السلام عليكم ..
-اكيد هزك حنينك جيتـي باشواقـك
______________يوم الأماكن من الاحبـاب مهجـوره
جيتي وله سلسبيل الذوق باخلاقـك
______________من غير دمعة ألم في صدق منثوره
جيتي وشوقك تمكن داخل اعماقـك
______________جيتي مشاعر من الحرمان مصهوره
جيتي حكاية غلا والا القدر ساقـك
______________جيتي جسد ذابلٍ والنفس مكسـوره
جيتي أمل عايشٍ في وسط خفاقـك
______________جيتي ليالي قديمة مِنْـك مبهـوره
جيتي دموعٍ كئيبة تسكـن احداقـك
______________جيتي حزينه وليتك كنتي معـذوره
يا راجعه طافت الأمـواج باغراقـك
______________وعيون تنظر من الأوجاع مذعـوره
يا راجعه لو زمانـك وسّـع آفاقـك
______________من عادة النفس بالاهواء مسحـوره
ان كان قصدك هوى ما عدت عشاقك
______________الله أكبر غرامك ماتت زهـوره
وان كان عندك أمل مشتاق لاشراقك
______________فات الزمن والغلا طفى الهجر نوره
نسيت حبك انا من لحظـة فراقـك
______________لا شك نفسي بحبك ما هي مجبوره
طويت حبك خلاص وباقي أوراقـك
______________ذكرى تحرك شجون آمال مقهـوره
جيتي وش اللي لماضي حبنا شاقك
______________جيتي ولكن بقايـا احـلام مبتـوره
جيتي بلهفة وهرج الناس ماعاقـك
______________ما كنك بماضـي الأيـام محظـوره
جيتي وجابك مـع الأيـام خلاّقـك
______________والحلم مكسور والأفـراح ماسـوره
جيتي حنينٍ يسابق لهفـة اشواقـك
______________يوم الأماكن غدت من جدّ مهجـوره
منقوول ...
مواقع النشر (المفضلة)