هـ المرّة من جد ياليل المهابيـل
بسم الله الرحمن الرحيـم
السلام عليكم ورحمة الله وبركاته
في البداية تذكرون موضوعي الي اسمه (( ياليل المهابيــل )) هنا بـ القسم هذا ؟!!
هوونآآ الرابـط لـ الي ماتذكره
انا نزلت فيه واحد من مواقفي مع المجانين
ونزلت فيه سبب خوفي من المجانين
وهذا هو السبب
اني مره وانا صغير وكان عمري خمس سنوات تقريباً
كنت في ديرتنا وكان فيه مجنون دايم يمشي ويجمع جرايد ومجلات مدري وش يبي فيها
المهم
كنت مره جالس عند بيت خوالي وجا هالمهبول وياخذ جرايد من قدام البيت
انا وانا صغيـر كان فيني لعانه :20ar:
قلت له خل جريدتنا يالمهبووول
انا قلت هالكلمتين والا ماقلتها
مسكني وجلدني جلد9
مايعلم فيه الا ربكم
وتفقّعت تفقيـــــع
ماخلاني الا وانا بين الحياة والموت
وكان هو عمره ذاك الوقت يمكن 25 وانا عمري 5 سنين
فرق عشرين سنه والا كان لعنت خيّره<<< تبطي ياحبيبي
أما سالفتي مع المجنون الي كان باكستاني وشايب كانت كـ التالي :
مرة كنت جاي لـ خويي
وأذن المغرب
قلت له الوعد المسجد
ودخلت أتوضا بدورات المياة وانتوا بكرامة
توني داخل لا لي ولا علي
الا الباكستاني المهبول وراي ونفخ علي وقال لي
رااااااااااااااااااااااااابجاااااااااااااااااااااا ااااااااااااااااااااااااا
انا قلت تسذا
ومن الخرعة والربكة
دخلت واحد من الحمامات وانتوا بكرامه وقفلت الباب علي
وهو قعد يضرب الباب ويقول راااااااااابجاااااااااااااااااااااا
ويضحك
وانا ميت من الراعة
ومابي اصايح عشان محد يقول وش ذا الرخمة لأن محد يدري اني قد انجلدت وانا بزر من مهبول im3
وقعدت ماسك الباب من الراعة :11ar:
وهو يرجف الباب وماعنده الا هالكلمة
رااااااااااااااااااااااااابجاااااااااااااااااااااا اااااااااااااا
وانا منخرررررررش :11ar:
أقامة الصلاة وهذا لازال يرجف الباب ويهاوش :11ar:
صلوا الناس وهم في الركعة الأخيرة أخيـراً يأس مني وراح
ويوم حسيت ان الوضع هادي
طلعت بسرعة وركبت سيارتي وانحشت ولا صليت الا في بيت خويي
بس أحسن شي صار ذاك اليوم اني دخلت الحمام الله يعزكم مع اني كنت ماني محتاجة
بس عقب ما انخرشت احتجته فيما بعد im3
لـ إصرار أعضاء كثير على كتابة مواقفي مع المجانين
قررت اني أكتب اليوم شي منها
والي خلاني أقرر
هو ان قبل شوي بس ،، قبل أدخل الكوفي شوب << جاني واحد يقول : وش الشنطة الي معك gif88 ؟!
انا وبكل براءة : اللاب توب حقي ليش؟
هو : انا لما أسألك تجاوبني وانت حمار بدون أي سؤال ،، فاهم
المشكلة توني مسوي عملية في بطني مايمديني لـ الهواش الحين والا لو تلّني مرتن ثانية بقوة قسم ان ينفك الخيط ويطلع مصيري في عينه زي السلام عليكم
انا : يابو سلامات وش تبي انت :17ar:
هو : هذي شنطة فلوسي الي انت سرقتها يا الكلب انا شايفك بعيوني :17ar:
بيني وبينكم انا عصبت وارتفع ضغطي قلت : أي فلوس الله يلعن ابليس ياخوي انا توني نازل من سيارتي وشايفني بـ الشنطة وش تبي انت :11ar: << وفي نفسي أقول والله ان سوا حركة ان ألعن خيّره ان شاء الله يطلع بطني كله<< كوّر
قال : فلوسي الي انا مجمعها انت الي أخذتها مني أمس لا تستهبل
انا : هذا الي برتكب فيه جريمة وأمسكه ،، مير أغلّه مع حلدزه وتوني بادي بـ جلده
إلا ينقز لي هندي حق الكوفي ويطلعون ناس من الكوفي وقالي الهندي : مستر مستر ،، ريلاكس ذيس مان از كريزي ،،
الهندي قالها والا ماقالها الا يوم انا بردت عظامي
وجتني الحالة
قلت يعني مهبول
وانا الي أنخرش وأهج أوقف بعيد
شوي الا يوم قام يصيح الرجال ويقول تكفون خلوه يرجع لي فلوسي
الا انا يوم بغيت أنصفر عليهم
وجاني واحد يقول يا ابن الحلال انت ماخذن منوه شي
قلت يا ابن الناس والله ماعرفه توني نازل من سيارتي ونشب لي وقسم ماخذيت منه شي والله صدقوني
مير يجي يماني الله يجزاه خيـر قال : تعال يا سلطان تعال الي أخذ فلوسك مسكوه الشرطة هذا واحد ثاني
وانا الي آكل تبن وتتصافق ركبي من الخوف
وانا الي ألقط وجهي وأطلع لـ الكوفي وانا مكسور ومالي وجه
ولأول مرّة أحس اني انسان واطي لأني قاعد أهاوش واحد مسكين بدون عقل بس والله كان باين عليه عاقل ياناس
ولحد الحين وانا أفكر في الموضوع وأحس ان مالي داعي
وش رايكم انتوا
سلام
الظاهر من كثر ماعقدوك المجانين سميت نفسك جنون إنسان [/mark]
مواقع النشر (المفضلة)