هذي الليالي ياعلـي دلهـا شيـن

فارس مطير · 05-07-2005, 01:37 PM

قصيده مسنده للاخ علي
اتمنى ان تحوز على رضاكم

((الليالي ياعلي1 ))

هذي الليالي ياعلـي دلهـا شيـن
منحوسةٍ محدٍ سلـم مـن قشرهـا

عند العرب معروفةٍ بـأم وجهيـن
وجلا جلاله فـي كتابـه ذكرهـا

لو يوم زانت لك على الكيف واللين
اليـوم الآخـر مايسـرك قدرهـا

من قبلنا رجالٍ على الطيب ضارين
مالتهم عليهم لين ذاقـوا ضررهـا

ياما سهرت عينٍ وياما بكت عيـن
وعينٍ جفاها من العساير بصرهـا

وياما فقدت ناسٍ من الناس غاليـن
قفت برحمت ربي اللـي فطرهـا

وياما شكى بالحبس منها مساجيـن
خواطـرٍ ضيـم الليالـي جبرهـا

وياما جبرت ناسٍ على المال بالدين
دون الوفا تقصـر ولحـدٍ عذرهـا

وياما تذلـل فالبسيطـه سلاطيـن
فوق الكراسي ماسلمت من خطرها

ومن ضامته سمي ضعيفٍ ومسكين
عند الخلايق تصغره فـي نظرهـا

وكانك تبي لك عن كلامي براهيـن
انشد أبوك اللـي خبيـرٍ بأثرهـا

عودٍ تعدى بالعمـر فـوق سبعيـن
وكل المراجل في حياتها حصرهـا

يعطيك علم اللي سبقونا من سنيـن
كيـف الليالـي ذوقتهـم قهـرهـا

ويعطيك علم اللي رجح بالموازين
يتبع رضى الله والمعاصي هجرها

وأفطن له الليله وبكره وهااللحيـن
وأحفظ نصيحة والدك وأختصرهـا

وصلاة ربي اعداد نبت البساتيـن
على الرسول محمد أفضل بشرهـا

وسلامتكم

1..(فارس مطيـــــــــر )

**حايليه موت** · 05-07-2005, 07:20 PM

صح لسانك اخوي لاهنت يالغلا

**₪₪₪الشمري₪₪₪** · 05-07-2005, 11:35 PM

[move=up][poem=font="Simplified Arabic,4,white,normal,normal" bkcolor="white" bkimage="backgrounds/26.gif" border="double,4,gray" type=0 line=0 align=center use=ex num="0,black"]
بسم الله الرحمن الرحيم

صح لسااااانك اخووي فارس مطيرررر

بل شعار مطير انت مبدع في قلمك الرائع

ومره ثانيه صح لساانك اخوووي

ولاهنت

ياما سهرت عينٍ وياما بكت عيـن
وعينٍ جفاها من العساير بصرهـا

وياما فقدت ناسٍ من الناس غاليـن
قفت برحمت ربي اللـي فطرهـا

وياما شكى بالحبس منها مساجيـن
خواطـرٍ ضيـم الليالـي جبرهـا

وياما جبرت ناسٍ على المال بالدين
دون الوفا تقصـر ولحـدٍ عذرهـا

وياما تذلـل فالبسيطـه سلاطيـن
فوق الكراسي ماسلمت من خطرها

ومن ضامته سمي ضعيفٍ ومسكين
عند الخلايق تصغره فـي نظرهـا[/poem][/move]