هلا اخوي ملك العشق ..
اول شي ليش تقول قويه سته صفر الهلال فريق كبير انت كذا تستهين بالزعيم وحنا كلنا عارفين من الزعيم ..
لاكن انا معك ان الاتحاد ايضا نادي كبير ومن الصعب انك تسجل عليه .
ثاني شي الاتحاد كيف فاز في مباراة الذهاب ، كلنا نعرف انه استغل اندفاع لعيبة الهلال بعد تسجيل الهدف الاول لمحاولة تعديل النتيجه ولاكن كان كالديرون أذكى من كوزمين .
فكان يوجه لاعبيه باللعب عالهجمات المرتده والكرات العاليه .
ففعلا استفاد الاتحاد وسجل هدفين في آخر الدقائق لاستغلاله اندفاع فريق الهلال .
والطريقه هذي ممكن يكررها الزعيم في مباراة اليوم .
فأكيد الهلال ماراح يكرر نفس خطاه في مباراة الذهاب وراح يكون فيه توازن بين الدفاع والوسط ولا راح يكون فيه اندفاع قوي من قبل لاعيبة الهلال واتوقع ان الاتحاد راح يلعب عالهجمات المرتده السريعه لوجود لاعب سريع جدا مثل الحسن كيتا .
واقولك مباريات الكبار ليس فيها مستحيل ((والكبار دائما لايسقطون بسهوله )) .فالهلال يكفيه فقط ثلاثة اهداف لمعادلة النتيجه وهذه ليست بالصعبه في ظل الروح المعنويه العاليه في الطرف الهلالي واستغلال الظروف اللتي يمر فيها الاتحاد كون ان خط الظهر الاساسيين موقوفين عن المباراة والزج بدل منهما باللاعب رضا تكر الذي اعتبره ومن وجهة نظري لاعب (( يمرش )) ويمكن يجيب العيد ويطرد لكونه لاعب خشن . وسوف يلعب بجانبه احد لا عبي الفريق الأولمبي ..
فما المانع من فوز الزعيم على العميد مع اني اقول ان عامل الارض والجمهور لهما دورهما الفعااال ..
وآسف على الاطاله وهذه وجهة نظري الخاصه اتمنى منك ياملك العشق ومن المشاهدين تقبلها بكل صدر رحب .
وبالأخير نقول ان فاز الاتحاد قلنا له مبروك واذا فاز الهلال فبطبع جماهير الاتحاد ستقول مبروك ..
مواقع النشر (المفضلة)