[align=center]
السلام عليكم ورحمه الله وبركاته

هذي قصيده ليوسف عبد الرزاق رد على كلام منصور الشيباني [/align]

[poem=font="Traditional Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

اناكان لي وجهة نظرلاتزال الآن=على حالها والحال مايندرى بعدين
على اللي مورد كلمةٍ مالهابرهان=يقول السنين تعلم الرجل لكن وين
لو ان السنين تعلم وماهوب غلطـان=اجل ليه اصدق ضحكة الناس الى ذالحين
حكايات وامثال وقصايد وهرج لسـان=ماغير نتناقلها لاجـل نكسر الروتين
ولاهي من السنّه ولاهي من القرآن=ولكنها مثل الدراهم لهـا وجهين
مثل من يقول ان افة العالم النسيان=ومثل من يقول ان الجمايل سواة الدين
وانا في رقبتي دين عبدالله وسلطان=مقادم كتايب جيشنا فالنهارالشين
سلاطين نجد اعيال من وحّدالشتان=مجدي الجهام معزي مطّوع العاصين
حدود البلاد من الحديثه ليا نجران=حكمها بشرع الله والسيف ابو حدين
عموماًً مثل ماقالوا الهرج له نيشـان=من البيت هذا نقطه وفاصل وخطين
لياصار يمديني على الما واناعطشان=ابشرب واعيّن خير واجلس واسولف لين
ارد الخبر والكلمه اللي وعدها حان=ابقولها واعلّم اللي ماهم دارين
ليا صرت حلو لسان ماني قليل احسان=موفقني الله ومتجمل من الصوبين
لأني وانا صادق علي الحرام ان كان=تكلمت فظهور الاوادم وهم مجفين
لكّن لاذكرت اني مسلّم على الرديان=تمنيت ربي لوخلقني بدون يدين
ابقول للي ينطح براسه الجدران=حسب ماتضحلي فيه وحده من الثنتين
او انه من الجدران متضايق وزعلان=او انه يبي يطلع لكن ما يعرف منين
ابتجاهله واسكت لو ان السكوت احيان=ضعف..وانهزاميه..وذله..وكسرة عين
وانا لاسكتّ اسكت لأني وسيع بطان=ومتأكد اني لاضعيّف ولامسكين
ابقوم بحمول الرفاقه وانا شقران=يشيل ظهري حمل المجانين والصاحين
على شانهم والا انت ياممسح الريضان=تبي تتعب حنا على حالنا باقين[/poem]
[align=center]
ولكم
أعـــذب التحــايا[/align]