تحشم حثال العرب من شان طيبها

[اعفيني]

[poem=font="Simplified Arabic,6,darkred,bold,italic" bkcolor="transparent" bkimage="" border="none,4,gray" type=2 line=1 align=center use=ex num="0,black"]
البــارحه قامت أفكــاري تناوبـني=من هاجس بالضمـاير قام يجذبـها

بيبـان الأشـعار لامن ضقت تندبني=اكتب بعضها وبعض حروف ماأكتبها

ياراشــد الوقـت يامشكـاي مرعبني= احسب الأيام واغضي عن مصايبها

أضيق من هاجس دايم مناشبني= سود الليالي تجــرحني عقـاربـها

لو أشرح الوضع يمكنك تكذبني= بعض السوالف تحير فكر صاحبها !!

أسمع هروج بعضها مايناسبني= وأغضيت عن كل مخطيها وصايبها

ياخـوي بعض الهروج العوج تغضبني=النــاس ماتتــرك لــوك مجـنـبـها

الحــاقد اللي بليـا ذنب حــاربني= أدري بنــاره ولو يخـفـي لهـايبـها

يمدحني أن جيت وأن قفيت عذربني= بعض البشر مهنته يوقد حـرايبها

اهـدي النفس لاجل أنه يجنبني= أخاف لاطالت السيــرة نخربها

ماهو صحيبي ولا ارضى انه يصاحبني=النفس عن مثله ارفـعـها واهـذبها

اخــاف من رفقه الخـايب تخيبني= احسب امـورٍ بعضهم مايحسبها

رفقه هل المعرفه والطيب تعجبني= واليا جهلت الأمور أنشد مجربها

صديقي اللي اليا زليت عاتبني= واليا حفظ لي سريره مايهج بها

هذاك بالطيب والمعروف يكسبني= وانا اسناده ليا من حل واجبها

ياراشد اصلي عن المهياف ينتبني= بعض المواضيع مالي في طلايبها

صبري على اللي جرحني مايعيبني= تحشم حثال العرب من شان طيبها

والله لولا الحيا والحلم قاضبني=ان أفضح السالفه واذكر سبايبها

لاشك ابا اصبر ولو الصبر متعبني= نفسٍ بلا صبر ماتوفي طلايبها

ابديت وأخفيت عنك اشيا تشاغبني=والله عليمٍ بحاظرها وغايبها [/poem]

اتمناااااا انها تنال اعجابكم والسموحه على عنوان القصيده

الشاعر العذب سعود الفهد المطيري

[هنوف العتيبي]

قصيدة بقمة الروعه..

صح لسان الشاعر المطيـــري ..

وتسلمـ يمنآك اعفيني ’’

لاهنت وانا اختك ,,

دمت بــ سعادهـ ..

[ذكريآت الأمس]

صح لسان الشاعر

قصيدة رائعة بروعة ذائقتك

سلم نبض قلبك

[!..أنفاس الفجر..~]

[poem= font="Simplified Arabic,4,white,bold,normal" bkcolor="transparent" bkimage="backgrounds/21.gif" border="none,4,gray" type=0 line=0 align=center use=ex num="0,black"]
رفقه هل المعرفه والطيـب تعجبنـي=واليا جهلت الأمـور أنشـد مجربهـا

صديقي اللـي اليـا زليـت عاتبنـي=واليا حفظ لي سريـره مايهـج بهـا

هذاك بالطيـب والمعـروف يكسبنـي=وانا اسناده ليـا مـن حـل واجبهـا [/poem]

[align=center]^
^
انا اشهد..ان الصديق..الوفي اللي اللي يحفظ الاسرار...وصاحب الطيب هو اللي معرفته تشرف!!
صح لساااان الشاعر...سعود المطيري..قال فأبدعـ...
أخووي..اعفيني..ذائقة شعرية نادرة ...وراقيه ..اختيار قمه كالعاده..
دمت بهذا العطاء..لك:25ar:
وداعاً للحب[/align]

[بنت ابوووها]

آهدّي النفـس لآجـل إنـه يجنّبنـي
آخـاف لاطالـت السيـرة نخربـهـا

آعفيني

حضور ثري / إبداع غير مستغرب منك


قصيده رائعه

لآخر حرف من حروفها

صح ذووقك / وصح لسان شاعرها


كل الشكر والتقدير $222