بسم الله الرحمن الرحيم
السلام عليكم ورحمة الله وبركاته
كيف حالكم يا حلوووووووووووين
اشتقت لكم وااااااااااجد جدن كثيراً سو ماااااااتش
بقولكم قصة غيابي بـ التفصيل
يوم الجمعة
موب هذا الي راح
ولا الي قبله
ولا الي قبله
الي قبله
<<<< ياخي انت فاشل
كان المعلّم جيتار والمعلّم مشعل موجودين بـ الرياض
وقابلتهم واتعشينا واتمشينا
الكلام هذا يوم الخميس
طلعنا لـ قهوة عند شباب ولعبنا بلوت ورجعنا قبل صلاة الفجر
ونزلتهم عند سيارتهم بالتحليّة
وأذن الفجر <<< فجر يوم الجمعة
وسلمت عليهم ومشيت
وهديت عند مطب من مطبات التحلية
لأن مطبات التحلية مافي أمل الواحد يمشي عليها مسرع
كنها جدار اللهم يا حافظ
هديت وتوني راقي المطب
الا يجيني راعي فور يمشي ست آلاف
وحيييييييييييييييييييييييييييييييييييييييييييييييو وووووووووو
قربااااااااااااااااااااااع
يصدمني من ورى
هو أول ماصدمني أقلعت انا من فوق المطب مثل حقين الأفلام الي تطير سيارتهم
وقرباااااااااااع ضربت في الأرض
نزلت أشوف سيارتي الا والله تمام مافيه غير قرش بسيــــــــط بالصدام الخلفي
نزل الرجال مترنح
مدري هو مترنح من الصدمة والا من شي ثاني <<< وانا أرجّح الشي الثاني im22
من بعيد لـ بعيد شفت سيارته انعدمت المسيكين
و قلت له أنت بخير ،، قال بخير قلت أجل توكل على الله مابي شي
مع ان رقبتي وظهري عوروني شوي
بس قلت عااااااااااادي
ودزيت عشان ألحق الصلاة ويمديني أنام شوي قبل الصلاة
رحت البيت بعد ماصليت الفجر ونمت
صحيت قبل الجمعة على صراخ في البيت
وانزل وانا مسوي تسذا
وألقى الشغالة الله لايوفقها مسوية فلم في البيت مع الوالدة وجدتي
نزلت وهاوشتها وطلعت أصلي
رجعت ونمت
دق علي وفيت وخانتني
قبل صلاة العصر
وتواعدنا في مكان ما
قلت في نفسي بطلع قبل الصلاة أصلي واروح لـ المكان الموعود
أذن العصر وطلعت ومسكت طريق الدمام
تووووووووني ماسك طريق الدمام
الا فجأة
واحد عاكس الطريق
ما أمداني أنحاش منه الا قربااااااااااااااااااااااااااااااااااااااااااااااا اااع
بدون حيوووووووووووووووووووو
لأن من جد ما أمداني أمسك فرامل
واحد عاكس طريق الدمام السريع سلااماااااااااااااااااااااااااااااات
أول ماصدمت أحس رقبتي الي كانت تعورني اليوم الفجر طابتim22
وظهري تعدل im22
نزل الرجال بكل هدوء وركب معي وقال معليش انا آسف ولك الي تبي
قلت اصبر شوي
دقيت على جادر وجاني ومريت وفيت وركب معنا
قيّمنا قطع الغيار واصلاح السياره ودفع لي الرجال مصاري << وش عنده السوري im3
ورجعت الرجال وجادر
ورحت لـ البيت باخذ علاجي حول المغرب
وألقى الشغالة مكمّلة الفلم حق الظهر وتقول أبي أسافر
حاولنا نقنعها عيّت
قلنا لها اليوم جمعة وبكرة نوديك المكتب قالت زين
طلعت صليت المغرب انا ووفيت
ورحنا لـ كوفي
على آذان العشاء الا الوالدة تدق علي وتقول الشغالة انحاشت
قلت يالهوووووووي
ايه ده
اي الي جرى
قالت ام زي ما بئولك يابني
مير تأتّش معي وأدق على جادر واخو وسن واقول روحوا دوروها بـ الحارة
وانا ارتفع ضغطي
ورحت انا وفيت عند واحد وقعدنا شوي نلعب بلوت ونضحك
شوي الا بديت أحس بـ آلام فظيعة
قلت لـ وفيت انا بروح
قال خل أوديك المستشفى قلت لا عادي
مير أروح وانزل وفيت عند سيارته
وأدز لـ المستشفى
ويركبون فيني ذيك الي على الرقبة
الي اذا لبستها مايمديك تلف يمين ولا يسار
أكرهها سخيفة حيوانه <<< يااااااي im3
وحطوا فيني رباط فيه حديد على يدي اليسرا
مير أرجع لـ البيت وانا حالتي حالة
طبعاً ابوي رجلة مكسورة
وانا يدي ورقبتي مربطين
يعني بيتنا مدري وش فيه بـ الضبط
ونقعد ويعدي يوم الجمعة
ويجي يوم السبت
وتجي الوالدة الله يحفظها تبي تفتح الباب حق الملحق الي بـ الحوش مير تزلق لبى قليبها وتبي تتمسك بـ الباب مير تنفك يدها جعلنا فدا تراب رجليها
وبـ الليل
بدت أختي تصارخ
قلنا وش فيتس ياوخيتي ؟!
قالت أذني تعورني
رحنا لـ الدكتور
قال ضرس العقل بيطلع
وانتوا تعرفون ضرس العقل وآلامه
ومن بكرة يعني يوم الأحد أخوي الصغير يلعب كورة
وتدخل حديدة في رجلة اليسرا
ونصير خمس اصابات في البيت
ويوم الأثنين توني بروح أبلغ على هروب الشغالة
رحت وبلغت قبل الضهر
بعد صلاة الضهر
الشغالة تتصل وتقول : السلام عليكم ورحمة الله وبركاته <<< وش ذا العقل والإيماااااان ياناااااااس
قالت : أبدوالله ،، انا جوريه شورطة تسوول يمسك انا في أوليا <<عبدالله ،، مكافحة التسول فرع العليا مسكوني
انا : طيب ؟!!
قالت : تئالي شيلي أنا <<< تعال خذني
انا : انا ماوديتتس عشان اجي آخذتس ،، الي وداتس خليه يجيبتس
ققووووف <<< قفلت السماعة بوجهها
مير تدق واقفل السماعة بوجهها واعلم اهلي
قال ابوي لاتجيبها بس رح شفها وشف وش يبون منّا
واروح لها وألقاها الله لايوفقها سارقة جوازها وتبي تسافر وحنا محتاسين ندوره لنا ثلاث أيام
وافتش اغراضها ولا لقيت معها شي
وقالت لي بكل وقاحة
جيب باقي راتب وجيب تذكرة أبقى سافر
قلت لها أبشري من عيووووووووني
واسحب عليها إلى اليوم ماخلصت أوراقها im22
خلها شوي تستاهل
لها شهر الحين وهي ملطوعة في السجن
يوم السبت بروح أخلّص معاملتها وأذلفها جعلها ماتعود ان شاء الله
وووووهذا انا اليوم رجعت لكم وبكل قوة
بعد مافكيت حق الرقبة
وباقي حق اليد
ملاحظة
اختصرت لكم الموضوع عشان مايسمج << هو سامج خلقة
الآن سؤاااااااال
عليه تصويت
س/ وش رايكم أروح لـ الشغالة السبت واخلص أوراقها والا أسحب عليها ؟!! مع العلم انها قليلة أدب ودايم تنفخ على الوالدة وعلى جدتي ،، والموت بعد لقينا في غرفتها دخان ،، طلعت تدخن التسلبة وحنا ماندري im22
التصويت مفتوح أمامكم
والشغالة بـ انتظار النتيجة
سلاااااااااام
...علشان طاحت...
مواقع النشر (المفضلة)