..:: الــمـــجـــآمـــلـــة::..

[merci]

السلام عليكم ورحمة الله وبركاته..



::


//


::




الله فسستانك حلو من وين جايبته..؟؟


بالمآرهـ رآيق وحلو شكله غآآآآآلي..


وتروح البنت..

وعععععععععععععععع..

شفتي أستغفر الله وش لابسة..!!؟


وربي لو يعطوني اياه ببلاش ماخذت هالقرف اللي لابسته..

::


//


::


موضوع جديد..


قصيدة جديدة..


أحدى الردود..


الله ماهذا الإبداع الأكثر من رائع..


منذ دخولي شبكة الإنترنت لم أقرأ إبداع مثل هذا الإبداع..


وفي داخله يقول..


الله بس يخلف على أم جابتك من اللي لاعب عليك وقايل لك إنك شاعر


::


//


::


آخر نموذج..


تصميم نزلته قبل فترهـ..

طبعاً للأمانة العلمية أنا إنسانة ما أدل درب الفوتوشوب ولا أعرف طريقة

وبما إني كنت ناوية أنزل الموضوع هذا وأكتبه..

قلت خل أسوي نموذج بـ نفسي من الواقع أستشهد عليه..

طبعاً التصميم أقل مايقال عنه كارثة من ناحية السوء

بس اتفاجأت إن أغلب الردود تمدح في التصميم..!!!

::


//


::


بإعتقادكم...

ماسبب إنتشار المجاملات بـ هذا الشكل في حياتنا اليومية..

لدرجة إن الشخص مستحيل يمر عليه يوم مايجامل أحد..!!؟؟

[!..أنفاس الفجر..~]

جنون حلم...
مساءك عطر...يالغلا
اخيراً رأى الموضوع النور ...
انا قولك رأيي بكل صراحه..!!
الآن للاسف في عصرنا الحالي مااحد صار يتحمل الصدق..!!
أصبحت المجاملة ضرورة ...وهامه..مااقولك في كل امورنا الحياتيه..!!
لكن هناك مواقف يجب فيها المجاملة..!!
سبق وقلت لك..وبكرركلامي بالنسبة لتصميمك..يمكن اللي علقوا..وردوا..
رأوا أن من واجبهم يشجعونك..ويمدحوونك..مادروى انك مسوية مقلب ..
لأن ممكن لو مثلاً قالوا الصدق والصراحه..
وكانت اللي منزله التصميم مو انتِ..يمكن تزعل وتضايق وتقول حطمتوني وتحرم تدخل المنتدى..!!
الآن يالغلا اصبح هناك مايسمى {بثقافة وفن المجاملة}...يعني اصبح الكثير يستخدمها ..
المجامله المطلوبه أن تجيد الحديث مع الناس بطريقه لبقه محببه ألى أنفسهم محاولاً أظهار الصفات الحسنه التي يملكونها ،،تحاول أن تتقرب من الآخرين..وتجذبهم اليك..وأنا ماارى ان هالشئ مضر أو مرفوض بالعكس..طالما ..انك هدفه سامي..ونبيل لا مانع من المجامله الهادفه !!
الا في حال انقلبت هالمجامله..الى نفااق اجتماعي..بحت!!
مثل ترقيه موظف لا يستحق..او شهرة شاعر لا يعرف القوافي...اوكاتب اصبح مشهور وهو أميّ
في هذة الحاله يجب أن فعلاً نقف لهذة المجامله بالمرصااد..ونمنع انتشارهالأنها اصبح كالداء العضال يجب القضاء عليه..!!
طرح راقي ...تشكرين عليه..لك:25ar:
وتظل هذة وجهة نظر وداعاً للحب

[merci]

وداعاً..

شفتِ كيف..

من آثآر العيد بالإختبار اليوم قررت أنزل الموضوع خخخخخخخخـ

طبعاً برد مثل ردي اللي قلته لك ^_^..

شوفي يآقلبووو بالنسبة لتصميم بإعتقادك هل الشخص رآح يرتقي بهالأسلوب..؟؟

بالعكس أنا ما أقول حطمي..

أقول أنقدي..

فيه فرق كبير بين النقد البناء والنقد الغير بناء..

يعني أنقدي بس عطيني دفعه لايكون كل الرد مجاملة وإن التصميم وآو وكسر الدنيآ ^_^..!

يعني ثقافة وفن المجاملة المفروض اللي يستخدمها يعرف إن فيه شي أسمه أبداء رأي لو بالقليل..

الحال الحين أنقلب من مجاملة إلى نفاق إجتماعي..

عزيزتي..

في البداية نجامل بـ شغلات صغيرهـ..

نلاقي مع الوقت إننا صرنا نجامل في أشياء كثيرهـ المفروض مانجامل فيها..

وداعاً..


وجودك زاد موضوعي جمال..

أشكركِ من أعماق قلبي على هذا الحضور الأكثر من رائع..

دمتِ بود عزيزتي..

[غزال ومـا يصيدونـه]

مساء الخير


جنون حلم وش هالمقلب الله يهداك بس ^_^


شووفي المجامله احياناً تكون مطلوبه واحياناً مرفوضه


وطبعاً هذي يعتمد على حسب الموقف اللي يتطلب إبداء رأينا فيـه


يعني مثلاً كنا في عرس وجاتني بنت كاشخه على الآخـر وجات تسألني


وش رأيك في فستاني أو شنو رأيك في مكياجي ..؟!


في هالوقت حتى لو انا ماهوب معجبني مكياجها وفستانها أو بمعنى اصح ما يتناسب مع ذوقي


بقول لها وقتها دامها طلبت رأيي انه ماشاء الله حلووو وأن شكلها وش حلاتـه


ومااعتقد انه يعتبر نفاق كثر ماهوب مراعاة مشاعرها


لإنه بصراحه احس انها تحطيم انه اقول لها موب معجبني


يعني لازم الواحد يكون عنده ذووق شووي في ردوده


لكن لو مثلاً لو عندها موديل تبي تسويه وطلبت رأيي قبل تنفذه راح اقووله بصراحه


المجامله مطلوبه في المواقف اللي ممكن الصراحه تسبب ضيق واحراج لـ الشخص


وهالكلام كله في حال احد طلب رأيي لكن كون اني اقول رأيي بدون مااحد يسألني


وعقبها انتقد هذي ماهيب مجامله هذا اسمه نفاق وغيبه


بالنسبه لـ تصميمك مدري والله شقولك بس اتوقع ان ردودهم من باب رفع المعنويات


واكيد كل شيء وله حدود :)

[شموخ أنثى]

وعليكم السلام ورحمة الله وبركاته



سرد رهيب ومشوق << ترى ماجامل



من جد المجامله طغت على كل شي على جميع تعاملاتنا



وبالنسبه للمنتديات


تبين الصراحه انا اعجز اجامل بالمواضيع

الموضوع اللي مايعجبني مادخله من الاأساس



وعلى قولتك في الشعراء


في احد المنتديات عضو منزل قصيده بقسم الشعراء

وهو لاشاعر ولاشي والقصيده مافيها ولا بيت صاحي



كسور × كسور



وتعالوا شوفوا المدح خلوا هالعضو شاعر متمكن


انا ماشرهت عليه

شرهت على المشرفين اللي ماشاتوا قصيدته للمواهب كل ذا يجاملونه !!!


النقد بالنسبه للشعراء المبتدئين هو مفتاح الرقي والنبوغ


واي شاعر متمكن ماوصل لهالمرحله الا بالنقد اللي طور هالقدره عنده


حاله حال التصاميم << ياما حطمت ناس وناس :8ar:

النقد في التصاميم برضه طريق للإبداع

بالنقد المصمم يقدر يطور من موهبته اذا تلافى العيوب المذكوره من الناقد


لكن كوني اجامله وامدح فيها وهي فيها عيوب اكيد ماراح يكون من صالحه


بس وش سالفة التصميم ؟؟؟ :9ar:


ايضا ً في جو المنتديات اخطاء احيانا ً توصل لدرجة ظلم العضو من قبل بعض المشرفين

او الأعضاء على وجه العموم

ومع ذلك مايكون فيه شي من الإنصاف

بحكم مجاملة الإداره لهالمشرفين ولهالأعضاء او العكس


إما بحكم القرابه او الشليله او العلاقه


كلامي عام ماهو خاص

وبحكم تجاربي طبعا ً كان لي هالتعليق



المجامله مطلوبه مانقول لا لكن بحدود المنطق



ولا هي على ظلم عضو على حساب ارضاء عضو آخر !!



مجامله محموده < هذي مطلوبه لإستمرارية العلاقات

مجامله لإستمرارية بقاء المنتديات وهذي سياسه اصحاب المنتديات وهم ابخص فيها


لكن برضه بحدود..


مجامله لترسيخ الثقه في بعض المواضع خاصة ً لمن يفتقدون الثقه بأنفسهم


يطول الكلام لكن اتوقف عند هالحد


شكرا ً لهذا التساؤل $222