ارجو الرد بسرعهــ اسعدكم الله بكل خـــــــير؟؟؟

[بنت الجوف]

مرحبا..
اخواني واخواتي.. أعزائي لااملك سوى دعوة لكم في ظهر الغيب لكل من ساعدني في مشكلتي..
واتمنى ان لاتبخلوا علي بالردودكم واستشارتكم لكم مني خالص الود والاحترام..


انا ولله الحمد تمت خطبتي الان من قبل شخصين وانا محتاره فيهم مع العلم انني خائفة جدا من رفضهم لي كما سبق ولكن الامل بالله .. الاول: مطلق ولديه طفلة في الرابعة من عمرها مع والدتها مدخن من نفس ديرتي التي انتمي اليها وقبيلتي متعلم يبلغ من العمر35 سنه ولد اغنياء
.. والاخر.. مدخن واصغر مني بسنه يعني 25وليس من ديرتي ( قريتي) اعزب راتبة لايتجاوز 60000 الاف ريال ليس معه غير شهادة الثانوية العامه يشتغل في قطاع حكومي..

كلا الشخصين لااعرفهما ولكن انا محتارة .. جدا مع العلم انهم لم يروني بعد فمن اختار؟؟؟؟؟؟؟؟؟؟؟؟؟؟..

جزيتم خيرا واسكنكم الله فسيح جناته جنة الخلد..

[..°«¸نورمينا ¸»° ..]

والله مدري ايش اقولك بنت الجوف
فعلا يحقلك تحتاري

بس لو انا منك بصراحة
مااوافق على الاثنين

اولا المطلق شي طبيعي راح تكون بينكم مشاكل بعد فترة
وراح يقارنك باللي قبلك وماتدري ايش سبب طلاقه للاولى
وفوق هذا عنده بنت وماتدري ايش يصير
بكرة يمكن زوجته تعرف بانه اتزوج ومكايدة فيه ترمي عليه البنت
وانتي راح تتحملي المسؤلية وبتصير مشاكل مالها اول ولا اخر
على تقصيرك الواحد يشوف بالاسباب

والثاني اصغر منك وشي اكيد بيقعد يعايرك في سنك وانك اكبر منه
حتى لو كان بينكم سنة
يعني لاتاْمني الرجال

اهم شي يالغالية تساْلي عن اخلاقه صعب توافقي على شخص
ماتدري عنه الا هاذي المعلومات بس ترى مو كافية انك توافقي
او ترفضي


شوفي يالغالية في موضوع الزواج اهم شي وقبل كل شي الاستخارة
استخيري الله مرة ومرتين و3 و4 وشوفي في قرارة نفسك
انتي ارتحتي لمين
اذا شفتي انك حاسة بضيقة ومنتي مرتاحة لاحد فيهم
نصيحة لاتوافقي ترى هذي حياتك ومستقبلك
ومالك الا انك تلجئي لرب العالمين وهو اللي بريحك
والله يوفقك ويسعدك يارب

[نسمة الكويت]

أفضل شي لج

صلي صلآة الاستخااره

لاني مااقدر انصحج بواحد منهم وأنا مو عارفه عن شخصياتهم وظروفهم

نصيحتي ===> صلاة الاستخااره


والله يوفقج
ويرزقج بولد الحلال اللي يقدر الحياة الزوجيه

[وحده من بين خلق الله]

مساتس الله بالرضا

اول شي ع اي اساس تستخيرين وانتي ما وصلتس علم عنهم منتب حاسه بأي شي..


شوفي لازم اهلتس يسئلون عن الصلاة اولا ً ثاني شي عن الأخلاق


وبالنسبه للمطلق .. خلي يا ابوتس ولا اخوتس ياخذ رقم اهل مرته .. وصدقيني لا تتوقعين بيقولون لتس محاسنه بس اقل شي تعرفين عن الأخلاق .. لا بيقولون سوا وحط وفعل وشال ..

بس اسئلي عن الأخلاق .. ومممممم وصدقيني الرجال اصرف من الحريم بهالأمور يعني موب حريم اللي يتدخلن خلي رجال ..


ثالث شي : خلي أمتس تسئل أمه وتقول ( انتي لك بنات ومقبلات ع زواج .. اذا كان قصده يأدب

مرته الأولى فيني فـ قولي لي واسئلي ولدتس هل جازم بطلاق الأولى ولا لا .. وان كان بيجيب بنته

عندتس فـ حتسبي الأجر يا خيتي بهاللشي .. ولا تحطين ببالك انه بيقارن بينكم هالكلام موب صحيح

جايز ربي طلقه من هذيك عشان يكتبه من نصيبتس انتي .. )


اللي كاتبه لتس ربتس بيصير .. هاذا الأول


الثاني خيتو :: له إيجابيات بس برضو اهم شي الصلاة والأخلاق .. ابتلو انشدو واجد :)


عقبه .. لا تتوقعين ان فرق سنه بيأثر بعلاقتكم .. وحده من خوياتي مابقى احد ما خطبها وسبحان الله

النصيب اخذت هاللي اصغر منها ومبسوطه معه بالحييل مشاءالله :)


حبيبتي لا تتوقعين الحياة الزوجيه كلها بتصير رخا وسعاده وجنة ورديه لا ياعمري اكيد بيصير فيها هواش وهويش وممعاط شوش >> تعبير مبالغ الي بكره


ومثل ما قالولتس البنات : استخيري اربع خمس مرات واللي كاتبه ربتس لتس بيصير

اتمنى وصلت فكرتي لتس ..


الله يسعدتس ويستخير لتس الصالح .. ويهدي بالتس وسرتس

ولا يغيب عن بالتس لحظه ان بغيتي السعاده بالدارين .. حطي ربي بين عيونتس بكل شي :: حتى ان كان بيجيب بنته تربينه عندتس .. صدقين بيحطتس تاج فوق راسه ..



أخيتس > انا

[الطلة البهية]

هلا وغلا خيتوووووووووووووو ..



اول شي مبررووووك الخطبة صبرتي ونلتي والله يكتب لك ما فيه الصالح والخيرة ..



<<< حدها فرحانه ..



لا تخلين تجربتك السابقه تخرب عليك فرحتك و تشوش تفكيرك والحمد لله انتم انفصلتوا في البدايه قبل لا ملكه ولازواج غيرك اسوء حال منك ولم تشكل تلك العقبه الكبيره في تفكيرهم ، تعوذي من ابليس دوووبيه وخلي تفكيرك ينصب في التفكير الجدي في المتقدمين ..



اول شي خلي ابوك واخوانك يسألون عنهم بشكل جدي واللي ميزاته افضل استخيري الله والله يكتب كل خير يارب ..



اما بالنسبة للمواصفات اللي طرحتيها صح مهمه بس نسيتي اهم شي شخصيتة واخلاقه ودينه انا ارى انها اهم شي وهي اللي ينبغي التركيز عليها ..



بالنسبه للي طرحتي هذا رايي حولها ..



• المطلق ..



انه من نفس قبيلتك رابي على عاداتك وتقاليدك يقلل من التصادم بينكم ..



انه ميسور ماديا برضوا نقطه حلووووه ..



انه من ديرتك برضوا حلوووه ويضمن لك انك تعيشي بالقرب من اهلك ولا تبتعدين عنهم ..



اما كونه مدخن و مطلق وعنده بنت من زواجه الاول يخليك توقفين شوووي ..



مدخن هل عادي عندك امر ان يكون زوجك مدخن ؟!



اما بالنسبه للطلاق عمر الطلاق ما كان عيب بالعكس يمكن يكون رحمه لكلا الزوجين ..



اطلبي من اهلك السؤال عن سبب الطلاق واذا كان مقنع ومنطقي فلا ضرر بالزواج منه ..



اما بالنسبه لكونه عنده بنت من زواجه الاول فمن البداية ضعي في بالك بانها يمكن ان تاتي للعيش عندكم وتقومين بتربيتها فاذا عندك القدرة على ذلك حلوووو او اشرطي بالزواج مالك دخل فيها <<< بس تراها قوية *_*



• اللي اصغر منك سننا ..



انه اعزب شي حلوووو ..



راتبه يكفي لفتح بيت هذا غير انه في وظيفة حكوميه يعني تعطيك امان واستقرار في المستقبل ..



اما بالنسبة لشهادته ما تهم الا في مجال توظيف اما في مجال الحياة لاتهم لانه يمكن و واحد حاصل على اعلى الشهادات وهو داج واحد ما معه الا شهادة متدنية ومع ذلك عنده من الوعي والثقافة الشي الكثير ..



اما بالنسبة فارق السن اللي هي اهم عقبة فبغض النظر عن العقبه المعروفه في هذا الشي لازم ان تكوني عندك القدره على مواجهة المجتمع و توقفينهم عند حدهم في حال تجاوزهم الحدود يمكن انتي وزوجك راضين بهالشي بس كلام الناس يجرح لازم يكون عندك القدرة على تحمل كلامهم و توقيفهم عند حدهم ..



انه ليس من ديرتك برضوا عقبه في حال عدم قدرتك على الابتعاد عن اهلك اما اذا كان عاتي فتصبح شبه عقبه ..



في الاخر هالمعطيات غير كافيه للحكم عليهم في اشياء مهمه غير معروفه انصحك خيتووو تطلبي من احد اخوانك البحث الحثيث عنهم ويجيب مواصفات كل واحد على حده و قارني بينهم وصاحب المواصفات الافضل صلي صلاه استخاره واطلبي ربك ان يكتب لك ما فيه الصالح والخيرة ..



اخر شي زي ما قلت قبل لا يرغمك وضعك الذي تعيشينه على الاستعجال في موضوع الزواج والقبول به على اي وضع كان فكل الامورعاتي الاستعجال فيها الا هالموضوع التأني فيه مهم جدا لانه مو عشره يوم او يومين عشره عمر ..



من القلب الله يوفقك دنيا واخرة ولا تنسين تبشرينا بالاخبار الحلووووه ..



تقبلي مروري



الطلة البهية ..