في بيتنا جن ولا انا يتهيا لي ؟؟؟؟
السلام عليكم ورحمة الله
اخواني واخواتي بصراحه ابي اطرح لكم مشكله متعبتني كثيير ومطيره النوم من عيني
وهي اني احس كثير بوجود جن في بيتنا مدري هو يتهيا لي ولا حقيقه محتاره حتى صرت ما استوعب
وحتى وانا اكتب الحين احتار شنو اكتب من الغلق والتوترانا بقول لكم الاعراض والتخيلات اللي اشوفها
الـــــعـلامــــــــات 00000000
1- دائما وخاصه بالليل اسمع احد من اهلي يناديني طبعا باخر الليل اروح عشان البي النداء اشوف
اللي ناداني نايم وفي سابع نوومه استغربواحتاروحصلت معي هالحركه كثير؟؟؟
2-اسمع صوت طفل او طفله صغيره تبكي طبعا احنا عندنا اختي عمرها اقل من سنه تبكي اروح اشوف
الاقيها نايمه اظل اناظر فيها شوي اقول يمكن هالصغيره صحت وردت نامت مره ثانيه لاكن نومتها تدل
على انها ماتحركت نهائيا يعني ايش يطلع اللي انا سمعته ؟؟؟؟؟؟؟؟
3- الشغاله كثير من الاوقات تجي توقف على راسي وش تبين تقولي انتي ناديتيني ؟؟؟؟ وانا طبعا
مانديتها ؟؟؟؟؟يعني وهم من عندي ولا من عند الشغاله بعد ؟؟
طبعا البنايه اللي احنا ساكنين فيها كان بالاصل مكانها مزارع والحين المنطقه كلها بيوت وبنايات
بس ورى البنايه مزرعه واول ماسكنا فيها كنت دايم اسمع وكل ليله في السطوح خيووول تركض
وفوضى عارمه وازعاج موطبيعي وكذا مره طبعا ويوم نروح نلاقي السطح مقفل واظلم ومحد فيه
وتكررت معي هالقصه كذا مره وكل من قلت لاحد قالو لي تتوهمين ويوم ماكن فيه احد بالبيت الا انا
والشغاله وجات نفس الاصوات وقلت لها تسمعين قالت لي ايه اسمع وبعد جت ليله من الليالي بنت
خالتي كانت بتنام عندنا وكان طبعا الوقت شتاء وقتها وكنا جالسين بالصاله انا وهي نتفرج على
التلفزيون وسمعت هي الصوات قالت لي شنو هالفوضى بالوقت هذا بسطحكم ماعندهم احساس
اصحاب هالبنايه عاد انا خلاص عرفت اني ما اتوهم وان اللي اسمعه صج مو خيال وعلمتها السالفه
عاد ليلتها مانمنا نهائيا وبديت بعدها اشغل صوت قران بصوت عالي جدا استمريت لمدة اسبوع على
هالوضع عقبها اختفت الاصوات نهائيا وهم بعد بعض الاحيان اسمع صوت بدولابي (طق طق طق )
بشكل خفيف جدا يعني اثاث شنو اللي بيخليه يطق طق او بعض الاحيان تطيح صحون او اكواب وتتكسر
يعني صراحه اشياء كثيره لو بتكلم انتم بتملون من قراءة الموضوع لانه طويل الحااااصل
ان انا واللي في البيت كلنا ملتزمين بالصلااه في اوقاتها والدعاء والصدقه ومانسمع اغاني
ودايما قبل انام اقراء بعض من السور اللي انا حافظتها وبعض الادعيه احيانا انام بسلام واحيانا اصير
حالة غلق مو طبيعي 0000
سؤالي بعد هذا كله
تتوقعون انا فعلا اتخيل اتوهم ولااللي يصير حقيقه مع اني مو مقصره من الناحيه الدينيه
وهل وجود الجن هذا تسليط علي انا بالذات لازعاجي او ايش رايكم انتو ؟؟؟
اسمحو لي على الاطاله اعرف ان بعض الاعضاء تكره المواضيع الطويله اللي يقدر يرد يرد واللي
مايقدر معذور تحياتي لكم جميعا $222
مواقع النشر (المفضلة)