صباحكم // مســائكم " شــ ع ــــر " ...
ياخذني الشـوق بيدينـي ولا ادري ويـن
أروح .. مدري على ويش تحدي ساقـي !
أحـس بالفقـد وشعـورٍ تـقـل سكّـيـن
في حلق ضحكي ليا من هبت أشواقـي ..
وجدي بصرخة تخلّـي كـل شـي يبيـن
قدّام عيني .. واشوفه .. واطلق وثاقـي ..
المشكلة ان الغياب الشين .. ظنّـه شيـن!
وعزالله اني من الغيبـات أنـا شاقـي ..
ياطيّب الجرح .. ماشفتك لـي اسبوعيـن
وقطعتك فجأه .. مهي من طبعـك الراقـي
لاتحسـب إنّـك تحـرْم عيونـي التلويـن
لا والله الاّ ســوادٍ يقـطـع أرزاقــي !
وان جابك الله .. فأنا بـأعتب على شييـن
إثنينهـن شـتّ بـي وضيـق خنـاقـي !
أشتاق .. لكني أحلف ما انطـق بحرفيـن
واقول بتحس .. والشرهه علـى الهاقـي !
ماجبت خبري وفكرك وين .. وانـا ويـن
وأصير بيـن السكـوت وبيـن خفاقـي !
أخاف لو قلت لك :- "إنك معي هالحين..."!
من لهفتي فـالكـلام تشـكّ فـأخلاقـي !
.
[الشاعر:إبراهيم الرشود..]
راقــت لي فنقلتها لكم....
اتمنى ان تروق لكم ايضاً...
.
.
مواقع النشر (المفضلة)