وش اقول بعد تعالوا وتعرفوووووون

**حيران في عالم النسيان** · 03-04-2008, 01:49 AM

السلااااام عليكم

مساكم الله بكل خير

يالربع تعرفون انا عليمي في الكمبيوتر يعني مع جنبها احسن مافي اني

داخل دورة ادخال بيانات ومعالجة نصوص الزبدهـ

الحين وش فيه الجهاز هو ناوي يهبل بي ولا ناوي ينهي العلاااااقه معي

يبيني اصكه في الجدار عشان يصحي ولا يخرب مرررررتن وحدهـ

تطلع لي الإشارهـ زي اللي اني عرفته انها للكاسبير حق الفايرس

يعني الجهاز فيه فيروسات ولا وش مقصده منها

وسلامتكم ابي وش معناتها كل ماطلعت لي ضغطت على كلوس

وبس

**وضـاح** · 03-04-2008, 06:51 AM

وعليكم السلام

هلابك حيران وصبحت بالنور

والله ودي اخدمك لكن ماعرفله

ادخل على هالموضوع

يمكن نفس الرساله ويفيدك

http://www.al-zen.com/vb/showthread.php?t=109378

واذا محد فادك بشيء هنا علمني عليهم بس

وماتشوف شر لا انت ولا جهازك

:)

**يــادافع البــلا !** · 03-04-2008, 11:17 AM

مساك الله بالنور اخووي

هذي المشكلـة بسبب مفتاح الكاسبر انتهى مدته او انه به بلا

صلح تراخيص المفتاح وبيزين ان شاء الله معك

**حيران في عالم النسيان** · 03-04-2008, 11:25 AM

المشاركة الأصلية كتبت بواسطة يــادافع البــلا !

مساك الله بالنور اخووي

هذي المشكلـة بسبب مفتاح الكاسبر انتهى مدته او انه به بلا

صلح تراخيص المفتاح وبيزين ان شاء الله معك

والله يابنت الحلال ماعرف لا مفتاح ولا شي انا إاذا ضغطت على الكلام اللي

موجود في نفس المربع هذا الأزرق جتني خيارات قلت ماني مسوي شي لين احد

يعلمني وش اختار منها لا احوسه