مين تعرف طريقه الحمام المغربي

**ام غلاتي** · 10-03-2008, 07:04 AM

بسم الله الرحمن الرحيم

السلام عليكم ورحمتو الله

ابي طريقة الحمام المغربي بتفصيل وبي زيوت للجسم وزيوت لتصاقط الشعر لان شعري طاح مره وطلع خفيف ابيه مضمون ومجرب الله يوفق ويسعد الى تقولي

**راحيــــــــل** · 10-03-2008, 07:16 AM

ابشري

دقايق بس اصورلك قرابيعي وراجعتلك مع اطلق حمام مغربي im3

**ام غلاتي** · 10-03-2008, 07:24 AM

تسلمين يعيوني يعطيك العافيه

**راحيــــــــل** · 10-03-2008, 08:06 AM

باك

شوفي يا قلبي
قبل كل شيء
الحمام المغربي ينقسم لـ ثلاث مراحل اساسيه ومهمه جدا
المرحله الاولى :
تهييء الجسم وفتح مساماته عن طريق البخار أو الساونا
طريقة البخار :روحي للحمام وقفلي كل منافذ الهواء شبابيك + مروحه
عبي البانيو مويا حااااااااااااااااااااااااااره وخليها وقفلي الباب
واجلسي انتي في الحمام والمويا شغاله ليما تحسين جسمك كله عررق
أو

اذا عندك جهاز ساونا في البيت زي هذا

تلاقينه في الصيدليات او في المحلات حقت الرياضه
طبعا لو عندك ساونا اريح وافضل بكثير
انا شريت هاذي بـ 250 ريال فقط
وطريقتها مره مره سهله لما تشتريها يعلمك البياع على طريقة استخدامها

المهم

ادخلي فيها ربع ساعه واذا ماعندك ساونا زي ماقلت لك عبي البانيو مويا
حاره جدا وسكري كل منافذ الهواء واجلسي ليما تحسين جسمك كله عرق

المرحله الثانيه :

جيبي الصابون المغربي
زي ما انتي شايفه في الصوره فيه نوعين العلبه الكبيره والعلبه الصغيره
كلها زي بعض ما تفرق
طبعا تلاقينه عند العطارين ينباع مايتعدا سعره 25 ريال
المهم
جيبي الصابون المغربي شفتي مقاس العلبه الصغيره ؟ هاتي نفسه بالضبط
وحطي عليه 2 ملعقه اكل حنــا مطحووونه + 2 عصير ليمون
ملاحظه مهمه جدا
الحنا جيبيها ورق من السوق وانتي اطحنيها في البيت
لان اللي تشترينها مطحونه من السوق تكون مغشوشه
( هذا سر من اسرار المشاغل لان ما تتخيلين كيف الحنا تبيض وتصفى البشره )
اخلطيها مع شويا مويا حاره مو تكثرين مويا لا بس شويا عشان بس تنخلط مضبوط
وخلاص
ادهني كللللللللللللللللللل جسمك بالصاااااااابون واجلسي ربع ساعه بالضبط
بعدها
افتحي الدش على مويا حاره ( انتبهي تتحممي بالمويا البارده لانه المسامات حتتقفل وماحتستفيدي شيء )
اشطفي جسمك كووووويس من الصابون فقط بالمويا
لا تستخدمي اي شيء ثاني غير المويا
لازم لازم لازم لازم تتأكدين ان الصابون انشال من جسمك
وخلاص بعد ما تنظفين جسمك من الصابون قفلي الدش
واطلعي من المويا لانه جا وقت التفريك والتفريك ما يبغاله لا مويا ولا صابون ولا شيء

جيبي الليفه المغربيه برضه تلاقينها عند العطارين او في الصيدليات
شوفي قبل لا تستخدميها اول مره نقعيها لمدة ربع ساعه في مويا حاره
عشان تصير لينه
المهم بعد ما شطفتي جسمك من الصابون
ابدئي فررررررررررررركي جسمك
ابدئي بالوجه / الرقبه / اليدين / الصدر / البطن / الافخاذ / الساق
افرررركي من قلب مو بشويش
فررررررررررررررررررررررررررركي
وانتي تفركين راح تشوفين كيف يطلع معاك الجلد الميت
كذا لونه رمااااااااااااااااادي
بعد ما تخلصي تفريك
خلاص اتحممي عااااااااااادي
المرحله الاخيره والمهمه جدا جدا جدا جدا :
لازم بعد ما تتحممي وتطلعي من الحمام ترطبي جسمك بأي مرطب
فازلين / نيفيا / دوف / جيرجينز / اي مرطب عندك في البيت استخدميه
ودهنننننننننني جسمك كله وغرقيه كمان بالكريم
واشربي مويا كثيره لانه الجسم فقد سوائل كثيره اثناء البخاااار

وبس

حمام الهنا يارب

اي سؤال او استفسار انا حاضره $222