السلام عليكم ورحمة الله وبركاته

عهــــــد الجــــــروح


على عهد الجروح اللي بصدري والجروح كبار

وعدتك لو نزف دمي حشى ماخـون سكينـك

تعودت الدلال اللي بطبعك يـوم كنـا صغـار

نشا طفل الوله يرضع غلا ما بينـي وبينـك

احسك لذة جروحي ودمي لـو يسيـل انهـار

ولا منك قطعتي عرق فينـي اشكـر ايدينـك

اداعب خدك ببوسة حنـان وتشعلينـي نـار

يصبرني على نار الخفوق السحر في عينـك

اضمك داخل عيونـي سكنتـي والنواظـر دار

اخاف اضمك بصدري يذوب القلب مـن لينـك

ابكتب قصتي واوصف جمالك باروع الاشعـار

وانا وش ما كتبت احلى قصيدي من دواوينـك

اشم بريحتك عطر عجيب ما حوتـه ازهـار

بساتين الزهر تسرق شذاهـا مـن بساتينـك

انا من كثر ما احبك رسمت لصورتك تذكـار

ولكن ماقدرت اتقن وصوفك من كثـر زينـك

اكيد مرايتك لو هي بتعكس صورتـك تحتـار

يشع بنور في وجه المرايه حسـن تكوينـك

الا يا شمس يا نور المجره والبنـات اقمـار

انا لولاي اخـاف الله لقـول الفلـك بيدينـك

اشوفـك ايـة لازم سببهـا يسلـم الكفـار

يقوم الغرب ويشـب الصليـب ويتبـع دينـك

اذا نظرتي بعينك على الصحرا تهـل امطـار

واذا تمشيـن بتنبـت ربيـع اثـار رجلينـك

انا ادري لو مسح كفك على صم الصخر ينهار

يذوب الصلب ويلين الحجر من لمس كفينـك

الا يارقـة الانثـى الا يـا قمـة الابـهـار

احاسيس النسا يظهر طغاها مـن عناوينـك

انا لو تلمس النسمه خدودك حيل منها اغـار

واحسد اللي لمس جسمك ولو كانت فساتينـك

عجيبة كيف بالمبسم تخلطين الشهـد بسكـار

يغيب الكون من مصه شفافك واسألك وينـك

حياتي قربي منـي تـرى محـدوده الاعمـار

واذا انك ما عطيتيني حقوق الحب يـا شينـك

نبي نقضي ليالينا على خمر الهـوى سمـار

وبكتب اسم شيطان الشعر ما بيـن نهدينـك

تعالي يا بعد كلـي وخلـي واهـي الاعـذار

بخلي ما حصل يسكن كيانـك باقـي سنينـك


للشـــاعر نايف الوبيــري

تحيااااتي لكم $222