[ اللقيطــه ] ونظرة المجتمع لهــــا!!!!

[وليفة الروح]

السلام عليكم

مساء الفل

كل الناس عندهم هموم ومشاكل اللي فقد انسان غالي واللي فقد ناس غالييين

ونحنا ونكبر السالفه ونعيش في هم


لو شفنا اللقطه او سمعنا عنهم من جد نحس بنعمه

اللقطه الكل يعرفهم

رموهم اهاليهم واتبرو منهم من غير ذنب للطفل

الطفل ماله ذنب باللي يصير وماندري ليش رموه الاهل


الصراحه لو نشوفهم قلوبنا تتقطع

مره قبل اسبوع بالجامعه جابو بنات الرعايه ويتكلمو عن اللي سووه وليش هم بالرعايه

وانا ماحضرت لانو كان عندي محاضره

المهم دقت عليا بنت عمي قالت لي اللي صار تقول جابو لقيطه وهي كانت تدرس يالجامعه قبل وتركت الجامعه

لضروفها النفسيه تشوف البنات تتعب زياده

الصراحه شي يدمي القلووب


هاللقطه مالهم ذنب باللي يصير

يتحملو ذنب اخطاء غيرهم


هنا دائمأ اتسأل


البعض يتبنى يربي له لقيطه ولما تكبر يقولو لها انتي لقيطه تتوقعو هالشي لازم يقولو لها ام لا؟


ايش السن اللي المفروض يقولو لها هالشي؟

ليش المجتمع مايحبهم ؟


اكثر اللقيطات واللقطه مايتزوجهم غير يتيم او سكران او اللي عندهم حالات نفسيه؟


هل هو شي عادي انو الواحد حالته الاجتماعيه طيبه يتزوج لقيطه ويحتسب الاجر عن الله؟

ولا هالشي غلط في نظركم؟

[نسمة الكويت]

مساءج ســكر

اللقطاء ظاهره أصبحت منتشره للأسف
والسبب الزنا والانجاب الغير شرعي

انا لما اشوف ياهل بالسوق أو بالجمعيه يبجي يدور امه وربي يكسر خاطري وتخنقني العبره
عيل لو اشوف لقيط شنو تصير حالتي لانه ماله ذنب بحياته

بالنسبه للأسئله

البعض يتبنى يربي له لقيطه ولما تكبر يقولو لها انتي لقيطه تتوقعو هالشي لازم يقولو لها ام لا؟
من وجهة نظري افضل مايقولون لهم
بما انهم تبونوا هاللقيط يعني اهما أهله ومسئولين عنه
ولو نفرض انهم قالوا للقيط راح اللقيط يحس بالغربه والوحشه بينهم
أو يمكن يتصرف بأعمال عدائيه تضره وتضر اللي تبنوه


ايش السن اللي المفروض يقولو لها هالشي؟
انا قلت ماافضل يقولون لها



ليش المجتمع مايحبهم ؟
من قال أالناس اجناس
وانا وحده من الناس لو شفت أحد منهم أو غيرهم أعاملهم عادي
المشكله أن عندنا عقليات متخلفه بمجتمعنا وماعندها منطق بالتفكير
و بعضهم مايدرون وين الصح وين الغلط هذي المصيبه


اكثر اللقيطات واللقطه مايتزوجهم غير يتيم او سكران او اللي عندهم حالات نفسيه؟
هذي اهنيه المشكله
أصعب مرحله على اللقطيات هي مرحلة الزواج لان الزواج فيه اساسيات كثيره واكثر شي تعتمد على الاهل ومايدرون شنو الامهم أو أبوهم 00 ويمكن ياخذون ويتوارثون منهم صفات سيئه 00
وعلى فكره مو شرط بس يتزوجهم اليتيم أو السكران أو اللي فيه مرض نفسي
في اشخاص اذا حبوا انسانه وعرفوا أخلاقها وربي مايتنازلون عنها ويتزوجونها
مو شرط هالنظريه
** هذا السؤال أتوقع اللي يقدرون يجابون عليه الشباب مو البنات
عشان نعرف وجهة نظرهم بهالقضيه


هل هو شي عادي انو الواحد حالته الاجتماعيه طيبه يتزوج لقيطه ويحتسب الاجر عن الله؟
ولا هالشي غلط في نظركم؟
من وجهة نظري مو عيب فيها اجر من رب العالمين يستر على هالبنت
لان وضع اللقيطات وربي صعب
الله يكون بعونهم 00 والله يصبرهم على حياتهم
لا حول ولاقوة إلا بالله العظيم

تسلمين عالطرح

[(دمعــــــــــــه)!]

البعض يتبنى يربي له لقيطه ولما تكبر يقولو لها انتي لقيطه تتوقعو هالشي لازم يقولو لها ام لا؟
بعضهم يكون عندهم ضمير وبعضهم يستكرهونهم لانهم يعتبرونهم ولاشي بدنيا


يحسسونهم ان وجودهم غلطه هو صحيح انهم غلطه بس مالهم ذنب انهم صاروا اللقطاء


هم بريئن من جرايم اهليهم ونظرة الناس ماتعترف فيها ابدا

بالغلط تشوفين ناس طيبين يتبنونهم ويعيشونهم بأحلى عيشه

والعكس لا ,,

لايعرفها مجتمعنا ابدا

ايش السن اللي المفروض يقولو لها هالشي؟
انا افضل مايقولون لهم ابدا علشان ماتنجرح مشاعرهم

حرام كسر بخاطرهم اوانجرهم

ليش المجتمع مايحبهم ؟
للأن الناس اجناس فيهم اللي يقبلهم وفيهم اللي مايحبهم

لان عندهم بالمجتمع مصيبه في اتعارف عليهم !

بصراحه انا نظرتهم مااتحملها يعورون قلبي عليهم

اكثر اللقيطات واللقطه مايتزوجهم غير يتيم او سكران او اللي عندهم حالات نفسيه؟بصراحه لانهم مايجدون في مجتمعنا من يتقبلهم ويعيش وياهم بس فيه

ومايلقون اللي مثل حالتهم وبصراحه بعصب بتكون معيشتهم

وهاي وجهة نظري

[حبيبتي حطمتني]

السلام عليكم ورحمة الله وبركاته

هلا والله فيك أختي الغالية

وليفة الروح

في البداية تشكرين على هالطرح المهم

البعض يتبنى يربي له لقيطه ولما تكبر يقولو لها انتي لقيطه تتوقعو هالشي لازم يقولو لها ام لا؟

لا أكيد وش ذنب هذه اللقيطة أو هذا اللقيط أن يعرف

تلك الأشياء المؤلمة .. لو كان آباءهم وأمهاتهم يريدونهم

كان ما تركوهم .. المفروض خلاص يخلونهم يعيشون حياة

جديدة و لا داعي لـ فتح الجروح .. بأشياء لا فائدة منها .

ايش السن اللي المفروض يقولو لها هالشي؟

أنا أرى أن من الأفضل عدم أخبارهم حتى لا يتحطموا

ليش المجتمع مايحبهم ؟

لأن المجتمع ما يفكر الإ بما فعله آباءهم وأمهاتهم لذلك هم يقسون

على هؤلاء الأطفال اللي مالهم ذنب بما حدث .

اكثر اللقيطات واللقطه مايتزوجهم غير يتيم او سكران او اللي عندهم حالات نفسيه؟

ليش يعني بالعكس مافي شيء يجبرهم على ذلك

أكيد ربي بيعوضهم خير لأنهم عانوا الكثير .

هل هو شي عادي انو الواحد حالته الاجتماعيه طيبه يتزوج لقيطه ويحتسب الاجر عن الله؟

ولا هالشي غلط في نظركم؟

المجتمع خلاه صعب ولا أنا أشوفه أنه شيء عادي يكفي أن

ربي بيبارك في هذا الزواج لأنه قائم على شيء مميز .

لاهنتي على هالطرح الحلو

دمتي بحفظ لله ورعايته

[غزال ومـا يصيدونـه]

البعض يتبنى يربي له لقيطه ولما تكبر يقولو لها انتي لقيطه تتوقعو هالشي لازم يقولو لها ام لا؟



المشاعـر شيء والدين شيء آخـر مختلف مافيه جدال


انا معك مالهم ذنب وانهم يجنون الحين ذنب وخطى ابائهـم


لكن لازم يعرفون هذي ما يبيلها اراء وتوقعات


اللقيط وهو صغير عادي موب شرط يعرف لكن اذا وصل لـ سن النضج وكانت هالعائله


عندها بنات مايجوز له يكشف عليهم لإنه ماهوب محرم لهم والبنت نفس الشيء مايحلون لها


ولو قلنا ان هالعائله كلها ذكور واللقيط ذكـر نفس الشيء ( الأم ) اللي ربته ماراح يكون محرم لها


ونفس الشيء في حال كانت اللقيطه بنت والعائله ماعندهم غير بنات الأب ما راح يكون محرم لهـا


لكن .. فيه حاله وحده بس اللي هي حالة الرضاعه كون ان الأم ترضع هالطفل مع اولادهـا


في هالحاله يكون ولدهم بالرضاعه لكن يكون له اسم مستقل ما ينسب لهـم


لـ قوله تعالى ( ادعوهم لأبائهـم هو اقسط عند الله ) سورة الأحزاب


يعني في كل الأحوال لازم اللقيط راح يعرف وهذا هو شرع الله


لاهنتِ على هالطـرح $222