[frame="7 80"]
,,
,,
هـبت نسايم غيبتك وأبداخلي مشهد أخير
سؤال مات من الضما يطرد سراب الاجوبه ؟
من قطع أوراق اللقـا وأخفا ملفات الضـمير
((ومن هو مسح عهد الهوى قبل الحقيقه تكتبه))
ومن هو سرق ضحكة أمل من مبسم الطفل الصغير
وأهداه لعبه للاسف فيها ملامـــــــح مرعبه
وش حيلتي راح القليل اللي عثا فيني كثير
وطاحت بقايا دمعة ٍفي وسط عيني معشبه
القلب ذاك اللي يحبك صار يبحث عن مصير
مرات يشرب حسرته ومليون مره تشربه
ضامي فرح عاري أمل من يطعم القلب الفقير
من هو يضمه قبل ما ريح التجافي تسكبه
وأنا آتسكع في شوارع غيبتك مثل الضرير
والوقت بغيابك أعده بالثواني واحسبه
جيتك أدور من ضما روحي وسط عينك غدير
جيتك وانا كلي فرح والحزن سايق موكبه
ماجيت أدور حب عابر أو أدور شي مثير !
ولا جيت أدور ، دور في فلم المحبه ألعبه !
يا دنيتي لا تسألي ثوب الفرح وشبه قصير
ولاتسألي عيني عن اجفاني بلاها متعبه
قولي تر ى ذاك الألم ياخذ من أحساسي كثير
وقولي ترى ذاك الحزن ياخذ من أعيوني شبه
لو طفت هالعالم أحس أني وسط عينك أسير
لني لقيت ابها جميع الأسئلــه والأجوبه
احتراماتي $222
[/frame]
مواقع النشر (المفضلة)