((( الشرهــــــــــــــــــــــــــــــه ))
اقدم اليكم هذي القصيده المتواضعه وارجوا ان تنال على اعجابكم
[poem=font="Andalus,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يااللي تقول إني صغير وجاهل ن بعض الامور
وجهة نظر والمشكله من وجهته قبل انظره
يعني على الهامش يبي يبني من اللاسور سور
حتى ليا شافه ضعيف النفس للنّاس اذكره
يقول لي كلمة حكيم بنصح لاكن بالصدوور
ليلٍ هشل وانجومه اخفتها المزون الممطره
إشره ترا دمّي على بعض السوالف ما يفور
أحدن زعلت ليا شره وأحدن ضحكت ليا شره
كثر التجارب في زمانٍ فات وطوال الدهور
من غير ما إن الزمان اغنى بنادم وافقره
ترا العرب ماكل من شيّب تمنوو منه شوور
حتى العجوز الطايحه ممكن تشور وهي مره
ولو كل من يبحث عن الخبره من انسان مخبوور
ما شفت بعض الناس تبدي رايها وتكرره
ولو كان قدر الضيف يا تخريف في كبر القدور
تسعين بالميّه من الاجواد تزري تقدره
أصبحت مثل اللي يدوّر من ورا الخفّاش نور
بلاش من كثر المجامل معك بس المعذره
بلوى وقبلي عنتر العبسي بلاه الله بثور
مير البلا من علّم الثور إن هذا عنتره
تبغا ثلاث اسباب تجعل ناقد الشعر امحقور
الظلم فيما تدّعي والفلسفه والثرثره
إشره ترا دمّي على بعض السوالف ما يفور
أحدن زعلت ليا شره وأحدن ضحكت ليا شره[/poem]
اخوكم فارس مطيـــــــــــر
وسلامتكم
مواقع النشر (المفضلة)