طبعاً دق خويي وقال فيك شدّة تروح
قلت شدة وضمة وفتحةامزح مافيه فتحة
قال اوكي نص ساعه وانا عندك ,,
قلت إن شاء الله أكون جاهز ,,
واروح وافتح الشنطة الدوبلماسية ..
وأحط من الخياش يؤ أقصد الملابس
ولا يهون الجواز ( الجواز : هو جواز السفر << احلف بس يا سمجك
ويجي خويي والروحة هي الروحة
لين وصلنا الحدود السعودية البحرينيه ,,
اللي تلقونها بعد الجدية ( الجدية : هو طريق كبير أقصد مرتفع يؤدي إلى فوق )
ونوقف عندهم وأنا اللي يمد الجواز على الشرطي ,,
والشرطي يفتح فمه أنا قلت شكل الجواز حقي ملكي وخق
قال وش ذا ؟
قلت جواز السفر الله لا يهينك ختم عليه ,,
وهو اللي ياخذة ويتصفح شوي فيه ويقول أنتم ملغمين ؟؟
قلت وشو ملغمين ؟؟
قال يعني صاحين ؟؟
قلت ايه يابوي صاحين قبل شوي ومشينا على بركة الله
قال كم ذا ؟؟ ( ومسوي حركات بيدة )
وأنا اقول ثلاثة
قال طيب ذا ؟
قلت اربعه ,,
قال غريبة ؟؟
قلت وش الغريب ؟؟
قال صاحي ما فيك شي وتعد زين بس وش قصة الجواز ؟؟
قلت ياخوي ما فيه شي أنت ختم والله يجزك خير ,,
قال معكم مفجرات ؟؟
قلت لا ياخوي ما معنا مخدرات
وهو اللي يقول : اقول سفطوا على جنب بس ,,
وحنى اللي نوقف جنب وهو اللي يجيب الشلة وينفض ابو السيارة فوق تحت
قال معكم شي انتم اعترفوا !!
قلت وربي ما معنا شي وش فيه ؟؟
قال خلاص امشوا روحوا ..
وحنى اللي نمشي لين وصلنا جسر البحرين
ونمشي من فوق واطالع تحت انا والقى هالسيارات وش كثرها !! :wink:
قلت افا الماء خلص وش السالفة ؟؟
شكل البحرين قفلت والسيارات اللي تحت راجعه مع الطريق ذا اللي تحت !!
المهم تعدينا ومشينا وحصلنا ديرة كبيرة ما اعجبنا الوضع
قلنا بنسأل أقرب واحد نشوف وين الجنادرية !
سألنا واحد وقال ارجعوا مع طريقكم ذا ورحوا مدري وين وتلقونها هناك
وحنى اللي نوصل على بركة الله للجنادرية بقيادة رائد دق علينا وقال ادخلوا مع البوابة الرئيسية لا توقفون برا تضيعون بكلم لكم واحد يدخلكم ..
وحنى اللي ندخل داخل الجنادرية ,,
إلا ونشوف الكرة الأرضية كلها داخل !! :wink:
واطلع جواز السفر وارفعه بيدي وامشي مانيب رايق كل شوي موقفنا واحد ,,
بس المشكلة محد عطاني وجه !!
وافرفر وافرفر وندخل مدري وين واحد يبيع وينادي
انتم انتم !!
قلت : هلا يا خال !
قال : تبون انتم ؟؟
قلت : حلف بس هات اثنين باريس وواحد ببسي ههههههههههه ..
قال : ياخوي اقول منتو وش فيك أنت محشش ؟؟
قلت لا يرحم امك يكفي التفتيش اللي اولى يالله بررب بروح افر برا لا نبلش معك
وانا اللي اروح لباب مكتوب عليه المدينه ..
قلت هلا بروح اسير على نورمينا هناك
وادخل والقى عيال عمها مخربينها داخل رقص في رقص !!
وكلهم اشكالهم نفس بعض !!
قلت غريبة كلهم مكررين ونورمينا ساكته !!!
المهم وادخل واشوف الشعب مختلط عند هاللي يرقصون بالعربي مختلط حابلهم بنابلهم وشغل استنزال
وأعطيهم ذيك الصورة اللي تخققون معها بس جهازي الكبيوتر ما فيه بلوتوث ولا كان نزلت الفضايح
واطلع من عندهم واروح لتركيا ,,
بس قسم وناسة بدون طيارة ولا هم يحزنون الله يخلي رجولي
والله يا جاء عزف حزين على كيف كيفكم ,,
وهم اللي يوقفون ويطلعون ناس من خيمة أشكالهم طالعين من ورق البلوت يشبهون الجيكر بس كثار
وشغل دبك في دبك !! ,,
ولا هيئة قالت شي ولا هم يحزنون !! وانا اتذكر إننا في تركيا يعني ما عندهم هيئات
وأخذ الفر يمنتاً ويسرى لين تعبنا ..
وأنا أدق على جنون انسان ..
المكالمة :-
أنا : السلام عليكم
جنون : اهلين قلبي وعليكم السلام
أنا : وينك ياخوي ابي اقابلك تطلع ؟؟
جنون وجنبة صوت مبزرة يبكون : تعال عند منتزة الساحل تحصلني ..
أنا : أوكي قلبي
وانا اللي اسكر السماعه في وجهه
واقول لخويي مشينا يالله وربي عندي مقابلة خطيرة
قال خويي وين ؟؟
قلت عند منتزة الساحل على طريق الثمامه ..
وأخوي اللي يكشخ على باله بنقابل سحالي ما درا إنهم أدج اثنين على طريق الثمامه أناذاك
وحنى نوصل المكان وندق على جنون
أنا : الووو جنون وينك ؟؟
طوط طوط طوط << قفل الخط !!
وأنا اللي ادق مرة ثانية !
والقى الجوال مقفل !!
يلعن ام الجحدة يا جنون ما هقيتها وربي : (
وهو اللي يدق رقم طويل عرفت انا انه لجادر
وانا ارد عليه قال جنون جوالي فصل << تصريفة
قلت يالله ياخوي لي ساعه انتظر ..
وهو اللي يطلع لنا برا
وقلت لهم وقفوا السيارة واركبوا معنا نبي نسولف شوي ..
وجادر ينعن ام الروقان يا شيخ مركب السيارة فوق الرصيف مدري كيف المهم ركبت عليه
وهم يركبون معنا
وانا اقول
جوعاااااااااااااااان
جاي من الجنادريه جوعاااااااااااااااان
المهم
ونروح لـ هرفي أقرب شي
وانادي الهندي مدري وشو واقول رفيق عطني همبرقل
وابي اطلب للشلة وقالوا ماكلين مدري وشو الظاهر نوع من انواع الزواحف
واطلب انا وخويي هبرقل
خويي غسل يدة من جنون وقال شبعان
وانا المسكين اكل وعيونهم علي كل ما اكلت لقمة قاموا ينكتوب بغيت اموت
جادر مسك خشمه وقال
دم دم دم دم
مسكين أرعف خشمه من قوة عين جنون
الي قهرني وجادر منحاس والدم واااااجد وحالته حاله ذب على روحه ذبه
يقول اظاهر الدوره جايتني مع خشمي im22
وانا جالس أكل واتغصب لا اغص من الضحك : (
وانا اللي اقول الحمد لله شبعت << تصريفة ولا انا وربي جوعان بس خربوا علي
جنون يقول لا تستحي عادي وياكل بطاطس يبي يرقع لي يعني شفني اكل !!
والله لوني دلخ رايح الجنادرية بجواز im22
إلا وخويي يقول يالله بنمشي للخرج ماهنا وقت ..
انا ماسمعت كنت مدري وش اسوي الظاهر اطالع معالم المطعم
واسمع خويي يقول باريس امانه لا تقولون له شي
قال جنون : لا تخاف بيرجع زي ماهو بس نبي نفككه ونحطة بكرتون gif22
أنا سمعت كذا قلت وين يابو ؟؟
قال خويي للخرج
قلت طيب يا لوح خويك انا بتتركني عند ذا البثرين << لحظة صمت عند هالكلمة اول مرة اقولها
ونطلع وعلى طول لكودوا نبي نتعشى
وحنى اللي نطلب ثنين همبرقل
وما فيه غير نلهط من هالوجبة والكتشب طاير والمايونيز ناشب على الشفة << ياعيني يالرومانسية
ونسيت حركات الإتكيت عند جنون ما صدقت خبر راح عني
وحنى اللي نروح للخرج معزومين في استراحة بغرض شريف فقط لا غير
ورجعنا لبيتنا في ديرتنا الغير موجوده في خارطة السلام
لحد يرسل ويقول صدق رايح للجنادرية بجواز وش فيها عادي انا محشش
..
مواقع النشر (المفضلة)