[ من أيــامنا ] ,, ( من أروع الثنائيــــات الروائيــّــه ) ..

[mas3od]

نؤطــه إبتـــدا ..


عندمــا تتعانـــق الأفكـــار ,, وتتصـــاهر الــرؤى ,, وتنصهـــر الأقـــلام ,, وتتكــاتف الصــوَر .. ,


تــأكد إن محــط قــد الأبــداع هنــا ,, نعم إنــّــه هنا .. وخيــر شاهــد ٍ على ذلــك إنت عزيــزي القارئ ..


إستمتــعو بـ تعــب دام شهــر ,, شهــر من الخــلاف والأختــلاف والبزوطــه واللعانــه من كلا أطرف الدويتـو الروائـي ..,


ولكننــا أنتجنـــا لكم بعـد كل مادار طيلــة هـذا الشهــر التــالي ..

[mas3od]

قمـــت الصبــح ع غيــر العــادهـ ,, فتحـــت عيونــي وقعــدت أطالــع السقــف اللي معلــقن عليــه صــورة إليسا .. أرسلـت لها بوســه.. وإنقرفــت مني ورجـعــت ,,


وقفـــت ع حيلــي ,, شعــري مغطــي وجهــي ,, قعــدت أطقــطق ظهـــري ورقبتـــي وأصابعــي وكل شي فينـــي ,, أخــذت لي منشفــه ورحــت الحمــام أتـروش ..


واقــف تحــت الدوش ,, أفــرك راســي اللي ما بقــا حشــره ما طلعــت منه ,, وأشـــوف شعــري اللي يتساقــط ,, كنها أيــام عمــري اللي تعــدي ع الفاضي ,,


طلعــت من الحمـــام ,, رحــت لـ أمي وأنا فاتحــن لها كشرتــي ,, صبــاح الخيــر يا سـت الحبايـب ,, صبــاح النــور يا " عالـة المجتمــع " ,,


ويــن الفطــور يا يمــه ..؟ ,, طــس رح لك أي تبــن من المطبــخ أفطــره .. ولا تــدري إنقلــع بــرا ودور لــك ع أكــل .. أفــا ليـش يالغاليـــه ..؟


واللــه الغاليــه يا وليــدي كيلــة الــرز مهي أنــا < ملكعـه أمي بعـد ,, ههههههههـ اللـه يرجــك يا أومــي أبي لي فطــور ,, تــراك يا وليـدي صرت بـلا علينا .. ,


لا شغلــه ولا عملــه بــس طلبــات ,, أفـا يا يمــه أنا وليــدك ,, لا وليــدي ولا شي ,, تبـي فطــور ضـف وجهـك ورح أفطـــر ..



طلعــت برا الغرفــه ,, لقيــت أبوي يتمصلــح .. فتحــت كشرتــي وقعــدت أرومش لـه من الحركــات أيــاهم ,, عطانـي نظــرهـ جبــارهـ وقالل ,,



أخلــص علي كم تبــي ..؟ قلــت يابوي أنا من لــي غيرك .. تحسبــني أبتســم بـ وجهـك وأضحـك لك عشان فلــوس ..؟ أفا ميــر أفا .. ,



قال .. إنت صــادز ولا إنت سكــران ..؟ قلــت لا مانــي سكــران أنا جاي أصبــّــح عليك وبس ,, قال يسعــد لي هالصبــاح .. ..,



قلت ياللـــه يا هولاكــو تامرني بـ شي أنــا أبي أدور عن ذاتــي..؟ قال لا يبــوك إنتبــه لنفســك بس ,, راح يبي يطلــع أول ما وصــل عند البــاب قلت لـه يبــاهـ يبــاهـ ..


قال هلا يا وليــدي ,, قلــت معــك ميتيــن ريــال ..؟ قــال هــذا اللي بيصبــح علي ..؟ خــذ خــذ الله يصلحــك ..؟


رحــت قعــدت قــدام التلفــزيون ,, أطالــع الأخبــار .. تطلــع ذيــك حقــت العربيـــه تقــول " المملــكه العربيـه السعــوديه ترســل مساعـدات بـ قيمـة مليـار دولار إلى لبنان "


طلــعت بطاقتــي واقــراها الجنسيــه مكتــوب سعــودي ,, طلعــت اللي وراي واللي دوني ( ميتيـن أبوي ) وقعـدت اطالعهـا ولا الملـك عبدالعـزيز يناظرني بـ إبتسامه ,,


وقفــت وقفــة لـ الزمــن ,, زي وقفـة هتلـر اللي بتوقيعــي ,, وقعــدت أقـول ..


وش الفرق بينــي وبين اللبنانـــي ,, اللهــم ركبـتــه بيضــا وركبتي بنيــّــه ,, اللي ركبتــه بنيــّــه ما يستحــق المعــونه ..؟


إيــه صــح ,, بطاقتــي للحيــن قديمــه ورا ما أجددهـــا ..؟ خلنــي أكلــم ( ديــو ) يمكنــه فاضــي نـروح نجــدد بطايقنــــا مع بعــض .. ,

[Dew]

[align=center]

[overline]الفصل الأول ،، المشهد الثاني[/overline]

بررن بررن ، طيب تررن تررن ، طيب قم يا حمار تراي قاعد ادق بوه واحدن يتصل بك يا تسلب im3 <<<-- جوالي يحاتسيني im22

فتحت عيني اليسرا واذا بي نايم ( احلف im3 ) والجوال يدق ،، مسكت الجوال ابي اشوف منهو ،، واذ بوجه الفقر ( سلوتو يتصل بك )

اللي يتصل هو سلوتو بس يتصل بك هذا حتسي الجوال موجه لي ( انثبر وخل عنك المصاله im3 ) وانا اللي يقومن الشياطين يحومن حولي

قتحت عيوني كلهن وقلت : ياليل البعارين وش يبي هالنكبه على هالصبح ، طيب احد يتصل بهالوقت يا حمار طيب كل تراب وانا اللي ارد

انا : الووووووووووووووو ( بصوت تقل صوت حمار ، لان انا يوم اقوم من النوم صوتي يكون ثخين او غليظ )

سلوتو : هلا والله بحبيب قلبي وصديق عمري وتوأم روحي هلا والله بأحلا ثور بالدنيا صباح الخير يا كلب

انا : الله لا يصبحك الا بالشر يا مال العقال اللي ينطبع على ظهرك ، احد يتصل بهالوقت يا لوح

سلوتو : افا يا كلب وانا اللي اقول خوي عمري ومن هالحتسي واصبح عليك تقولي كذا

انا : كل تراب واخلص علي قلي وش تبي خل ارجع انام

سلوتو : يولد قم مو وقت نوم

انا : العن ابو جدف مصارينك يا مال الـ طوط طوط طوط ، ياخي ابوي انت كل تبن بنام

سلوتو : يا ثور اسمعني اليوم وانا اتابع الاخبار بـ قناة العربية سـ ...

قاطعتو انا وقلت : ومن ايمتا صرنا والشمس ترئعنا ياااا ( الله يجزى باب الحاره بالخير علمنا امثال لليل )

من متى وانت تتابع اخبار يا يابو 5 سنوات بـ ثالث متوسط يالله نجحت im3

سلوتو بنبرت يملئها الحزن : ياخي ضروري تذكرن بالماضي

لازم تخليني اتذكر اني قعدة بثالث متوسط 5 سنوات لين نجحت

انا : انا ادري عنك انت وجبهتك اللي كنها ملعب تنس عربية واخبار ، صاير مثقف ياجنط im3

سلوتو : كل تراب واسمع ، سمعت المذيعه تقول ان السعودية عطت لبنان مساعدات بحوالي مليـار دولار

انا : اوخس يالسعوديين والله منتم سهلين مطخطخين عيال اللذينا ، طيب انا وانت وش دخلنا بهالسالفه

ما تبطل سوالف الحسد يا حمار حاسد السعوديين على قروشهم وضايقه عينك على القروش اللي راحت لشعب لبنان المسكين im3

سلوتو : يا مال الـ طوط طوط طوط السعودية ديرتنا يا حمار شفيك انت لا تكون مصري ولاعبن علي

انا : هاه صدق حنى بالسعودية ! يولد اصبر اصبر خل اشوف انا عندي اقامه ولا بطاقة احوال

سلوتو : والله ان طلعت مصري غيرك اكوفنك وان طلعت لبناني اذبحك وان طلـ ..

قاطعتو انا : هيه هيه هيه كل تراب كل تراب معي بطاقة احوال يا ثور ومكتوب عليه سعودي ومكان ميلادي واحوال الرياض والعقيد مدري منهو :3ar:

سلوتو : اها زين اشوا

انا : طيب والحين بعد ما اكتشفت اني انا وانت سعوديين وعايشينا بديرتنا وش دخلنا بالمعونه هاه <<<- اقسم بالله لو اني دلخ بهالشكل كان انتحرت :8ar:

سلوتو وهو يضرب على وجهه ويصيح قائلا : يا حمار السعوديه يعني ديرتنا والفلوس اللي راحن للبنان فلوسنا يعني الحكومه اكيد قبل لا تعطي لبنان لازم يعطون شعبهم صح ؟

بهالحاله انا بديت افتح شوي وقام الحشيش يقل مفعولو : هاه ايه صح

سلوتو : طيب يا حمار انت عطوك شي ؟

انا : لا ابدن وقسم محد عطاني شي ، الا اذا عطو ابوي وزرفهن

سلوتو : كل تراب وحتى انا ما عطوني يا حزرك وش السبب ؟

انا : ياخي مقدر وافكر وانت موجود ياعبقرينو حارتنا قلي انت

سلوتو وهو منبرش بعد الترفيع : ايواه شف بغض النضر عن انو ركبت اللبناني بيضه وركبنا انا وانت بنيه <<-- كل واحد يتكلم عن نفسو يا سلوتو لو سمحت

انا شفت انو ماعطونى عشاننا ما جددنا بطايقنا عاد شرايك نروح انا وانت الحين نجدد البطايق

منه نكشخ بالشكل الجديد اللي يقولون عنو بوه جواز ومنه ناخذ فلوسنا

انا : رغم اني دايم اقول عنك حمار :8ar: الا ان عندك طلعات تستاهل عليه عسكريم ابو ريالين حق سياراة البر

سلوتو وما زال منبرش : طيب يا جنط يالله قم البس ومرن لان انا موتري مبنشر

انا : طيب باخذلي غفوه خمس دقايز واجيك

سلوتو : لا لا لا لا يرحم امك ادري بغفواتك خمس دقايز عندك يعني خمسطعش ساعه عند البشر

انا : هاه طيب اذلف افطر والبس واجيك im3

سلوتو : كل تراب البس وتعال نفطر مع بعض بـ بوفيه ابو سليم

انا : طيب بس انا مطفر

سلوتو : والله ان تبطي عظم ما عزمتك :8ar: حتى انا مطفر ، الفطور كالعاده قطه دبر عمرك

انا : ادريبك قعيطي من يوم يومك طيب برب im3 <<-- اثار المسن im22

سلوتو : طيط im3

،،

عقب هذه المكالمه العصماء قمت احلم بقروشي اللي بتعطيني اياها الحكومه عقب ما اجدد بطاقتي واصير سعودي جديد

وانا اقول يوه يعني لو عطو الشعب مثل لبنان مليار ، خل نقول عدد الشعب اللي انا منهم عنا وعنين اياواحد ايها ايها ايها ( قاعد احسب بطريقة عادل امام :8ar: )

يا نهار ابيض يعني المواطن الواحد يطلع لو مليونين ريال

اللللللللللللللللللللله والله ان اغير الفكتوريا حقتي واتزوج المزيونه حقت مسلسل سنوات الضياع

واخذ هيفاء وهبي مسيار

انعل اوم الفله يا حساااااام

وفي هذه الاثناء قمزت من سريري كالفراشه اللتي تغني وسط الزهور ( اما عاد فراشه يا ديو :8ar: !! )

وذهبت مسرعه الى الحمام وخلعت عني هدومي

وشغلت الدش وقعدة اتروش ( طبعا كان لي حوالي ثلاث سنوات ما تروشت بس تخبرون السالفه به مليونين وزواج ومسيار وحركات )

قضت ترويشتي بخمس دقايز لبست وطقيت الشماغ والعقال وطيران على المطبخ

رئيت اميمتي قاعده تفطر سلمت عليه وحبيت راسه وقلت : ضباح الخير يا غاليتي ، انا احبكي يا اماه

امي : اها بس واقعد افطر im3

قعدة اكل واكل واكل واكل لين خلصت الفطور كله

فتحت الثلاجه واكل واكل واكل لين ما بقيت الا علبتين بندول حاطينهن بمكان البيض بالثلاجه :8ar:

سئلت امي عن ابوي قالت نايم ، قلت بقلبي زين اجل بزرف الفلوس اللي ابيه من مخباه واطلع واذا رجعت يهزأن مو مشكله

بعدين تفطنت اني بروح اخذ مليونين قلت اجل ارجع براحتي واعطيه بدال الثلثميه اللي باخذه الف

تسللت الى غرفته وزرفت الفلوس وطلعت برا البيت بأمان

رحت ادور سيارتي اللي مدري وين لبقته البارح

وانا ادور واذا هي تلوح لي كالعذراء في ليلة دخلتها

فكتوريا 95 اللون اسود الجنوط مافيه القزاز يا يفتح القير اذا حطيتو على الـ D يجيني الـ R او غيرو عاد انا وحضي

ولكني اعزها معزت ولدي

شغلت ومشيت طبعا لازم اخذ فره بالحاره ، فرفرت شوين مالقيت احد من الورعنه

انطلقت الى بيت سلوتو مسرعه بموتري الطلقه كما اسميها

اول ما دخلت شارع بيت سلوتو ولا اني القاه جالس فوق ددسن اخوه يتتن

اوقفت السياره بجانبه وندهته قائلا : ورع انقز انقز بسرعه قبل لا تخلص فلوس الحكومه ويروحن علينا مليوناتنا

نقز سلوتو من الدريشه ( يالتسذوب توك تقول القزاز ما يفتح ،، ايه بس اني اصلن كاسرو عشانو ما يفتح :8ar: )

قال هاه ملايننا ؟ ، قلت ايه يالهيث اذا عطو" دولـة الأرز " مليار ، فأكيد اقل شي بيعطوننا مليار لو قسمنا المليار على عدد افراد الشعب بيصير لكل واحد مليونين

اردف سلوتو قائلا : رغم انك دايم تنام بحصه الرياضيات وانت اصلا حمار الا انك لا صار بالسالفه فلوس احسن واحد يجمع ويطرح

قلت لوه كل تراب اصلن انا ريال مدريد يبيون ياخذوني محترف <<-- وش دخل ريال مدريد بالجمع والطرح ؟

مرينا بوفيه ابو سليم واخذنالنا كل واحد سندوتشين مقلقل

مع كاس شاي حليب على السريع لان ماعندنا وقت نجلس ونفطر <<-- انا ما ادري شلون الشعب ياكل مقلقل وكبده ويشرب معه شاهي حليب

وذهبنا في طريقنا الى احوال الرياض لكي نجدد بطايقنا

دخلنا الاحوال وقعدنا نسئل شلون نجدد ورح حان وايه ويالله المهم اننا طقينا بطايق جديده

اردفت قائلا لسلوتو : طيب الحين من وين ناخذ فلوسنا

قال : هاه مدري بس اكيد من امارة الرياض

يعني كل مواطن يروح للأماره حقت المدينه اللي هو به

قلت يولد الحين يبي يذن العصر وش رايك نروح نصلي ثمن نتغدا ثمن نروح الاماره

( ملاحضين النقزه انتم ؟ من الصبح لين العصر بالاحوال واختصرته بكلمتين ليه يبو بتطلع بطاقه انت ولا تتزوج عشان كل هالوقت ؟ )

ما علينا

صلينى العصر بأحد المساجد القريبه

ومن ثم ذهبنا الى مطعم بخاري يحبه قلبكم في هذه الاثناء قلت انا ليه ما اعزم سلوتو على الغدا وابين لو اني خويو واباشر عليه وكذا

عشان لا خذا مليونو يرد لي هالعزيمه بأكبر منه ويمكن حتى يصير بعد الاكل بوه كنافه ( العن ابو التفكير :8ar: )

دخلنا المطعم وانا اللي انادي ابو يمن ، قلت عطنا حبتين شوايه وحبتين على الفحم

ونفرين مظبي لحم وشيش طاقوق وكباب وفول وكبده <<-- يقالي فالّه هالحين im22 اجل دجاج ومظبي لحم وفول هاه im3

فشخ سلوتو خشته فشخا مبرحا ونقزت عيونه من بؤرتها واردف قائلا : ولد وين ياخي من بيدفع فلوس هالاكل ومن اللي بياكله اصلن

دقيت صدري وقلت : افا عليك يا صديق عمري انا اللي بدفع ، جعله بالهنا على قليبك وهذا مو قدرك والله

رد علي سلوتو بخبث : من ايمتا صرنا والشمس ترئعنا ( نفس المثل ناقشو مني وانا نقشتو من باب الحاره :8ar: )

صاير تعزم يابو ...... طوط طوط

اردفت قائلا : من يوم يومي اعزم انا يا سلتلت ( دلع سلوتو ) كل تراب وقل كثر الله خيرك واها بس

خجل سلوتو من نفسه ويبدو انه حس اني احبو وصديقو ومن هالعواطف الكرتونيه هذي واردف قائلا :

شدعوا يا درج امزح ، انت اصلن ابو الكرم ، وان شاء الله بس اخذ المليونين حقاتي من الحكومه والله ان ارد لك هالعزيمه

( انعل اوم الفله انطوت الحيله عليه ، يالني من فتى فذ التفكير عديم الاحساس قوي المراس ) <<--

جابو لنا الاكل وقعدنا ندغ وندغ وندغ ( ندّغ مشتقه من الدّغ = نضرب بالخمسه = ناكل بكل ما اوتينا من قوه )

يوم قضينى وشبعنى والاكل ما قضى قمنا نغسل واردفت قائلا لبو يمن :

يا ابو حسنا حطلي اللي بقى من الاكل بكيس كود اني اتعشى منو لا رجعت للبيت <<-- im22

نهرني سلوتو بشده وقال : استح على وجهك مقبل على مليونين ريال وتبي تاخذ الاكل اللي بقى بكيس ياخي عيب وش يقولون عننا العالم

( يبدو ان سلوتو عايش جو الهاي هاي بعد ما سمع انو الدعوه به مليونين :8ar: )

اردفت قائلا بخجل : والله انك صادز ابو حسنا امزح معك لا تحطو بالكيس :8ar:

غسلنا وركبنا الطلقه ( اللي هي موتري ) ونصينا الاماره

اول ما حطينا رجولنا بالاماره استوقفنا اول عسكري شفناو

اردف سلوتو قائلا للعسكري : بالخير يا حمات الوطن :24ar:

رديت انا : سارعييييي للمجد والعلياااااء مجدي لخالق السمااااااااااااء

<<-- يقالنا وطنيين هالحين im22 ابو الشعب اللي يوم سمع طاري الفلوس دبت الوطنيه بدمو im22

اسكتنا العسكري قائلا : كل تراب وقلي وش تبي انت وياه

هنا هجدنا انا وسلوتو im3

قال له سلوتو : وين قسم توزيع فلوس الشعب يالحبيب ترانا جددنا البطايق يعني بناخذ ملايينا سريع سرع ونطلع

بانت الدهشه على حنايا هذا العسكري وتقوطرت سعابيله على قميصه وقال : اي فلوس

اردفت قائلا وبكل ثقه : يالحبيب خويي وصديق عمري سلوتو سمع اليوم بالاخبار ان حكومتنا الرشيده بقيادة ابونا ابو متعب تبرعت لـ لبنان بـ مليار دولار

عاد خويي وصديق عمري واذكى واحد بالكون قال انو بما انهم عطو " دولـة الأرز " فلازم يكونون عطو شعبهم بالاول وبما اننا من شعب السعوديه فلازم يعطوننا حنى بعد

ليش ما عطوناااااااااااا ؟

رد العسكري : لييييييييييييش ؟

اردف سلوتو قائلا وهو مقاطعني : لانو بغض النضر عن انو ركبنا بنيه وركبت اللبناني بيضه

( في هذه الاثناء قطع الحديث العسكري ورفع البنطلون يعاين ركبتو :8ar: )

اكمل سلوتو قائلا : حنى بطايقنا قديمه عاد قلنا يمكن ما عطونا عشان بطايقنا قديمه

اردفت قائلا : ولقد اننا رحنى للأحوال اليوم واخذنا البطايق الجديده اللي تجيك كله لونه ابيض وبه شسمو معدني ويقولون به جواز

عاد جينا هنا عشان نستلم قروشنا ، خويي سلوتو يقول اكيد ان مكتب توزيع القروش على الشعب بالاماره

ونحن في هذه الاثناء واذا بالعسكري يقول لحضه شوي وراجعلكم

راح وبعد خمس دقايز رجع ومعاه 4 جدران تمشي ( هم تقل انهم بشر بس كبر الجدران )

ثنين شالو سلوتو وثنين شالوني وعقبها عينك ما تشوف الا النور

حطوني بغرفه لحالي وخذو سلوتو بغرفه ثانيه و .. ××××××××××××××××××××××××

×××××××××××××××××××××××××××××××××××××××××××××××××× ××××

××××××××××××××××××××××

×××××××××××××××××××××××××××××××××××

×××××××××××××××××××××××××××××

×××××××××××××××××××××××××××××××××××××××××××××××××× ××××××××

×××××××××××××××××××××××××××××××××××××××××××××××××× ××

×××××××××××××××××××××××××××××××××××××××××××××

×××××××××××××××××××××××××××××××××××××××××××××××××× ××××××××××××××××××××××××××

×××××××××××××××××××××××××××××××××××××××××××××××××× ×

^

تم قطع هذا الجزء بمقص الرقابه حفاظاً على مشاعر المشاهدين

المهم عقبه ما حسينا الا اننا بالثمامه وشكله توه تغيب الشمس

واذ موتري الطلقه جنبنا ولقينا ورقه معلقه بالانتل حق الموتر

ذهبت مسرعا الى سلوتو لكي اتطمن عليه واذا اني اشوف شوارع تفحيط مفتوحه بوجهو :8ar:

اردفت قائلا : وش بك وجهك كذا قال : ترا وجهك مثل وجهي انجلدنا كلنا im3

قلت صبر بشوف وش مكتوب بالورقه رحت جبت الورقه وقعده اقراه وسلوتو جنبي لقينا مكتوب :

حنى شعب كريم نساعد الشعوب الاخرا مو مهم حنى نترفّه ومو مهم اذا صار عندنا بطاله وجوع وفقر

المهم اننا نساعد الدول الاخره ، وبعدين حرام ياخي نترك الشعب " الأرزييـــن " الشقيق بدون معونه

يعني تبوننا نضحي بالشعب " الأرزييـــن " وسعدادتو عشان نوفر فرص عمل للشباب السعودي ؟

اردفنا انا وسلوتو قائلين : لا طال عمرك بقريح الشباب السعودي اهم شي اخواننا واخواتنا في " دولـة الأرز " الشقيق

طيب تبوننا نضحي براحة الشعب " الأرزييـــن " عشان نشتري بيوت للشعب السعودي اللي 90 % منهم ساكنين بإيجار والايجارات ماكله قلوبهم ؟

اردفنا قائلين انا وسلوتو : لا طال عمرك قلتعو الشعب عمرينو لا يسكن ببيت ملك اهم شي اخواننا واخواتنا في لبنان الشقيق

طيب تبوننا نضحي براحة الشعوب الاخرا عشان نفتح جامعات ثانيه ونرفع من مستوا جامعاتنا الحاليه لكي يرتفع مستوا التعليم عندنا ؟

اردفنا قائلين انا وسلوتو : لا طال عمرك قلعتو التعليم ومستواه اصلن كل الطلبه دشير ومحببين الشعوب الاخرا اولى بخيراتنا ونفطنا

التوقيع

الظابط فلان الفلاني

:8ar:

التفت لسلوتو و صمخته مخمس ابن كلب واردفت قائلا : ما تستحي على وجهك انت

وحده من الثنين يا انك تبي تضحي بالشعب " الأرزييـــن " الشقيق والشعوب الاخرا الشقيقه او انك فاهم الاخبار غلط وبالحالتين نكبتنا

اردف سلوتو قائلا : العن ابو اللي يطالع اخبار بعد اليوم ، والمذيعه حقت العربيه ذابحه ذابحه الله لا يعوق بشر

ومن هذه النقطه تعاهدنا على ان نخلي امخختنا طافيه وادمغتنا مفعمه بالحشيش ونستمتع بحياة الدشره ونخلي عننا الاخبار وطقته

[/align]

[mas3od]

قمنــا ولا حنــّــا بالثمــامه ,, تربــان مغطيــه وجيهنــا ما نــدري وش الموضــوع جانــي الخبــل ديــو .. ,


يقــال له يتطمــن علي ,, وش فيــك وش مافيــك يا يا ,, بالموت فهمنــا إننا تونـا مدبوجيــن .. .. ,


جــاب معه ورقــه مكتــوب فيها الأسبــاب اللي خلـت الفقــر يطقنا والمساعــدات تروح لـ أهل الركـب البيض .. ..,


إقتنعنــا صــراحه ,, غصــب عن أمهــاتن خلفننــا إقتعنــا .. ما امدانــا (نتسثـح) التربـان اللي ع وجيهنــا ودقينا الطلقـه سلــف وروحنــا .. ,


طــول الطريــق وانــا أحــاول أستــرجع ذاكرتــي باللي صــار لنا في وزارة الداخليــه ما أتذكــر إلا من رتبــة عقيــد وفوق .. ..,


كفــخ وضــرب وتشــويت وعــض وكهــرب ورفــس وحـــذف ,, شي غيــر طبيعـــي .. .. ,


مشينــا ع البركــة ,, علــى وين مانــدري ,, طول الطريق ساكتيــــن ,, حاجــز صمــت كبيـــر !!


ليــن إتصــل بي واحــد من العيـــال ,, قال : الــو شلـونك سلـوتو ,, قلـت : هلا حمدللـه بخيــر ونعمــه وعايش ومبسـوط والدراسـه عندنا كويســه والسكـن شي خيالـي والـ ,,

قــال : إنت صاحــي ..؟ قلت شلــونك ماقلــت لك عــدد فضــل بلادنا علينــا ,, قلــت : كل تبــن لا تجيــب سيـرة البـلاد إلا وانت قايل الله يحفظهــا :@


قال : لااا ,, منت بهيــن يا غــازي القصيبــي أقــول مرنــا بس بالأستــراحه تعال فيــه فلــّــه وسعـة صــدر .. .. ,


قلــت : أوكي الحيــن جايــك مع ( ديــو ) ,, قال : واللـه إن شفتـك جايبــه إني لـ أرميــك أنــت وياهـ .. ,


قلـت أنا بصــوت خفيف : يا رجــال تكسـب فيه أجــر ,, من يعـرف غيرنــا هالحمــار ..؟ خلــه يجــي تــرا خــووش ولـــد !!


قال : يا عمــّــي فاضي أنا لـ الأشكــال ذي ( أريــدو ) ( هـــان ) ( شسمــو ) روق أمــي يا شيــخ .. ,


قلــت وانا كاتــم الضحكـــه : يا رجــال مشي مشي ,, عشـــاني هالمــرهـ ,, قال : خـلاص تعــال ,, بس إذا أقلقنـــي أكرشــك أنــت ويــاه تفهــم ..؟


قلـــت : أوكي ,,


قــال لي ديـــو : من اللــي كلمــك ..؟ قلــت :( صــالح ) يعــزمنا ع الإستــراحه ,, قال : واللــه إني أحبـوو هالولـــد .. ,


قلــت : وهــو بعــد يمــوت فيــك ,, قال : بايــن إنـو رجـل سنــافي ,, قلــت : بالحييييييل !!


قــال : تبينــا نــروح لــو ..؟ قلــت : إي واللــه بس لازم نكــون خــوش عيــال ,, عشــان ما يصيــر الدعــوه بهــا رمي ورصـــاص !!


قال : وش رصــاصو ..؟ قلــت : بلا رصــاصو بلا تبــن .. كل تــراب ورح لـ الإستــراحه مع إني أدري أنهــا ماهي معديــه ع خيـــر :( .. ,


كملنـــا دربنــا لـ الإستـــراحه ,, قاعــدين نسمـــع بديــع مسعــود وسعــد جمعــه ,, نقــدر الفــن الشعبــي حنـــا .. ,


كانــت الأغنيــه ( خلــف الســـوار ) ,, و ديــو كان متأثــر حيــل وطربـــان ,, مخلــي الطـــاره و يلعــب يدينــه تقول " مايستـرو " كن الأغنيـه بها أوركسترا ..

وهي عــود ومرواسيــن وطــار ,, وأنــا أقول له ياولــد عين خيــر وشف المواتــر اللي قدامـــك ,, أنواع الشطـــف وتطييــر المرايات وننــزل من شـارع ونركــب شارع ..

ويقــول : خلني بـ ذروتي ,, هالأحســاس ما يجينــي إلا مره بالسنـــه ..


وياللــه باللــه تعــدل وقــام يســوق عـــدل ,, وأطــالع وراي إلا فلشــر الدوريــه ( إسفــط ع جنــب ياراعــي الفــورد ) .. ,



قــال ديــو : يا لييييييييييييل .. واللــه مو وقتــه ,, قلــت : إيــه الحيــن أكل لـك مخالفــه عشــان تتعلــم !!


قــال ياشيــخ ماني رايــق لــه ,, وأسلــوبي معفــّـن مع الدوريــات أنــا إنــزل له باللــه وحاول فيـــه ..


وأنـــزل له أنـــا ,, قال العسكـــري : عطنــي إثبــاتك وإثبـــات الغــول اللي معــك ,, بعــدين ليه هــو ما نــزل ..؟ هــو الســواق وتنــزل إنت ..؟


قلــت : واللــه هــو خــاف من فلشــر الدوريــّــه ,, لأنــّــه هــو عايش بالخــارج طــول عمــره ولا تعــوّد ع الدوريــّــات وزي كــذا .. ,


العسكــري : طيــب اللي عــايش بالخــارج يحتــرم القــانون ,, مهــو ياخــذ اليســـار واليميـــن ويشطــف السيـــارات ..؟ وين إثباتاتكــم ..؟


قلـــت : يابنـــاخي واللــه السيــّــاره لك عليهــا ,, شــوفة عينــك قاضيــه حنا بس نبـي نجــر عليها لين توصلنــا بعـدين يحلهــا اللــه ..


العسكـــري : لا البــلا مهــو من السيــّـاره ,, البـــلا من اللي يسوقهــا .. بعــدين ليش ما ينــزل هو ويكلمنــي ,,


قلــت : قلــت لك يابنــاخي الولــد تربيــه خارجيــّــه ( تقــدر تقول علمــاني ) .. وبعــدين يا بناخــي الهــون أبرك مايكــون ,, وإنــت فيك الخير إنشالله .. ,


العسكـــري : وش بناخي ما بنــاخي ,, أقـــول طــس وجــب إثباتاتـــكم ولا تنطــق بكلمـــه زيــادهـ ,,


قلـــت : يا طويـــل العمـــر ,, هونهــا وتهــون وأبشــر ماراح نعيدهـــا وهــذا خشمــك أحبــّـــه ( >< ) .. ,


العسكــري : لا إنتــم وراكـــم بـــلا ,, أنــا اعــرف وش عنــدكم الحيـــن !!


وهــو ينــزل من الدوريـــه ويــروح لـ الموتـــر ويشــوف ديــو يقطــع أضــافر بـ سنونــه وتهطــل منــّــه غالونــات عــرق ,, طقــّــه ع كتفــه وقـــال: إنــزل إنــزل ..


ديــو كان مخــروووش وقتهـــا قال ديــو : أي ممنــوعات ..؟ وش دخلنـــي أنــا ,, أصــلا أصــلا أصــلا ...


العسكــري : أهــا ,, أي ممنــوعات .. بــانت علومـــك .. وخويــّــك يقــول لي تربيــه خارجيــّــه .. واللــه وجهــك وجه اللي بالنظيــم !!


قــال : وشــو ,, لا لا .. متــى وليــه ..؟ اللــه يرحــم والــديك مالي شغــل ..gif22 ..


العسكــري : كل تبــن وإنــزل .. وصــف جنــب خويــّــك .. ولا أسمــع منـــكم ولا حــرف !!


ونـــزل ديــو وركبــّــه تصـــافق ويصــف جنبـــي ,, وأنــا مطيــرن عيــوني أطالــع فيــه .. قلــت له : معــاك شي ..؟ معــاك خــراب ..؟


قــال : يــوووووه ليتني منزلهــا بالبيــت ولا نكبتـــك معي .. !!


قلــت وانا أطــالع فــوق ومغبـــون : اللــه لايوفقــك ,, اللــه لا يوفقـــك .. بتخلينـــي راعــي ســوابق وانا ع وجــه زواج ..؟ شلــون أشبــّـك حصيصــه وانا خريــج سجــون ..؟


قــال : هي خربــت يا رجــّــال ,, علــّــي وعلــى أعــدائي .. وقلــت : وش نــاوي تســوي ياحمـــار ..؟


واللــه وهــو يمســك له ماصــوره وش طولهــا والعسكــري منــزل راســه بالموتــر بفتــّــش .. ودوووووووووووووووب فـ راس العسكـــري .. ,


وإلا العسكـــري مغمــى عليـــه ,, ويمسكــه ديــو ويحــذفه بنــص الخـــط .. وقال لي : ياللااااااااااااااهـ ,, النحشــه النحشــه ..؟


وانا أطالــع في قمــة الذهـــول ,, يا كللللللللللللللللللللللللب وش سويــت ..؟ تبي تهــدم مستقبــل أجيــال ســلالتي ونســلي ..؟


قــال وهــو معصــّــب : ياللــه إمــش قبـــل لا ناكلهـــا عدل ,, خلنا نهــج قبل لا تجــي الدوريــــات والحكومــه كلهـــا ,,


وأنــا أركــب المــوتر وأنــا ألهـــث ,, وقاعـد أتحلطــم وأقــول .. حسبــي اللــه ونعــم الوكيــل حسبــي اللــه ونعــم الوكيـــل ..


قـال لي : كلــم العيــال خلهــم يفتحــون البايكـــه ,, نبي نخــش الموتــر هنــاك .. قلــت : صاحــي إنت ..؟ لــو درو العيـال إننـا مسويـن جريـه كان بلغـو عنـّـا !!


قــال : وش الســوات الحيـن ..؟ قلـــت : نــروح لهــم عــادي ولا كــأن شي حصـــل .. حسبــي اللــه عليــك .. أخرتهــا مخــدرات ..؟



قــال : وش مخــدراتــه ..؟ اللي معــي ماهــو مخــدرات : قلـــت : اللــه لا يوفــقك .. معــك ســـلااااح ..؟ تبي تسفرنــا الحايــر إنت ..؟



قلــت : مهــوب ســلاح اللي معــي ياحمـــار ,, قلـــت : أعنبــوك ما ألعــن من الســلاح والمخــدرات شي ,, هــديت حيلي قلي وش معـــك ..؟


قــال : طرطعــــان .. .. ,


قلــت : يا ربيييييييييييييييييييييييييييييييييييي .. ياربي وش أسوي بـ هالثــور اللي معــي ..؟ ياربي أنا أذبحــه ..؟ ياربي أنا أقطعــه حـِـتت حــِــتت ..؟


يا ربي أســوي منه شاورمــا ..؟ ياربي أبيــعه لـ قصــّــاب يقطعـــه حميســه ومقلــقل ..؟ ( وأطــالع فـ ديو وأقــول ) إنت حمــار إنت ..؟


لي متــى هالغبــاء اللي فيــك ..؟ بغيــت تدهــور مستقبــل أهلنــا عشــان طرطعــان ..؟ أنا شســوّي فيــك الحيــن ا..؟

[Dew]

[align=center]

[overline]الفصل الثاني ،، المشهد الثاني[/overline]

في هذه الفينه انا ما ادري سلوتو ابو ركبه سودا ليه معصب

يا ملعون الخير طرطعان هذا فيه بلاوي يمدينا نفكو ونطبخ اللي بو ونحولو لـ هروين وش يدريك انت <<-- من معلمك تصنيع المخدرات انت im3 ?

الزبده عقب ما راحت الخرعه وهاه وهيه اردفت قائلا شغل المسجل بس وخل ننطرب ونروق وحط لنا ام كلثوم - رباعية الخيام

ما حسبت الا كف حلاقه يهبط على علباي من التسلب سلوتو وقال : ام كلثوم يا بشير شنان im3 مسوي راعي طرب ياللي تمسك العود تحسبه ربابه im3

كل تراب بس im3 ،، في هذه الاثناء اسقط في يدي وهو صادق من متى وانا راعي ام كثلوم وطرب ،، الزبده قضّينى طول الخط وحنا ساكتين

وصلنى الاستراحه عند العيال رحبو فينا ترحيب حاااااااااااار وخصوصا انا يحبوني يا ناس يحبوني <<-- فيس سلوتو وهو يقول من جنبها im3

الزبده عقب الـ اهلن وسهلن والمرحبا وشلونكم ،، استلم دفه الحوار سلوتو هالولد ياعنده قدره على الخرط اعوذ بالله ،، اشك ان عنده جينات حريم

عندو استعداد يسولف 24 \ 7 والمشكله ثلاث ارباع سوالفو خرط وتسذب مثل الحريم im22 بدا بالحاره وجريته مع جارهم يوم يكب الزباله ( اجلكم الله )

عند باب بيتهم وكمل وكمل وكمل لين بغى يجيب العيد ويوصل لسالفتنا بالامارة مدري وزارة الداخليه :8ar:

وانا اللي اشوتو مقصيه وانا منسدح وقلت هههه يولد مو تقولون بوه لعب طائره وتسذا خل نلعب قالو تعرف تلعب قلت ايه افا عليكم ما اشوت الا دبل كيك ( )

وحنى رايحين ملعب الطائره مسكت سلوتو على جنب وقلت : يا طوطو طوطو طوطوط تبي تضيعنى انت وتسولف لهم وش صار معنى تبيني ننـ .....

قال وهو مهيض الجناح ومكسور الخاطر : يولد قلت بسولف سالفه صارت صدق بحياتي كل سوالفي خرط قلت فرصه اقول سالفه صدقيه

فـ الحقيقه معو حق وبغيت اصيح انا وقلت : يا ملعون الخير كل تراب سولف صدق بأي شي الا هذي وربي ان يودونا بركينا فاسو بدال الثمامه يا كلب

قال : طيب ،، نادونا العيال قائلين : يا حمار منك لو جايين تلعبون طائره ولا تسولفون مع بعضكم ، ركضنا كالغزلان انا وسلوتو متجهين للملعب

وهناك صارت علومن مهي زينه نحسب الدعوه كوره ، اول ما توصل عندي امزعها برجلي يم الشبك اللي بالنص واقول قوووووووووووووووووووووووول كفو كفو

وسلوتو يصفق وهو في حالة ذهول ويقول : كفو يالدب والله ما احسبك تعرف تلعب كفو كفو ، اردف واحد من العيال قائلا : الله يلعنك انت وياه يا حمار مهو كذا اللعب

هذي طايرة يالبد تنشات مهو بالرجل بعدين نقزوه ورا الشبك مهو تضربونه فيه الله يلعنكم يا طعوس يا جحلط يا ...... قاطعه سلوتو قائلا ، ايه ياخي كل كذا مثل البلياردو يعني

هنا عصبو العيال و شقو الكوره نصين وقالو ماعاد نبي نلعب بيني وبينكم ما ادري وشولو عصبو هالجحلط

رجعنا للخيمه شوي ولا سلوتو قام وشغل الـ تي في ( اما تي في im3 ?! ) وحط على قناة اغاني مدري شسمه

ويجي هكالكلب ( يعني كليب ) حق وحدتن حلوه حلوه حلوه حتى اشعاراً آخر ولابسه من غير هدوم :8ar: قعدت ترقص رقص ملعونت الوالدين تقول فيفي عبده

وانا وسلوتو مترادفين الاكتاف مسعبلين السعابيل مفنقلين الاعين ( مفنقل العينين = فاتح العينين بشده وهو مصطلح سوداني ان لم تخني الممري )

ومن قوة الحماس قام سلوتو يهز كتوفو بشده ولقد نعتّه بشده لهذا التصرف الارعن وقلت له دعك من ذلك يا سلتلت اولست رجلا لكي تهز كتفيك يا احمق ؟

عاد هو قمط العافيه يوم شافن احتسي عربي فصيح وقال لا ياخي بس تحمست

المهم ما قضى الكليب الا انا وسلوتو مقررين اننا بنتزوج لو اقرب خدامه مو مشكله وانتو عاد افهمو الاسباب وشي عقب الكليب :8ar:

وفي هذه الفينه واذا بنا نسمع التالي :

صععععععععععععععععععععععععععععععععع طوخ طاع طرقم طراق طخ طخ اااااااااااااااااااااااااخ لااااااااااااااااااااا ،، عن عن عن صعععععععععععع هاااااااااااااااااااااااااااااااااااان ن ن ن

طلعنا نبي نشوف وش صار واذا بمصري ملقى على ارض الشارع وهو غارقن في دمائه تبين لي من خلال ذكائي انو بوه واحدن صدمو وهج

وبالفعل تحليلي طلع مضبوط ( كل تراب انت وتحليلك طيب im3 ? ) المهم الرجال يصارخ ويقول : ااااااااه يا ابن الكلب دنا حكسرك وديني لأهريك درب

يا ولاد الابلسه مفيش حد يساعدني ، يخرب بيوتكم دنا حموت يا اهل النخوه يا اهل المرقله ( المرجله )

في هذه الاثناء دبت روح الوطنيه داخل قلب سلوتو وقال هيا بنا يا رفاق لكي نساعد هذا المسكين العيال كلهم هجو قالو يخوي بيبلشونا فيه im3

صاح سلوتو بي وا ديوااااااااه وا عزوزااااااااااااااااه وا اخياااااااااااااه

قلت ما بدهاش مالها داعي اخلي سلوتو لحالو بهالموقف لازم اخاوي صديقي قلت يا عيناك يا ابن اخي انا معك يا سلتلت

شلنا المصري ورميناه بالطلقه ودعسنى بـ اتجاه اقرب مستشفى وحنى مشغلين اغاني وطنيه لزوم الحماس المهم وصلنا وقعدنا نصارخ

اسعاف اسعاف يا اهل الخير يا ملاعين الصلايب الرجال يبي يموت ،، بعد ما انبحت اصواتنا طلعت لنا قطوه اقصد فلبينيه تهاوش تقول ايس فيه قرقر قرقر

شويه شويه مافيه صارخ ،، قلنا خوذيه الحين بعدين هاوشي قالت لا مابي خودو انا ادفع فلوس بعدين ،، هنا لمعت عيناي بالشرار القادح ،،

التفت الى الاستقبال واذ مكتوب مستشفى طوط طوط طوط بن طوط ، طلع المستشفى خاص قلت خوذه الرجال بيموت وحنى بندفع قالت لا مابي

التفت لسلوتو قلت يولد كم معك قال 4 ريال كنت بشتري فيها ال ام ازرق وانت ،، قلت معي 5 ريال كنت بشتري فيها عسكريم وديو وفصفص

قال الله يقلعك يالمطفر انت انسان واطي دايم مطفر ، قلت الله واكبر يا المريش انت الحين ترا ما معك الا 4 ريال وانا معي 5 يعني اكثر منك

بعدها اخذناه ولأقرب مستشفى حكومي يالله وصلنا وعطيناه لهم وبعد شوي طلع الدكتور يقول البقيه بحياتكم ، قلنا لا ما عليك ما نعرفه اصلن

كان بالشارع وانقذناه قال طيب الله لا يهينكم احترو لين تجي الشرطه وتحقق معكم im3 ، هنا قمطنا العافيه وش شرطته يبو قال اها بس

بعد شوين جانا عسكري خسيس شادن راسو بشاش طلع نفس العسكري اللي ظربته عشان الطرطعان بس الحمد لله الظربه كانت قويه واثرت على المخيخ عندو ولا عرفنا

الزبده قال يا تجيبون لي الفاعل ولا ترا انتم اللي صادمينو واحطكم بالسجن قلنا يا ولد وش درانا لقيناه مصدوم واسعفناه قال ابد مو شغلي قدامي انت وياه

وحطونا بالسجن ،، قسم الروضه تحديدا ( تشوفون التحديد انتم ، والمشكله ان القصه خيال :8ar: ) يوم حطونا هناك وانا اللي احجر سلوتو بالزاويه وقلت :

اجل وا عزوزاااااااه هاه لعنت الله عليك يالتسلب الحين ضيعت عمري بروح فيها قصاص وابدا اجلد فيه وانا اجلد وهو يصارخ وانا اجلد وهو يصارخ لين عض الارض

جلسنا هناك يمكن شهر بعدين حكمو علينا بالقصاص ،، والتنفيذ كان بعد يومين من اصدار الحكم ويصير مسلسل كويتي ، وامي تصيح وابوي يصيح

وابو سلوتو يصيح وامه تصيح ، ثمن جا جدي وقعد يصيح وبعد شوين يهمس بذني ويقول : احسن يالدب عشان ارتاح منك ومن صراخك يوم تتابع مباريات :3ar:

طيب ليه يا جدي هالحقد انت تكره الكوره وانا احبه واتابعه بغرفتي وش عليك انت ،،

شوي ولا دموع اهلنا نشفت وقالو يالله فمان الله

عيال الذين طلعو مو مصدقين يفتكون مننا سحبو علينا ،،

ثمن في هذه الاثناء وحنى نتمشى بالساحه وكان بكرا اعدامنا ،،

واذا بنا نلاحض جذاب بلا عذاب واقف بعيد ،، وش عنده خالد وراه مسجون ،، قلت يولد خل نروح نشوفو ،، يوم مشينا بالتجاهو هو بعد مشا باتجاهنا

وحنى نمشي باتجاهو وهو يمشي باتجاهنا وحنى نمشي وهو يمشي وحنى نمشي وهو يمشي ...................... الخ من المصاله

يوم قربنا قال : سوف اخرجكم من هونا يا اصدقائي ، قلنا مستحيل يا جذاب ، قال الا اذا كنت قد صممت هذا المكان بنفسي

طلع الاخ عامل فيها مايكل سكوفيلد im22 بس كان معصب يقول قهر مايكل كان بيطلع اخوه وانا بطلع خوياي ثنين

قلنا يا ولد اركد وعلى شحم قال بس ناقصنا واحد يمثل دور جون ابروزي وواحد يمثل دور سوكري واحد يمثل دور العبد سنوك مدري شسمه

وواحد يمثل دور تي باق ( ياكثرهم البزرنجيه :8ar: ) وواحد يمثل دور دي بي كوبر وواحد يمثل دور الظابط بيلك ( يووووووه يا كثرهم im22:8ar: )

قلنا هينه يا رجال قال ويبيلنا وحده تمثل دور ساره تانكردي قلنا عاد هذي تبطي عظم يا جذ جذ انا صراحه طرت لي غيوم نجيبه تمثل دور ساره

بس قلت البنت هذيك مزاجه مزاج عبده على حد ما تقول اخاف تقلب علينا ثمن تعلم علينا كلنا ونروح وطي :8ar:

الزبده وحنى في هذه الاثناء واذ بـ جذاب يفصخ الفنيله بيورينا الوشم حقه اللي راسم بو خريطت الحاير

يوم يفصخ ولا شوي شخاميط على جسمو بقلم سبوره وش ذا يا جذاب :wink:

قال هاه والله خليت اخوي يرسمه لي على فكره هذي خريطة الرياض وبه موقع الحاير وعلى فكره ترا رسمه بقلم سبوره ما ينمسح

شوي ولا الظابط بيلك اقصد الظابط سعيد يقول جذاب افراج يالله قلنا وين قال هاه والله موقفيني 24 ساعه لاني قطعت اشاره

وقلت خل استغله واطلعكم مثل مايكل بس الظاهر مابوه نصيب

يوم قال تسذا وحنى اللي نطب عليه انا وسلتلت ونقعد نجلد ونطق ونضرب وكل شي لين خلينا الدم يطلع مع شسمو

رحنى عشان ننام عقب هالهوشه ونحن مهيضين الجناح ومكسورين الخاطر خصوصا عقب ما عطانى سعبولة امل هالوصخ جذاب

يوم جا الصبح قومونا وحلقونا على الموس واقتادونى الى الساحه اللي يقطعون به الروس

وعندما دنت روسنا لكي تنقطع ورفع السيافين الخناجر واذ برجلن يصلخ من بين العامه ( يعني الناس العاديين بس بالفصحى العامه )

ويقول : لا لا لا ،، ما تقتلوهمش هوما مساكين وحمير وخبول انا اللي صدمت الراقل مرسي المصري

( من جد يا انه مشهد من مسلسل كويتي او فلم مصري او بالكثير فلم هندي )

قعد يصيح هذا الرجل وتبين انهو مصري الجنسيه صعيدي الانتماء عربي البنيه

واعترف انو هو اللي صدمو يقول الوسخ كل عليا 50 الف قنيه ( جنيه ) تمن العربيه ( ثمن السياره ) وئلت لازم ااتلو واشرب من دمو

طيب يا ملعون الصلايب تذبحو وتحطو بعلابينا انا وسلوتو

المهم اطلقو سراحنا كالعصافير التي تزقزق في الفضاء ودعسنا الى بيوتنا ونحن نعاهد انفسنا انو لو احد آبائنا الاشاوس يندعس قدام الباب مالنا شغل بو im3

وعقب ما وصلنا بيوتنا بلكم يوم راحو ابوي وابو سلوتو ورفعو قضيه على الحكومه عشانهم ما عدمونا

قالو ما يصير تعطونا سعبولة امل انهم بيموتون ونخلص منهم ثمن ترجعونهم لنا

( لهادرجه حنى عبئ على اهلنا والمجتمع يا سلوتو im3 )

،،

حرر بواسطة ديو & سلوتو ، جميع الحقوق محفوظه لـ شركة جحلط للأنتاج الفني والتوزيع

.. نؤطــه إنـتـهـى

[/align]