السلام عليكم ورحة الله وبركاته
اليوم جايبة لكم موضوع جديد ندردش فيه :)
هالسالفة حصلتلي انا (شخصيا) أم صقر
الاسبوع الماضي رحت للجوازات انا والوالد الله يحفظه ..
كنت ابجدد اقامتي
امزح كنت ابخلص اوراق السايق
وبما ان الوالد كبير بالعمر .. فجلسنا بزاوية للمسنين..
وشي طبيعي يكون اغلب اللي هناك كبار سن ..
بعد مرور وقت شبه طويل
دخل رجال كبيير في السن وبااين عليه انه مريض..
ومعه عكازه
ويالله يالله يمشي
وعلى اقرب كرسي قابله جلس عليه..
ومعه اوراق
وقاعد يتلفت يمين يسار..
ويسأل شاب كان قاعد جنبه يقول له وش اسوي
رد عليه (الشاب) قال له مادري !!
بعد ثلث ساعه بالتمام تأكدت انه جاي بروحه..
وتوجهت له قلتله ياعم وش تبي تسوي؟
قال والله مدري يابنتي ومدلي الاوراق
اخذتها ورحت عند العسكري وعطيته اياها وراح العسكري
رجعت للعم وقلتله عندك اولاد
قال ايه 6 <<
قلتله ليش ماجاء معك احد
قال ولدي موجود
قلت وينه قال حطني وقال لي خلص الاوراق وانا بروح اجيب فطور
لاحظوا ان انا توجهت لهالرجال بعد مرور ثلث ساعه يعني لو انه بيروح لبيتهم كان امداه رجع..
علما بان جنب الجوازات 60 كافتيريا ..
وقعد يكلمني وهو يصيح يقول ماعاد احد فاضي
كل اولادي مشغولين
لايودوني ولايجيبوني
قلت له الله يعين..
رجعت لكرسيي جنب ابوي :24ar:
بعد وقت مهب طويل مسك هالعم قلبه وبدا يتألم بس بصمت
شوي الا الرجال قفل عيونه وايده على قلبه ولاعاد تحرك
رحت له ياعم ياعم !!!
ماااااااااااايتحرك ابد
خفت
رحت للناس اللي برا قلتلهم تعالوا في واحد مريض
كل واحد يقول لخويه يابوي مريض.. وش تروح.. تبلش عمرك معه..انت صاحي؟!!!!!!!!!!!!!!!<
ياهوه ياناس ولاااااااااا احد تحرك
رحت لاقرب عسكري قابلني الا جاء وشافه قال ماقدر اسوي شي
بغيت انهبل
رحت برا الجوازاات لقيت 2 واقفين ومعهم اوراق يعبونها
اعمارهم في الثلاثينات قلتلهم كيت وكيت وكيت جو ركض وشالوا الررجال ووقفوا تاكسي وخذوه وراحوا ..
جزاهم الله الف خير
ماعندي اسألة محدده ابي اجابتها ابيكم تتكلمون بشكل عام
وتلتفتون
لولد هالرجال اللي راح يجيب فطور ولاعاد رجع!!
لشباب الجيل اللي نقول ان الخير فيهم وكل واحد سحب نفسه وراح!!
للعسكري!!
للاثنين اللي خذوا الرجال !!
مواقع النشر (المفضلة)