[align=center]السلام عليكم ورحمة الله وبركاته
ازيكم ياقدعان وقدعااات
ان شاءالله انكم تزقحون وتردحووون
يالله خل ندحدر للموضووووع
قبل فترهـ سمعنا بطاري السعودة ,, وستانسنا على هيكـ خبر images6
على بالنا ان السعودي بيكون ازين من غيره وبيكون محترم مع بنات ديرته___ ويخاف ربه___ وغيرهـ على بنات ديرتوه
وبس للاسف اثر ماوراك احد
بعض السعوديين يتخذ هذي الوظيفه عشان " تميلح والسذاجه ":28ar:
يمكن يكون اللي دفعه لهاالاسلوب ان فيه بنات يعطونه وجه .,,
او شي في نفسه ماندري وشو
لكن نرجع ونقول ان اصابع اليد موب سوى
اقولكم الموقف اللي حصل مع صاحبه الموضوع " هي يامحاتسيتكم " << [mark=66CCFF]يمديكم ع التعديل الي مدري وش يبي[/mark]
" رحنا للسوق انا وامي وخواتي .,, ومعروف دايما امي الله يطول بعمرها
ماعاد لها خلق تدور في السوق .,, تتعب بسرعه صارت تجلس في مكان وتعطينا الفلوس
وتقول يالله قضوا حاجاتكم بسرعه .,,
جلست امي عند الملاهي مع اخواني الصغار .,,
وانا وثنتين من خواتي رحنا نشتري ..,, مشينا في السوق ودرنافي جميع المحلات في ستيرة الله
عجبنا الشي خذناه ماعجبنا المحل طلعنا وهكذا
بقى وحدة من خواتي مابعد لقت اللي يعجبها قلت لها : هذا آخر محل بندخله
وافكووورس بتلاقين فيه اللي يعجبك لانه محل معروف ومشهور
دخلنا للمحل .,,
كانوا اللي يبعيون او اللي تبع المحل اثنين وطالعين برا المحل
قمنا ندور نشوف شي عجبنا ..,, اخر شي لقت اختي اللي يعجبها
ومسكته وتسالنا عن راينا
جا البائع السعودي وهو يتميلح : " طيح بلوزة على الارض هو اللي طيحها
بعدين التفت علينا وقال: شوي شوي على البلوزة تراكم روعتوها " << اسميها ظرافه ولاتميلح ماادري
مع العلم ان حنا نتكلم بصوت وااااطي مرة
التفتنا عليه انا وخواتي واتركنا التنورة عندة وطلعنا
انا من النوع لين شفت راعي المحل يتميلح انطل اغراضه واهج [mark=66CCFF](انطل = مدري وش معناته بس على معتقد انها ارمي ) [/mark]
اللي حصل ان حنا طلعنا ويلحقنا خويه سعودي ويتلفظ الفاظ غريبه بذيئه برا المحل
والناس كلهم يتلفتون علينا ... gif22
مع العلم ان حنا ماردينا ولا قلنا شي وعباياتنا على الراس ومغطين عيوننا
انا وخواتي ارتعنا يعني وش هالالفاظ وش حنا مسوين ..؟؟ gif22
قربنا شوي وقلت له : اخوي انت موظف المفروض تكون الفاظك اررقى من كذا
بعدين وش سوينا لك عشان تتلفظ علينا
استح على وجهك <<< اول مرة اقول لرجال ذا الكلمه
واول مرة في حياتي ارد على رجال المشكله انه كبير شوي
قام ورد علي بصوت عالي : بوطاك بجزمتي انتي والمبزرة
انا هنا مسكت جوالي : وقلت له خلاص خلك هنا وابدق الحين يجون ياخذ ونك
قال روحي للامن حق السوق <<وقح
قلت لا المسأله بتكون اكبر من اني ابلغ الامن
قام قال: اختي ترى انا مداوم من الساعه 11 الصبح
يعني وش تبوني اسوى
قالت اختي : واذا انت مداوم من الصبح تتلفظ على بنات الناس ليه .؟؟
وحنا بعد وش قلنا لك عشان تتلفظ
ياخي اذا انت تعبان استأذن من المحل واطلع ولا انك تسبب على بنات الناس وتسبب على نفسك
هو هج دخل المحل وقال خويه خلاص استروا على ماواجهتوا
أي استروا تتلفظون قدام الناس وتقولون خلاص حنا اسفين
انا بدق على ابوي" وابوي ولله الحمد له منصب "
قلت بدق على ابوي يرسل عسكر يسحبونه قدامي
المهم مادرينا الا جوا الامن حقين السوق لابسين ثياب وواحد سيكورتي لابس اللبس حق الامن
قال وش السالفه :
خويه اللي كان يتميلح في البدايه طلع نفسه من الموضوع وقال مالي شغل مالي شغل
يوم شاف المساله بتوصل للأ من ومالامن
قلنا السالفه للامن
قال وينه أي واحد فيهم
قلنا دخل جوا المحل قال للسيكرتي اللي معه نادوة
وراحوا ينادونه .,, وهو رافض يطلع
قال ادخلوا واسحبوة من المحل
دخلو وسحبوة قدامنا
يوم طلع ماناقشه السيكورتي ولا شي
جالس يناقشنا عن الموضوع
قام هو يقول والسيكورتي ماسكه مع يدة انا انا قلته والله ماقلته
انا افكر ليه يسب ويشتم بعددين يجحد
قال الامن اللي لابس ثوب خلاص:: انت بتنزل تحت عند الادارة
وسحبوة مع يدة للادارة
قال لنا الامن : تعالوا اكتبوا شكواكم
لاتخافون المكان الللي بتكتبون فيه في وسط السوق
راح يمشي وحنا نمشى وراة
ووقفنا عند الادارة اللي يحطون لهم مكتب بوسط السوق
طلع لنا ورقه قال اكتبوا الالفاظ البذيئه اللي قالها لكم حرفيا
وكتبناها حرفيا وكتبت في نهايه شكواي[mark=66CCFF] ( كنت اتمنى من الموظف السعودي ان يكون ارقى فكريا وانضج عقلا من ان يتلفظ على بنات وطنه ) [/mark]
..
نقطه انتهى
حنا مو ضد البائع السعودي بالعكس..
بس هناك فيه عقليات سعوديه اللهم لاشماته
لو كان هذا التصرف المخالف للحياء من بائع غير سعودي كنت سـ أقول : هذا البائع
يظن ان بناتنا مثل بنات وطنه<< [mark=66CCFF](تعليق صاحبه الموضوع)[/mark]
لكن للأسف تصرف مثل ذلك يخرج من احد البائعين السعوديين اللذين نعول عليهم الثقه <<< [mark=66CCFF]وذا بعد تعليق صاحبه الموضوع[/mark]
سؤالي
1/ لو حصل لك هالموقف وش بتسوين .؟؟
2/ للشباب : لو حصل الموقف لخواتك وش بتسوي .؟؟
3/ ماالذي دفع البائع لفعل ذلك .؟؟
[mark=000000]الموضوع منقول بس باسلوبي[/mark][/align]
مواقع النشر (المفضلة)