علمتني المترفه وشولن أحس انـي ثـري.
نصبتني عرشها..ونصبتها عرش الحصير.
بس أنا علمتها بصدقي وأصالـة جوهـري
كيف يحتاج الغني لخبزة أحساس الفقيـر.
أشعلي يانجمة العشـاق ليلـك وأسهـري
أمشي بنفس الطريق وجربي نفس المصير
وبلغي صـادق تحياتـي لحزنـي وقهـري
يوم كان الشوق لايرحم ولا عنـده ضميـر.
ويوم كنت أخاف مايعجب عيونك مظهـري
وانحني من شان مايفضحني الثوب القصير
اسألي كل الشـوارع والحدايـق واعرفـي
كيف كنت بكل يوم اهديك باقة ورد غيـر.
كنت أوقف بأخر الشارع وارقـب واحتـري
لين يهداء الجو وانقي لك من الورد النظير
كل ما امر برصيف يقول خلصـت زهـري
كل ماقطفت ورده اللي جنبها منهـا تغيـر!
اسألي شباكك الوردي وش اردى بنظـري؟
لاقعدت ألـف قبلـة بيتكـم كنـي خفيـر؟
كنت أحاصر غرفتك بجيوش عيني وبصري
كن لي عش بشباكك وكـن العيـن طيـر!
اااآه لوعشتي انتظاراتي وشفتـي منظـري
لاسالني جاركـم وش بـك هنيـا تستديـر
والمصيبه دايـم عـذري مضيـع دفتـري
يبتسم ويروح وأنا مصدق ان عذري خطير
وبس يدخل اسمعه يضحك بصوت مـزدري
حنا بالعطله وصاحبنا على الدفتـر سهيـر
اسألي الجدران عن خـط عجـز لاينقـري
أعلم الجدران مالم تعلم في بـوح الضميـر
أسألي أمي عن كدر بالي وضيقة خاطـري
لاسألتنـي ياولـدي وشبـك وردت الزفيـر
السواد اللي على جفني من أثـار سهـري
لوعرفتي كيف كحلني بـه الليـل المريـر
كنت لا جاء الليل قلطة على الجفن الطـري
الين نصبني السهر لعيون خلق الله سفيـر
وان نفاني للسهر يامترفـه حكـم أقـدري
هالسهر ياما نفى لي من ضحايـاه الكثيـر
والبياض اللي تشوفينـه تنامـي بشعـري
من مظاليمه هلال أعـرج ونجـم مستديـر
يارفات الطيش في تابوت الأحـلام البـري
من خذلني بالبدايه كيف أصونـه بالأخيـر
مابقى لك غير بعضي وأستبيحـك باكثـري
ضاع مثل النور لما ضاع عن عين الضرير
مثل ماضاعت عصافيرك عن أغصان شجري
مثل ماضاع الأمل عن صبح شباكي الصغير
ومابقى لك غير سالفتي وشعري وصـوري
سولفيهن للشموع الحمر والفراش الوثيـر
للستايـر ..للأساور..للحـاف السـكـري
للهدايا..للتحف..للمزهريـه..لـلـسـريـر
واوعدك وقت الحصاد أتجاهل الجوع العري
بس لاجل أكتب حروف أسمك بحبات الشعير
ولاجل أعلم هالزمان المستبـد العنصـري
كيف يحتاج الغني لخبزة أحساس الفقيـر..
كل الود لقلوبكم
مواقع النشر (المفضلة)