[align=center]
السلام عليكم ورحمة الله وبركاته
حروف متواضعه واتمنى ان تنال على اعجابكم
[rams]http://www.naseemalrooh.net/ali1/55.ram[/rams]
الشكوى لله
[/align]
[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
لو شفت حالي عقب فرقاك وشلون=ماودّي اشرح لكن الشكوى للّه
معك السعاده سافرت واظلم الكون=ووجيه خلـق الله عقبك مملّه
لا للفرح في دنيتي شكل لا لون=وقتي عليّه سيف الاحزان سلّه
قلي وش اداري من جروح وطعون=وعيون تسهر لجلك الليـل كلّه
ولا الهموم اللـي لحالـي يعـزون=ولاّ فـؤاد فيـه تسعيـن عـلّـه
ولا العواذل حولنـا وش يسـوون=ناس ٍ تفـرّق بيـن خـلّ وخلّـه
ولا الزمن والحظ من دون في دون=وميلات بقعى زادت الطيـن بلّـه
والمشكله واللي مع اوجاعي تهون=عزيز قـومٍ جايـر الوقـت ذلّـه
اخطي؟ صحيح وباقي الخلق يخطون=راع المحبّـه دايـم ٍ فيـه خـلّـه
حتيش لو فيّه عيونـك يشوفـون=خطاي وتحاسب على كـل زلّـه
لو شفت عيني تنظر لكل مزيـون=لا تحسبـنّ الحـب ريـق ٍ نبلّـه
لالاولا تسرح وتسريبك ضنـون=وانته لقلبي يامنـى الـروح ظلّـه
لوشفتني بعيـون قلبـك يمـارون=ويصحى ضميرك والمشاعـر تدلّـه
لاتصدق العذّال واللـي يقولون=لاشفتنـي تشهـد جميـع الادلّـه
حتيش لو عنـي يقولـون مجنـون=طفلٍ غريـر وزايـد الـود تلّـه
لو البشـر خانتـك والله ماخـون=حبّك وشق القلـب تلقـى محلّـه
منه المشاعر والاحاسيس يبكـون=والشوق منّي شامخ الدمـع هلّـه
يامعذبـي .. بالله بالهـون بالهـون=روحي معك من ظلمنا مضمحلّـه
بالله ما حسيـت يافتنـة الكـون=فأنـواع تعذيبـك بدقـه وجلّـه
شفني هنا وهناك وهنـاك محـزون=ياللي عقـدت الحبـل لازم تحلّـه
ولو مرّت الذكرى ثوانـي يهلّـون=طفلين في قلبك تحسـب الاهلّـه
اعوامهم ستّـه ويمكـن يزيـدون=عاشت رغم جور الزمن مسفهلّـه
وقّف على الاطلال والناس يوحون=نصرخ بصوتٍ واحد الشكوى للّه[/poem]
[align=center]
وسلامت قلوبكم
اخوكم
بدر بن تركي
[/align]
مواقع النشر (المفضلة)