:::قلمي ينزف :::
[align=left][/align]
أسعد الله جميع أوقآتكم بكل خير
قصيده جديده .. عمرهآ يوم وااحد فقط :)
ترى النور بين أيديكم ..وهي عبآره عن حوار بيني وبين قلمي ..
تحمل الكثير من مشآعري .. ولا ضير أن أقول أنهآ تعبر عني بمنتهى الشفآفيه ..
في ليله صمآء ..
مسكت القلم كعاادتي لأكتب به مآيجول في خآطري
فبكى قلمي قبل أنت تبكي عيوني ..
مآذاا حدث ؟؟
أترككم مع الأحداث في النص أدنااه :)
[align=left][/align]
[poem=font="Traditional Arabic,6,sienna,bold,normal" bkcolor="transparent" bkimage="" border="none,4,gray" type=2 line=0 align=center use=ex num="1,orange"]
عفسني هالقلم ..يرفض هدوئي وأرفض جنونه=يصيح / أن اطلقي قيدي (وكانت سنحته ثاير)!
مسكته بإصبع(ن) ترجف ..حشيت الحبر بمتونه=وخطّيته على صفحه بياض(ن) لونهآ جاهر
تناثر بالورق نزفه ..غدت بالدم مدهونه=وأنا مشدوهه..مصدومه.. أصيح / شفيك يآسآتر؟!
وراه مأشرك أحمر؟! وينزف حبرك شجونه!= أخبره أزرق(ن) لونك!! عسى مآشر ؟ وش صآير ؟!
أيآ قلمي .. عجيب أمرك!!تخبي أسرار مكنونه؟!= وش اللي خبّص ألوانك بلون(ن) أحمر(ن) فآتر
تأوه بين أحضآن الأصآبع (آآآه مغبونه)= وقآل استقبلي "وارد رسآله" قلت / أنا ناطر !!
تحرك بين دفآتي .. لمحت الخوف بجفونه! = تلملم يجمع أفكاره بوجه(ن) خاطف صآفر !!
كتب لي / قوتي خآرت ..غدى عظمي به ليونه ! = زمانك مآينآسبني!! نجومك مآ لهآ مسآمر!!
تغيرتي !.. تبدلتي!.. غديتي حيل مدفونه != فكر شآرد ..ألم تآيه..وجرح(ن) مستوي خآثر!!
عيونك (بآقه ذبلانه)..جرحهآ الشوك بغصونه = وقلبك منرصع طيبه وخصرك نآحل(ن)ظامر!!
غدى سمسآرك الضيقه.. يشيّد بالحشآ حصونه= تري سلبيتك تذبح .. وسيف الذل بك شآهر !!
رميته فوق صفحآتي .. ووجهي مختلف لونه = ودرات حولي الدنيآ .. ودمي من القهر فآير!!
دحجته بقآسي نظراتي ..تلآقت عيني بعيونه= وقلت بلهجه الأمر: ترقب مني الصآدر !!
إذا إنك تعآيرني .. لأني بطيبي مرهونه!!= هلا باللي يعآيرني !! ترى تمدحني يآشآطر !!
لأن الطيب متغرب ..توراى بّوه بطعونه = وخلّف شرذمه تعوي ..جميلك عندهم بآير !!
وإذا إنك تعآيرني .. لأني بحزني مقرونه = فلعبه هالقدر تقضي علي أكون أنا الخآسر
تلآقينا أنا والحزن في زنزانه مسجونه= فتحت القلب أشكي له ..حضني بحضنه الغادر!!
تمازجنا أنا وأيآه .. وأكسب عطري عفونه =تفشى في مسآفآتي .. صحيح إن الحزن كافر!!
دفن كل البراءه داخلي وأفتّر مخزونه = وحولني مجسم رآبض(ن) ينطر رجآء مسآفر!!
تعب في دنيته يرجي (من الأخر) حد يصونه = تعب يبكي وهو مسلوخ ...ينآدي هل من نآحر؟!
يجي لمي يبعثرني .. بلذه جور مسكونه = يغير كل مفآهيمي .. طقوس الحزن كالسآحر ؟!
تريث يآلقلم .. حكمك عليّه يغلب ظنونه = لأنك أصدق أشيآئي .. لأنك نزفي الطاهر !!
أبيك تكون عون(ن) لي ..أبيك لكسوتي بطونه = أبيك مترجم إحسآسي وتهدي مسلك الحآير !!
ترآقص هالقلم بين الأصآبع ..بيّن سنونه = ورقّق نبرته .. وأطلق حجاجه ..وأستولى باهر!!
تلون بالمسك لونه ..تغير جور قآنونه= ووثّق فرحته فيني .. كأنه صآيم(ن) فاطر!!
تجآوب مع خفوقي حيل ..يسأل قلبي وشلونه ؟!= يداعب مبسمي ضحكه .. يجود بفرحه الغامر!!
وتخضب وجهه بالحمره..ونادى العز يآعونه = أنشهد رآيتك بيضآء .. مثيلك يآ "ندى" نآدر !!
أنا أسف..أنا أسف..حروفي حيل ملسونه = جهلت إحسآسك الوراف.. وقلب(ن) معتلي عاطر !!
أيآ نزف القصيد أسبح وغرق روح مزيونه !!= تجي مثل الندى .. مزنه .. كريمه .. جودها ماطر
تغطرف خافقي وبله ... على مهله ..على هونه = وأسقآني حروف القآفيه في حّله الظافر!!
طفيت بداخلي جمره ..دحرها الغيم ومزونه = دفنت إحسآس متهآلك .. بعثت لخآطري طآير !!
معه مني رسآله .. صآغهآ في قآلب لحونه = مفآدهآ: جعل ربي يهب لك سلوه الخاطر!!
صحى طفل الأمل في نظرته أحداق مفتونه= نفض عنه غبآر القبر ... ووجآني معتلي زاهر!!
يدغدني بشذى روحه .. نبذت العيشه من دونه= أيآ طفل الأمل: كسبك /ينآفس ثروه التاجر!![/poem]
وسلآمه عيونكم الطااهره
كلي رجآء أن تقروا نصي بقلوبكم قبل عيونكم
ولكم مني وافر الشكر والإمتناان
أختكم / ندى القحطاني .. :)
[align=left][/align]
رد مع اقتباس
المشاركة الأصلية كتبت بواسطة سلطان الزين
مواقع النشر (المفضلة)