ليش البنت تدفع ثمن اغلاط ابوها او اخووها ...

[درة الزين]

السلام عليكم ورحمة الله وبركاته

اسعد الله مسائكم

انا عندي موووضووع براسي وبصراحه ماني عااارفه كيف اطلعه

بس شي والله يوجع القلب

ويحز بالخااطر

ليش البنت دايم تدفع ثمن اغلاط ابوهاا او اخوها

اوضح لكم كيف تدفع

مثلآ:

انسان فاسد وسمعته شبه معدومه بين الناس والكل يخافه كلآ يقول ابعد عن الشر وغنيله

ولاا اخوو فاسد مافيه بنت الا وعاكسه مافيه شي مو كويس بدنيا ماجربها


وامورهم الكل يعرفهاا أب ماشي على قولت مايهمني احد وابن امه يمسلي طرف

والاخ بعد ..

وش ذنب بنته او اخته

اذا جاهاا عريس وسأل عن الاب او الاخ وسمع انه مايشرف بنسبه

وانه .. وانه ..

كذا طار العريس

الناس مالهم الا الظاهر

من الواجهه من مرأة اهل البيت الاب والاخ

وش ذنب البنات يضيع عليها قطار العمر والسبه ابوها او اخوها اذا كان يعولهاا .


ياليت اني قدرت اوصل اللي ابيه لكم لانه شي مرررره معور كبدي

وصااير كثيييييييييير بوقتنا الحاضر

بنت تدفع ثمن اغلاط ابوها او اخوها

وهي مالهاا ذنب .



ان شاءالله مايخوووني التعبير
لااني بصراحه شي مدمي بقلبي

[غزال ومـا يصيدونـه]

وعليكم السلام ورحمة الله وبركاتـه ..


طبيعي اذا البنت سمعـة اهلهـا سواء ابوهـا أو اخوهـا مووب زينـه


أن البعـض يتخـوف من هالعائلـه لأن الناس عليهـا بالظاهــر


وحتى لو قلنـا ان البنت مالهـا ذنب لكـن مثـل ماهوب معروف أن الخيـر يخـص والشـر يعـم


وفيـه حديث عن الرسول عليه السلام :


إياكـم وخضراء الدمن في المنبت السوء .. قيل يارسول الله ومـا خضراء الدمـن ..؟


قال : المراه الحسنـاء في المنبت السـوء



وقال عليه السلام " تخيروا لـ نطفكم فإن العـرق دساس "



يعني مهمـا كانت البنت زينـه بس اذا كانت سمعـة إهلهـا سيئـه طبيعي أن الكل يبتعد عنهـا


ومثـل ماقلتِ ابعد عن الشـر وغنيلـه :)

[درة الزين]

وعليكم السلام ورحمة الله وبركاتـه ..


طبيعي اذا البنت سمعـة اهلهـا سواء ابوهـا أو اخوهـا مووب زينـه


أن البعـض يتخـوف من هالعائلـه لأن الناس عليهـا بالظاهــر


وحتى لو قلنـا ان البنت مالهـا ذنب لكـن مثـل ماهوب معروف أن الخيـر يخـص والشـر يعـم


وفيـه حديث عن الرسول عليه السلام :


إياكـم وخضراء الدمن في المنبت السوء .. قيل يارسول الله ومـا خضراء الدمـن ..؟


قال : المراه الحسنـاء في المنبت السـوء



وقال عليه السلام " تخيروا لـ نطفكم فإن العـرق دساس "



يعني مهمـا كانت البنت زينـه بس اذا كانت سمعـة إهلهـا سيئـه طبيعي أن الكل يبتعد عنهـا


ومثـل ماقلتِ ابعد عن الشـر وغنيلـه :)

بس فيه بنات اهليهم سمعتهم شينه

بس البنت قمة بالاخلاق

وفيه بنات سمعة اهلهاا زينه

بس البنت قمة بالانحطاط

ليش الظلم هذا من المجتمع

وياما بنات اهليهم الله يستر عليهم تطلع بنتهم راعيه دين وانسانه متدينه

والعكس صحيح بعد



غزال

لاااهنتي يالغلاااا

على التواااجد

[الفرحه اليتيمه]

[align=center] موبس ثمن اخوها او ابوها حتى عمتها او خلتها تدفع ثمنهم يعني مو محصور الشرف
على الاخ او الاب او حتى الام ... ..
يعني تشوف الاغلبيه واتكلم عن المكان المتواجده فيه لما الناس تجلس تخطب اي بنت
يقولون لاوالله عمها فيه كذا خالها في كذا وحتى جدتها من قبل فيها كذا والجده بعد متوفيه
وحتى الولد لما يجي يخطب لا لا .. امه او ابوه او خالته او حتى اخته فيها كذا وكذا
يعني تشوف البنت او الولد يحملون اكثر من وزرهم..
ننظر للبنت بوجه عام وش ذنبها المسكينه تتسكر بوجها الابواب وتحمل ذنب مارتكبته
ليه ياناس هالتخلف والمعتقـدات.. ..
اكثر واغلب النــاس ياخذوون هالقاعده واهم شي قبل خطبة البنت مو مشكله اسال عن البنت
بس مو عن ماضي اهلها او ابوها انت بتاخذ ابوها ولا اهلها؟؟
بتقولي كلام الناس وشعليك من كلام الناس الناس طول عمرهم يبون الكلام الفاضي والمليان

ياما بنات فاتهم القطار والسبب هالظاهره الى بدت تخرب وتخلي القطار يفووت البنت

الله يهدي كل واحد ماخذ هالمتعقد..

موضوووووع رائع واكثر من رائع ويحتاج الى نقاش متميز وراقي

اشكرك ع كتاباتك الراقيه ننظتر ابداعك وتميزك الدائم.. ..

دمت بود[/align]

[شموخ أنثى]

وعليكم السلام ورحمة الله وبركاته


في البدايه يادره احب اقول لك انك عارفه مجتمعنا وعارفه العادات والتقاليد


الناس وكلامهم هذا هو بؤرة الخلل


يعني لو كانت البنت على مستوى راقي من الأخلاق والجمال

بس عيبها ان فيه احد من افراد عائلتها سمعته مو طيبه

خلاص الناس تتجنبها بحجة ان الناس راح يتكلمون عنهم


فمثلا ً لو شاب قال لأبوه ابي فلانه بنت فلان وهالفلان خريج سجون او ولده

ابو الشاب وش بيقول لولده >> ياوليدي وش بيقولون عنا الناس ؟؟!!!


بس هذا اللي همهم نظرة الناس لهم يدورون رضاهم على حساب اشياء ثانيه


يتجنبون القال والقيل وكأن هالناس بيقطعون ارقابهم من كثرة خوفهم من كلامهم


كللللللل شي بهالدنيا راجع للناس


تتزوجين شاب اصغر منك >> وش بيقولون الناس !!


تتزوجين ابو حرمتين او 3 >> وش بيقولون الناس !!


تتزوجين خريج سجون تاب الله عليه >> وش بيقولون الناس !!


وكثيييييييير من الأمثله اللي نتجنبها عشان كلام الناس


باختصار يادره << بعد كل هالخرط تقول باختصار :9ar:


ايه باختصار ذنب هالبنت انها عايشه وسط الناس هذا ذنبها الأول والأخير



يعطيتس العافيه $222