--}{ والله لو قلبي تزايد نزيفه / لسقيه دم عروق قلبي ويفداه }{--
[align=center]
السلام عليكم ورحمة الله وبركاته
حروف متواضعه واتمنى ان تنال على ذائقتكم العذبه
[rams]http://www.movn.net/Music(~Movn~)/Movn_(2).rm[/rams]
[/align]
[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
قالوا:: جفاك وقلت يجفى بكيفه=انا اتلذّذ في المحبّه بجفواه
قالوا:: ذبحك بطعنة الهجر سيفه=قلت اتركووه احيا بطعنات يمناه
ربيع عمري عايشه فـي خريفه=وعن الشتا تدفى ضلوعي بطرياه
واخيل برق الغيم في عزّ صيفه=واسقي جذور الحب لاهلّ من ماه
املا نظر عيني ليا حل طيفه=واروي ظما القلب المعنى بذكراه
والله لو قلبي تزايد نزيفه=لسقيه دم عروق قلبي ويفداه
عمرٍ مضى واللي بقى له حليفه=يرخص لجل عينه وفدوه لماطاه
القلب بيت الحب والزين ضيفه=باقصى معاليقي من سنين مركاه
يشب ناره بالضلوع النحيفه=الشوق زنده والاحاسيس تحماه
عيون قلبي في العذارى كفيفه=والله ماشافت مع الناس حلياه
زين البشر قد راح منه النصيفه=مع النبي يوسف وهذي بقاياه
بدر السما لا شع نوره وصيفه=لا والله الا فارق في مزاياه
دلع وخلق وكل ميزه شريفه=من لامني جعل المنايا توطاه
اللي خلق فيه الطبوع العفيفه=اطلب منه جعل المنايا تعداه
ياعاذلين القلب والله ماعيفه=هذا حياة الروح ولقلبي دواه
قالو جفاك وقلت خلوووووه كيفه=حلفت باللي زين الكون مانساه [/poem]
[align=center]
وسلامت قلوبكم
اخوكم
بدر بن تركي العتيبي
[/align]
رد مع اقتباس
مواقع النشر (المفضلة)