ود القلوب ...........خاص......
[frame="7 80"][glow=#FFFFFF]---------------------------إهــــــــــداء للغاليــــــة-----------------------------------------
صباحكـــم... سكــر ,,
0
0
متواضع واتمنّى ان تنال استحسانكم
0
0
0
0
نفـس ذاك المكـان ونفـس ذيــك الـزوايـا
ونفس وقت الغروب اللي غدى في سماي
****
ونفس ذيك الذنوب ونفـس روح الخطايـا
عـوّدت لـي ذنوبـي تنحسـب مـن خـطـاي
****
ونفـس ذيـك العلـوم ونفـس ذيـك الخفايـا
لا طــرت فــي خيـالـي زاد فيـنـي شـقـاي
****
آتـذكــر لـقـاهــا لــيــن شــفــت الـبـقـايـا
اتـوجّــد علـيـهـا واكـتـمـه فـــي خــفــاي
****
اذرف دمــوع عيـنـي لا ذكــرت الـهـدايـا
وليـن شمّيـت عـطـره زاد فيـنـي عـمـاي
****
آتـذكــر عـيـونـه وردع ذيــــك الـشـفـايـا
بعثـرتـنـي سـهـومـه وفـقّـدتـنـي قــــواي
****
آتـذكــر شــفــاه وكــــل ذيــــك الـحـكـايـا
مـا ملـك قلـب روحــه بالوسيـعـه ســواي
****
قـدّه ورمـش عينـه هـي طعـون الضمـايـا
هي غناتـي وروحي..اصبحـت هـي منـاي
****
كامـلـه فــي حـلاهـا غـيــر كـــل الـبـرايـا
عاشـقـه كــلّ كـلّـي وزوّدت بــي ضـمـاي
****
عشقـهـا تــلّ قلـبـي زابــن(ن) بالحـنـايـا
عشقهـا تـلّ روحـي..ويـن مقْـفـي مـعـاي
****
مــن تولّـعـت فيـهـا عـفـت كــل الصبـايـا
وكـل عــذرى جميـلـه مــن بعَـدهـا وراي
****
ليت مـن هـو عذلنـي زار حـوض المنايـا
جعـلـه يغـيـب عـنّـي قـبـل يقـبـل مـسـاي
****
((لعـنـبـو هالـمـحـبـه ولـعـنـبـو هـالـزوايــا
وحسبي الله علـى اللـي لامنـي فـي وفـاي
****
ولعـنـبـو هـالـذنـوب ولعـنـبـو هالـمـطـايـا
لعنبوهـا ذنـوب(ن) تعتـرض فـي خـطـاي))
****
تبـت انـا لـك ياربي..تـبـت مــن هالبـلايـا
تبـت مـن كـل ذنـب(ن) حـال عنّـي هنـاي
****
ولـو هواهـا ذنــوب ولــو غـلاهـا خطـايـا
ارحـبـي يالخطـيّـه وزوّدي فـــي شـقــاي
****
((والله انـــي ابـيـهــا ورب كــــل الـبـرايــا))
انـهــا هـــي الـبـدايـه وانـهــا مـنـتـهـاي
****
((وبلّـغـوهـا سـلامــي)) واكـثــروا بالـتـحـايـا
ولا تــردون عـنّـي شوفـهـا فــي عــزاي
**** ****
وسلامتكم
اهـــــــداء للغاليـــــــــــــــــــــــة
((( ود القلــــــــــــــــــــوب))) من كل احترامي لك............؟[/glow][/frame]
مواقع النشر (المفضلة)