بس خمس دقايق من وقتك ياغالى..
:45ar:
السالفة وما فيها أبي خمس دقايق من وقتك الغالي ياغالي ...
وإذا ما عندك وقت خلاص قفل الموضوع ومتى ما فضيت إقراها وإنت هادي ورايق
ومركز زين زين ...
أرجوك تقرا هذا الموضوع إلى الأخر .. وتأكد إنت المستفيد وراح تحس براحه
رهيبه :
شوف حبيب قلبي .. أكيد إنك شايف الناس هالأيام كيف قاعدين يسعون ويتفننون في
طلب الرزق .. هذا راح يأخذ قرض ودخل بالأسهم وهذاك طول يومه بمعارض السيارات
والثاني أحترق وجهه بالصناعية وهذاك طاحت عيونه من كثر ما درس وسهر وتعلم .. وهذا
ما عاد شاف أهله من كثر ما يدور بالمخططات والمساهمات العقاريه .. و و و و و .. وبصراحة
ما أحد يلومهم .. الكل يبي رزقه يكثر وينبسط بحياته ...
بس فيه شغله ناس كثير جدا جدا ما فكروا فيها .. حتى أكبر العقليات الإستثماريه مجت على بالهم إلا
من رحم ربي .. يقول الله سبحانه وتعالى [ فقلت استغفروا ربكم إنه كان غفارا * يرسل السماء مدرارا
ويمددكم بأموال وبنين * ويجعل لكم جنات ويجعل لكم أنهارا * ] ..
الإستغفار : يا ناس يا عالم الإستغفار سبب رئيس لأشياء حلوه في حياتنا .. أشياء ياما و ياما تمنيناها ..
من فينا مايحب المطر ..؟
من فينا مايحب المال ..؟
من فينا مايحب يكون عنده أولاد وبنات ..؟
من فينا مايحب يعيش بوسط جنات وأنهار في الحياة الدنيا ..؟
هذي كلها أشياء خيالية .. من جد خيالية .. وماهي صعبة ولا مستحيله على رب العالمين سبحانه ..الله قادر
أنه يحققها لنا .. بس إذا حققنا المطلوب منا .. وش المطلوب منا ..؟
شي واحد وبس .. ولا أسهل منه .. ( الأستغفار ) والإكثار منه .. طيب والنتيجه ..؟
أنا أقولك النتيجه :
النتيجه عسى ربي يحفظك ويسلمك إن الإستغفار سبب في نزول المطر (بإذن الله ) .. وسبب في زياده الرزق وبالعربي
زياده المال .. وسبب في إن الواحد منا يرزق بالذريه الصالحه إن شاء الله (البنين) .. وسبب في تحول أراضينا إلى
جنات وأنهار .. وسبب في غفر الذنوب (بإذن الله ) .. وهذا مو كلامي ولا كلام الشيخ ....أو المطوع ..... أو
الداعيه ..... لا هذا كلام الله سبحانه وتعالى ..
الله الله في الإكثار من الإستغفار ..( استغفر الله الذي لا إله إلا هو الحي القيوم وأتوب إليه ) ..
استغفر الله .. استغفر الله .. استغفر الله ..
"ولا تنساني من دعوة صادقة في ظهر الغيب "
مواقع النشر (المفضلة)