[align=center]السلام عليكم ورحمة الله وبركاته
مساءكم الله بكل خير ومسرات احب ان اقدم لكم شيله وان شاء الله تكوووون
متواضعه بين اياديكم الصراحه اعجبتني القصيدهـ والشيله بصوت شبل عتيبه الهيلا
عبد العزيز العصيمي مشاء الله عليه وعلى شيلته وصوته الحلووو
القصيدهـ تتكلم عن واقع نعيشه وكثير منا مايجهله الكلااام هذا لكن حسافه التعب عليه
المخـــــــــدرات
واقدمها بين ايديكم
للإستماع
[rams]http://www.w31w.com/up/w31w_VX0wBXRNo2.ra[/rams]
لتحميل الشيه من هنــــــــا
[poem=font="Simplified Arabic,7,black,bold,normal" bkcolor="burlywood" bkimage="" border="ridge,4,darkred" type=1 line=0 align=center use=sp num="0,black"]
بادين بسم الله رب الكاينات = ربنا ورب كل العالمين
الله اكبر والبيارق عاليات = عاليتٍ والجنود موحدين
الله اكبر لاركبنا العاديات = والملك يامر وحنا حاظرين
الله اكبر لاركبنا الطايرات = ياصقور الجو عودو سالمين
الله اكبر لاركبنا العايمات = لتماسيح العنيفه طاحنين
مثل ماترسي الجبال الراسيات = ثابتين ونرد كيد المعتدين
خاب ظن اللي يبيع مخدرات = خاب ظنه خاسرٍ دنيا ودين
عاصين ربه ولا صلا الصلاة = يوم اوصف كنه ابليس اللعين
تعرف وجهه لردى والمنكرات = ملتوي ويدور درب الملتوين
ارتكب من الذنوب الموبقات = والمشايخ افتوا ابقتله يقين
قلبه يرجف نسأل الله الثبات = ضايع وضيع شباب مجاهدين
مهما حاول يختفي بالقاتلات = الحكومه تمسكه لو بعد حين
يالله يامنزل عما والنازعات = تنزع روح اللي للخبث موزعين
ياخسارهـ يالثمارهـ يانعات = لوثوها وافسدوها المفسدين
احسن الله عزا بعض الأمهات = لاذكرت الأم انا قلبي حزين
لاسألنا عن ولدها قالت مات = مات موت غير موت المسلمين
خبرينا يالعيون الساهرات = واكشفي ستر الطغات المجرمين
اكشفيهم يالنجوم الساطعات = واطرحوهم في السجون مكبلين
واحتسوهم بالسيوف المرهفات = لين يصفي جونا من كل شين
في ذرا الله ثم ذرا نايف نبات = نايف اللي ضد كل المجرمين
نايف اللي نايفٍ في النايفات = يقتبس من نور ربه يستبين
نايف اللي ضد كل المنكرات = والله يشهد ثم خلقه شاهدين
ياوزير الداخلين لك صفات = السماحه في محياك ابتبين
لك صفاتٍ تذهب اهموم الحيات = والله انا عن صفاتك عاجزين
ثم صلوا على اللي له معجزات = صاحب الوجه الأنور صافي الجبين [/poem]
وسلامتكم وان شاء الله تنال إعجابكم مشاء الله على اللي قالها
ونايف اللي مذكور في القصيدهـ اكيد معروف نايف بن عبد العزيز وزير الداخليه
تحيتي لكم
حــــــــــــــيران [/align]
مواقع النشر (المفضلة)