يومياتي مع أم صقر << الله لايعيدها
صباح الخير\ مساء الخير << نرضي جميع الاطراف :)
المهم مابي أطول لأن في النوم
هذا ياطوييلين العمر وياطويلات العمر
أم صقر ( الدرج ) طلبت مني ذاك النهار ان أذهب معها كم مشوار << أخص يالفصحى
المهم طلعنا من صباح رب العالمين مع فزوغ السمس وزقزة العفاصير << مانيب سهله وينك عني يالأخطل
ابترك الهياط شويات لأنه موضوع جدي جدا جدا وجدا بعد 3 للتأكيد
وطلعنا ياطولين العمر ورحنا لم مدرسة اخوها واخذنا ورقه <<موب لازم تعرفون اتركو اللقافه
وبعدها رحنا للتربية والتعليم رجعوا فشلونا وقالوا على شحم هالورقه مو من عندنا روحوا لوزارة المعارف بشارع حايل
وتقعد ام صقر وتقول للسايق لبق على جنب
وتقعد ربع ساعه تفكر الا والا ان تودينا من شارع فلسطين على شارع حايل
والله ومشينا ووصلنا بدون مانضيع
يوم دخلت قال لها ارجعي للمدرسة يالجميلة يالغزالة <<ام صقر تحب هالغزل الفاحش
وهاتي دفتر تكوين وتعالي وبعدها للقنصلية << هنود موسعوديين
وبعدها ....... << لف راسي خلاص
والله وترجع ام صقر وهي تسب وتلعن im22
عيال التسلب ماغير يمشورونا
ومن زود الحرة تمسك الجوال وتدق على مدير المدرسة
وتهزأ فيه وتهزأ فيه
يامال اللي منب قايلة<<سبة ام صقر الشهيرة
و
ليش يوم اني عندك ماعطيتني الدفتر
والله ونرجع وتجي ام صقر تقول الحين حنا وراه مانرجع من المطار القديم
قلتلها انا وش دخلني
المهم رجعنا للمدرسة وتجي ام صقر تققول للمدير اطلعلي برا im22 << خبركم أم صقر فتوة حارتنا
وانا اقولها يابنت الحلال خل السواق ينزل ويجيبه
تقول لاااااا لازم العن جدفه
قلت بصرتس
وتشرررررررررررررررشحه شرشحة مهب زينة
ولاحظو انه ام صقر على كل هالفلفه ولا أفطرت وتنكتب لها بالتاريخ وبعد بموسوعة غينيس << ادري انها جيم بس اهايط
مير وتحكم راسها الا والا نمر ديما ونشري حمص وخبز حار ماتبي بايت تبيه حار تتشرط
طيب نروح للبيت وكلي ابد وتحلف وعليها الطلاق ان تاكله بالسياره
الموهم ياطولين العمر ونشريه بس نبي الفكه تكفون وش تهقووون سوت به على كل هالزحمه اللي مسويتها لنا ؟؟؟؟؟
ابد كلته ياأذكياء
<<<< فيس عاظ ثوبه ومنحاش
وتشق الكيس حق الحمص وتحطه سفره وتتربع بالسيارة وتحط الحمص على رجيلاتها وتقعد الاخت وتاكل ولا بالكذب ماعزمتن <<<< مازالت حاقده
وذاك اليوم بالذات يحلف شارع فلسطين لعبتها هالشارع انه مايوقف جنبنا بالاشارات الا جموس وجيبات ووايتات خبركم جده يومين والثالث وايت << فيس متغتر بالشماغ
وهالقرويه فشلتن بالاشارات وماغير العالم تناظر بها وساعبيلهم تقوطر عالزجاج <<
فشلتنا فشيله مامثلها ابدا بتاتا البته مو بس انا حتى تتانج " سواقنا " << ماحد قدنا بنات عز
اي صح نسيت اقولكم
ان ام صقر عندها عقدة الاشارات
ماتواطن توقف باشارة ابدن
عاد ذاك اليوم كننا بروحنا ماكانت امها معنا فماخذه راحتها وكل ماجينا عند اشارة تقول اقطع اقطع
وتتانج يقول ماما لا الله يكليك مدام كبير فيه هاوش انا
وهي تقول كل تبن وادعسسسسسسس
وعناد لها ذاك اليوم كل ماجينا عند اشارة الا السيارة اللي قدامنا توقف
وام صقر تسخط
اشوي وتنزل تفتح عليه باب السيارة وترفسه<<<هماني قايلتلكم فتوة
جينا الحين للأكشن im22im22im22im22
وحنا بشارع فلسطين رايحين شارع التحلية<<يالبى هالشارع كله مزايين قطعنا اشارة
طبعا كله من تحت راس ام صقر
هذا وهو الحمص على رجلها مانسمع الا الدورية ياراعية الحمص جنبي
وام صقر تفطس ضحك
مدري ليش
تقول ذا صادز
قلت وشو
قالت السايق مابعد طلع رخصة
<<رحناااا في كراااااعها
قلت انعن شكلك ومن الصبح وانتي ادعس واقطع
وهي اللي فاقعة ضحك
قالتت تتانج لاتنزل هو بيجي وانا بحاكية
ويجي الشرطي وتقول لحظة وتقعد تقلب بشنطتها ساااااعة والحمص مازال عالرجل
مير اشوا طلعت ورقة من المرور وقالت معليش بس تعرف حنا بنات لوحدنا وكان فيه شباب يلاحقونا فاضطرينا نقطع im22<<<فكرة جهنمية << من المهبول بيلاحقنا والحمص عرجليها
ابد ياطويلين العمر لو هي عازمتن ماكان همني ولا كان فضحت بها بالمنتدى ولا بوكالات التلفزه والاذاعه المحلية والعالمية << تقدرون على هالحكي
ابد ونوصل الى وجهتنا الاولى وهي وزارة المعارف وهي خابصه ام الدنيا برقعها به حمص وناشبن باسنانها خبز وريحتها حمص وحاله مايعلم بها الا الله وانا اللي كاشخه وصاحيتن من صباح رب العالمين ولاتنسون انه مع زقزقة العصافير << اركدي عن الهياط مادرابك نزار قباني
ابد وكل ماركبنا السيارة كملت شوي ليمن خلصنا مشاويرنا وخلص الحمص عند لفة ابرق الرغامه وقتها حسيت انه صورنا بتنشر في كل منتديات العالم << فيس وده ينتحر
والمشكله اكتشفت انه مو بس شارع فلسطين ابد كل الطريق كأن متفقين انه يركبون جموس ولا جيبات ولا وايتات ولا فانات << عرفو انك تعرفين للسيارات
ومن بعدها حرمت وحلفت يمين طلاق ماعاد اركب معها ولا اروح معها ولا حتى لم الجيران لانه احس انه مشيي معها بالشارع شبهه <<
وهذي كانت رحلتي الله لايعيدها من فشله اقصد رحلة :)
ملازحه :
ترا رجعنا شرينا الحمص همن رجعنا لفينا بدواير الحكومه لانهم طلبو نرجع المدرسه ثاني << اي خدمات بالدواير الحكوميه جاهزين << مناك بس
ترا ام صقر معقبه بالجوازات
[mark=000000]
لا أشوف أحد مدقق بالحكي[/mark]
المشاركة الأصلية كتبت بواسطة بنـــــ الزين ــــــت
مواقع النشر (المفضلة)