سلطان الادغم من قبيلة سبيع فارس مشهور وشجاع وله سيره ظاهره لدى من
يهتم بتاريخ الجزيره العربيه وقد جاور الاسلم فتره من الزمان000
وبعد ان كبر سنه وشاب وجد من الناس عدم اهتمام مثلما كانوا بحاجته في شبابه
فقال مخاطبا ابنه ناصر:
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
اليوم ياناصر غزا شاربي شيب=من عقب ماكنه جناح الغرابي
عقب العلوم وعقب ذيك التعاجيب=اليوم عود وفي مروفة احبابي
ياما رقينا في طويل الشناظيب=دليلة للهجن خضع الرقابي
وياما جذبناهن لدار الأجانيب=برهراهة يزمي وراه السرابي
وان وردوا رس قليل المشاريب=وردتهن عد بعيدن وغابي
أدل من مشقاص هدف العراقيب=لاوردت حوض مقفدات العقابي
وان لحقت الفزعات مثل العياسيب=والجيش خف ولابزاه الترابي
اردها لعيون زين التعاجيب=وأخرب الفزعه بضرب الصوابي
واقدم على حوض المنايا الى هيب=وان هابوا الرديان مانيب اهابي
والى رزقنا الله بكارن عياديب=اعطيه للي من ربوعي هقابي
ولانيب دعبول هروجه رباريب=شره على ربعه غضير الشبابي
شري على الفزعة بكثر التصاويب=وأثني الى نار الذليل الرعابي [/poem]
1- الرس البير قليل الماء وعكسه العد كثير الماء00
2- مشقاص هدف العراقيب يقصد ابرة البارود اللي تطق الرصاصه لانها موزونه
على وسطها ماتخطيها وهدف العراقيب يقصد البواريد00
3- الدعبول اللي هروجه وسط0
4- الرعابي الخواف اللي يرتعد من الرعب00
مواقع النشر (المفضلة)