كيف تصطاد فريستك من السحالي على الانترنت (( خاص للشباب ))
موضوعنا اليوم متخصص بالغزو الاليكتروني أي كيف تغازل عن طريق الانترنت وسنحاول التطرق لمواضيع اخرى.......
وكلو زي ماقال كرشليل الهجوم على الضفادع
في السابق:طريقة (وجه مغسول بمرق) يعني اذا شفت بنت في أي برنامج النت ميتنج او المايكروسوفت شات او الفري تيل كمان...او تسوي سيرش في الايسيكيو بعدين تعرف بنفسك وتحاول انك تتعرف عليها ويحصل بينكم تعارف.....لالالالا انتهى هذا الزمن.
الطريقة الجديده: (خش في عينها ) خش في عينها اقول لك يعني شفت اسم الفريسة اقصد البنت في النت ميتنج ولا الايسيكيو على طول ارسل لها هلا وحشتيني ياحبيبتي ياحياتي يا عمري فينك من زمان ,لقافتهم بتحكهم ماراح يقولو لا مو احنا راح يقولو شي من اثنين يايجارونك او يسئلونك وش القصة ومن تقصد طبعا يبغو يعرفو تبغا مين وش القصة......عندها يا عزيزي الشاب تعتبر قصيت التاشيرة عندها يالحبيب لا تصدق نفسك وتقوم تقص لك قصة حزينة تسوي فيها نفسك روميو بالعكس حاول تعتذر وتنسحب بهدوء قل ابد والله قصة قديمة شي انتهى او شي خاص جداً.
كذا تكون خلصت الجزء الاول..
بعد الجزء الاول بتحاول البنت انها تلمح لك انها تبغا تتعرف عليك مو لله طبعا بس علشان تشبع غريزة لقافتها بتقول لك ممكن نتعرف هنا انتبه انتبه انتبه لاتقول اسم شهرة او اسم من تاليفك بالعكس خمها وقول اسمك الاول الحقيقي ليييه؟؟؟ علشان تستبعده نهائيا من بالها انه يكون هو اسمك الحقيقي شفت كيف ناخذهم على قد عقولهم بتسئلك عن عمرك ؟؟؟هنا انقل اللعب لملعبها قل لها من معايه بتقول لك (فلاّنه) على طول حار بحار كم عمرك بتقول لك عمري......سنة هنا اقهرها على طول قل لها اووووووووه ايوا كثر من الاووووووووووووووه دوبك صغيرة وتنهد لاص هذا الانترنت مو التليفون لاتنهّد اجل بتسئلك بقهر ليه انت كم عمرك لاتجاوبها قل لها كم تتوقعين بتقول لك ....اكبر من عمرها بسنتين او ثلاث سنين قل لها لا ايوا لا والا اقولك خليها لالالالالالالا اقوى خلي عمرك اكبر منها بسنة بتقول لك مو كبير مرة قل لها الكبر مو بالسنين بل بالتجربه والمعاناة.
خطوات التعرف
الخطوة الاولى: بما انك انت اللي اتصلت عليها وبالاصح عشانهم ملقوفات فهمه اللي راح يسالو
س: انت شكلك قديم في الانترنت.... وخبير ؟صح؟
الجواب القديم :ايوا انا لي فترة على الانترنت حتى من قبل كنت اتصل على الامارات والبحرين ..اسمح لي اقول لك غلط كبييييييييييير لانك وقتها كانك معطيها مسدس وتقول اقتليني راح تعصرك اسئلة انت في غنا عنها.
الجواب الحديث:والله اذا تبغي الصراحة قديم ومو قديم ...بتقول لك (كيف) قل لها لي على الانترنت كذا سنة بس كنت استخدمه بس علشان الايميل لاغراض خاصة ووقف لاتقول علمية ولا اصدقاي ولا اقاربي اسكت على اغراض خاصة ...بلقافتها بتقول لك(مثل ايش ممكن اعرف؟)قل لها اشياء كثيرة ما اقدر اعدها لك الا اذ انتي تبغي وعندك وقت(هنا بتصير احرجتها احراج ماصار ولا استوى) اما ذا البرنامج -ايا كان البرنامج- فانا تقريبا مالي عليه اكثر من كذا شهر.
ملحوظة : هذا الكلام لاينطبق على Icq قل لها هو عندي من زمان بس نادر ما استخدمه حتى اني احيانا انسى رقمي القديم واحجز رقم جديد.
س:اها طيب من تعرف هنا من اصدقائك هنا لاني بصراحة اول مرة اشوفك؟
الجواب القديم :اما اصدقائي فلان وفلانه وفلان وفلان..الخ او ما عندي من يطلق علييييه كلمة صديق كل هذا غلط مع احترامي.
الجواب الحديث:والله بما اني ماجي هنا كثير فمالي اصدقا بس اللي اذكرهم هم فلانه وفلاّنة وفلاّنة وفلانّة ايوا كلهم فلانات عشان نبغاها تسئلك السؤال التالي
س:ماشاء الله كلهم بنات اجل لك معجبات كثير ؟؟؟
الجواب :لالالا المسألة مو كذا كل مافي الامر انهم يتصلو عليه كل ما كنت هنا ......بتسئلك اجل يحبونك ..لاتتهور وتقول ايوا ولا لا على طول خش فيها بسؤال .....(تؤمنين بالحب عن طريق الانترنت؟؟؟)بتقعد ترطن عليك وتقول حكي ثلاثة ارباعه فلسفة وقتها خذ قيلولة وريح ولاتهتم اذا شفتها وقفت عن الكتابة اقر آخر جملة وناقشها فيها.
س:يعني افهم من كلامك انك سبق لك وحبيت على الانترنت ؟؟صح ولا انا غلطانه؟
قل صح لان البنات يكرهو يكونو غلطانات
الجواب القديم:بصراحة ايوا (جاتك اؤه )بهذالجواب تكون فتحت على نفسك باب من الجحيم لانها تبغا تعرف منك التفاصيل واذا ماحكيت لها بتزعل منك ويمكن تتركك وتطلع
الجواب الحديث:مو حب حب يعني انما بداية علاقة وانتهت بسرعة ....بتقول لك (كيف؟؟؟)قل لها عادي علاقة عابرة بين اثنين لكن ماكتب لها ان تستمر وبعدييييين تنهّد اوووه نسيت اننا في الانترنت اسكت شوي ولا حط علامات زي كذا(???????!!!!او ????او …….) وقل بعد شويه ارجوك لاتذكريني انا ابغا انسى
س:طيب خلاص نغير الموضوع انت من فين ؟
الجواب القديم :انا من.......... يازينك وانت تنبرش وش معجلك
الجواب الحديث:انت خلك ذهين وفطين شوف كلامها أي لهجة من الرياض ولاجدة ولاالشرقيه ولاالجنوب واختار العكس لان البنات في الانترنت مايرتاحون للي من نفس مدينتهم يعني اختر مدينه غير مدينته.
س: انت طالب ولاموظف؟؟؟اذا موظف وين تشتغل؟
الجواب القديم:البعض مسوي نفسه فهلوي وذكي يقوم يعكس او يخرط ما ابغا اعلق بس اقول هذا غلط
الجواب الحديث:علشان ماتعتبر مطفوق او تديها كل شي قول لها الاتي(اووووووه الوقت آخذنا كم مر علينا نصف ساعة ولا اكثر....عن اذنك الان لازم امشي )ليه لان البنت اذا بقت شوية معلومات عنك فهيه بتصير ملهوفة انها تقابلك مرة ثانية بس اذا قولت لها بكل شي بتدخل ضمن معادلة عجبتها ولالا.
استكمال اجراءات التعارف
في السابق: بصراحة ولاتزعلون باشباب احنا اللي رفعنا من قيمة البنات الواحد اول ما يكمل مع البنت خمسه دقايق الا مديها الايميل حقه وسائلها اذا عندها ايسيكيو ويديها رقمه وهيه عاد توافق ولالا يعني بدون زعل ياشباب هم ولاشي واحنا اللي عملنا منهم شي....
الطريقة الحديثة: المواعد ايوا المواعد لامو برا لالالالا اقصد في اللانترنت قول لها كذا وبكل هدوء بصراحة انا ارتحت لك وارتحت للكلام معك انتي بتجي بكرة ولالا اذا قالت لك ما اقدر لاتندلق وتقول لها خسارة والله ولا تحلف عليها لالالا...قل لها اووكيه بس افهمها ياذكي وقل لها هذا الايميل حقي يعني اذا احد بغى من الثاني شي هي بترد عليك انت عندك كيو (حلووووو وصلنااااااا) قول ايوا بس مو فاكر رقمه لحظة شويه وتاخر عليها شويه اذا قالت لك خلاص ماله داعي على طول اكتبه لها.
تحذير:اذا طلبت منك ان تعطيها Hotmail Massengerحقك وانها ماعندها كيو ولا أي شي ثاني ساعتها لاتتهور ياشاطر وتعطيها هذا برنامج يكشف لها كل دخلاتك على الانترنت فعلى كذا انتبه.
اللقاءات التالية واسئلتها
س:اووه ماشاء الله اشوف كثرت دخلاتك على الانترنت ؟
الجواب القديم:بصراحة ولاتضحكي عليه صرت اشتاق لك كثير .....نونونونونو ماينفع ذالحكي
الجواب الحديث:والله يعني من الفضاوة اذا كنت موظف تقول ذي الايام اجازة اذا انت طالب قول دوبي مخلص اختبارات ...بعدين اطلق الرصاصة عليها(يعني مليتي مني ولا وجودي يضايقك؟؟)بتقول لك ابدا لاوالله مو القصد لاتفهمني غلط هنا تغلى بس تغلى بشويش مو تسوق فيها ...تغلى بشويش مو تطلع وتتركها واذا جت لك ترفضها اقصد بالتغلي هنا انك تسكت كثير وترد عليها بالفاظ مختصرة مثل (شكرا ,المعنى واضح ,خلاص). وبعدين ارجع لمثل اول.
س:انت وش يعجبك اكثر شي في الانترنت؟؟
على فكرة هذا سؤال جرجرة اذا قلت اسم برنامج شات فانت كذاب واذا قلت برنامج ثاني بتسئلك ليه؟
الجواب الحديث:والله انا جربت جميع البرامج بس ارتحت اكثر لذاالبرنامج واكثر شي استخدمه هو الايميل .
س:مو انت قلت لي آخر مرة انك بديت ترتاح لي,,,, ليه علىاي اساس؟؟؟
الجواب القديم:لانك صادقه وصريحة ومانتي مثل الباقيات.....ستوب ستوب يابو الشباب هو في بنت صادقه المهم ماعلينا.
الجواب الحديث:لا لا انتي ما فهمتيني كويس لما قلت ارتحت لك كنت اقصد انك تعرفي تناقشي وتاخذي وتعطي معايه الحقيقة ان البنات يحبو يسمعو بس مو زيك ماشاء الله عليك تناقشي في ذي المسالة (ايواامدح واشرخ فيها).
س: وش الللي تحبه في البنت؟؟؟
الجواب القديم:اخلاقها ,روحها ,جمالها,دينها
الجواب الحديث:احب البنت اللي تحب نفسها....(نعم نعم نعم كل بنت تحب نفسها)هذا اللي بتقوله لك...رد عليها يعني تحبني لانها بتعرف اني باحافظ عليها –على فكرة هذا كلام لقيته في مجله قايل واحد من المنشين وعشاني مافهمته عجبني)
س:لو اخلصت لك بنت هل راح تخلص لها؟؟؟
الجواب القديم: ايه اكيد طبعا مافي شك (+طقة صدر)
الجواب الحديث:في الواقع هذا الشي يعتمد على البنت نفسها ومفهوم الاخلاص عندها انا ابغا بنت تحبني لشخصي مو مجرد تطيعني كل ما قلت شي اضافة الى اني باكون واثق في البنت 100% (الرجاء من اللي يفهم شي من كلامي يرسل لي معناه بالايميل لانه تابع للقاء للمنشي بس في مجله ثانيه)
س:بصراحة يعني تدخل باسم ثاني هنا (قصدها البرنامج)
الجواب القديم:لا انا ابدا انا اسمي هذا ماتغير من اول يوم دخلت الانترنت ما اقدر اغيره ضميري مايسمح لي (يابو ضمير انت ما علينا)
الجواب الحديث: تبغي الصراحة ايوا بس مو عشان شي انما انا عجّاز (كيف)بتسئلك ...قول لها بصراحة يعني لي اسم في الجهاز الشخصي واسم ثاني في اللاب توب واسم في جهاز المكتب _يعني خلي نفسك سكبه _ ولد نعمه على فكرة واحد من الشباب حب يتفلسف طولها قال وليه في المقهى اسم رابع تدرون وش صار له .....ايوا ايوا ايوا
تركته وقالت له رووح ياراعي المقاهي.
س:اتمنى منك تجاوبني بصراحة هل سبق لبنت انها شغلت المايك معاك او انها شغلت لك الكاميرا او اذا مافيها احراج اعطتك رقم تليفونها؟؟؟
الجواب القديم:ايه كذا مرة بس في الحقيقة ذي الاشياء ماتهمني انا استسخف البنت اللي تسوي كذا(وييييي طع= ارنب)
الجواب الحديث:من جدك تهرجي فين احنا ترى احنا بالسعودية ,للاسف الى الان معظم البنات مايفرقو بين التقنية والانحراف يعني مايفهمو انو احنا في سنة 2005 اما بالنسبة للتليفونات فانا مو مقتنع بالترقيم اساسا اما معرفه ن قريب او لا(بتقول لك يعني ولابنت مرة ....ولاحتى عربيه)هنا انقز نقزة محترمة وغير الكلام قل ولاسيارة ولاطيارة هههههه ايه اضحك لان ذا السؤال سؤال جرجرة على انه قديم من عصر الفراعنه الى انه الى الان لجنة عزوبيين العالم المتحدين مالقو له اجابة شافيه ووافيه.
كيف تكسب البنت لطرفك
الطرق القديمة:
Icq:ارسال اغاني ومواقع رومانسية ,والبعض يرسل صورته
Netmeeting:تكوين ميتنج مكون منك ومنها ولا على الاقل مايكون هناك بنت ثانيه.
Microsoftchat:ارسال مقطوعه موسيقية
Mirc:تكوين قناة باسمها (اسم البنت)
الطرق الحديثه:-
Icq:ارسل لها فويس مسيج فيه كلام تنكيت على واحد من الشباب (يعني كانك مرسله لصاحبك وتتريق فيه على زميل لكم)...بعديين اقول لكم ليييه ولا يالله علشان تقول له اسف هو جاك بالغلط بتسئلك وش القصة ...فرصتك الان طق حنك معها واخرط عليها وتعلقه بك اكثر وسواليفك.او ارسل لها اغاني لطربين هي ماتحبهم نوع من انك تقهرها وتفرض رايك عليها .مع ان ذي الحركة ثقيلة دم الا ان البنات يحبوونها.
Netmeeting:لاتتصل عليها واذا كنت انت الهوست اقبل كل البنات (بتقول هي بتزعل ) برفت لها قل لها وش يزعلك يارووحي زي مانتي شايفه بس لامايك ولاكاميرا (علشان تقهرها وتخليها تسوي خطوة ايجابيه معك) ..واذا شفتها ماتحس ولع الكاميرا لغيرها (باللبناني حرئصها) قل لها والله البنية بس تبغا تجرب الصوت والصورة مو شي ثاني والله حتى الكاميرا على السطح.
Microsoftchat:كل ماشفتها اعطت وجه لغيرك اسئل السؤال التالي(شباب من عنده برووكسيات جديدة)بتوسبر لك عيب وش ذا الكلام وش تبغا بالبروكسيات قول لها كذا بموقه (والله وانتبهتي لي تو الناس بدري)علشان تكبر في عينها انك تغير..
Mirc:سمي القناة باسمك علشان اذا صارت تجي لها دايم يفهمو ان الباقي ان في بينكم شي فاللي عندهم عزة نفس يتركوونكم لحالكم
نهاية اللعبة
يعني اما شبكت البنت 100% او انك فقدت الامل فيها نهائيا ....نبدا بالاخير
كيف تطفشها:يعني وحدة لك معاها كذا شهر لاسمعت صوتها ولاشفتها ولاتواعدتوا والادهى والامر حسيت ان ماعندها أي نية بذالشي.
الطرق القديمة:التهرب اذا شفتها اما انك تسكر النت او تكون انفزبل او كل ماجت لك تقول لها انك مشغول وتستاذن بسرررعة او انك تستخف دمك مع البنات ....لا لا لا لا بيني وبينكم في بنات يستعبطوو بقووة كمان يعني ذي الخطة ماراح تفيد معاهم.
الطرق الحديثة:استقبلها رحب فيها هلل لها بقووووة كمان قول لها وحشتيني ولهان عليك وشغل لها الصوت اهم شي الصوت ...وبعدين شغل الطابعه وخلي المايك جنب الطابعه يعني سمعها انك تطبع اوراق وانك مشغول لراسك ساعتها هيه بتتركك مو حاسّة انك مشغول انما الطابعه بتزعجها.
اما للبرامج اللي مافيها صوت ارسل رسايل سريعه ورى بعض باسم ولد وقل فيها يعني لازم امرك يا فلان الان الان بصراحة مشغول شويه,وبعدين خلاص مدامك بتطلع بامرك بس اصبر عليها دقيقتين وبعدين يووه حتى دقيقتيين ماتقدر تصبر طيب طيب طيب ساعتها ان ماصرفت البنت نفسها افصل الخط وثاني يوم العن في شبكة الاتصالات.
تشبكها 100%
الطرق القديمة:تعطيها رقم تليفونك وكل يوم ترسل لها اغنية وكلام حب لا لا لا
الطرق الحديثة:تروح للحلاق بعد صلاة العصر تضبط نفسك وتشغل لها الكاميرا ولا تجيب مسجل وتسمعها اغنية واذا مرة مرة يعني بايعها بقوووة تقول لها ان اسمك اللي قلته لها في الاول كذبي مو صدقي وانك ماصرت تدخل الا علشانها وتتفق مع واحد من اصحابك ان يدق عليك وترفضه قدامها طبعا تتفقو مع بعض وان ذاك الولد يكلم البنت ويشتكيك لها ...
وش رايكم مو حركاااااااااات . معا بايسن
تحياتي للشباب ولا عزاء للسحالي
تك تك+حبة توت
مواقع النشر (المفضلة)