الله من قلب
السلام عليكم ورحمة الله وبركاته
قصيده من إرشيفي القديم أتمنى أن تنال على إعجابكم
[poem=font="Simplified Arabic,6,darkred,normal,italic" bkcolor="transparent" bkimage="" border="none,4,gray" type=1 line=1 align=center use=ex num="0,black"]
الله من قلبِ همومه عددها=كثر نجوم الليل لأظلم سمايه
أسباب من حطيت إيدي بيدها=ريمِ غلاها ساكنِ في حشايه
مزيونةِ مامثلها في جسدها=ومثل القمر لاهل وأنور مسايه
أروع جمال الخلق معها وحدها=وتزيد روعه لأعرضت بالعبايه
ولا دنقت وبان مفرق نهدها=يزل عقلي وأختلف عن خطايه
أوصافها لو كل شعري قصدها=ماتنوصف لو أعتلي راس رايه*
واليوم جور الوقت عني بعدها=وحكم عليه في بداية هوايه
لاواعذاب النفس لاوانكدها=مادام خلي ساعيِ في شقايه
ياعين شيهانه على أول هددها=ياكيف تسمع ناقلين الوشايه
سلوم الهجر ياصاحبي من عمدها=يدخل دروبِ مالها من نهايه
الروح لك يالطيف الروح قدها=وانا معك لو كنت غادي وتايه
شرٍّق وغرٍّب ياوليفي وجدها=وترا الطيور الطايره من ورايه[/poem]
ودمتم سالمين
[font=Comic Sans MS]* راس رايه= مرقاب شهير بالشمال[/font]
أخوكم / متعب النصار
رد مع اقتباس
مواقع النشر (المفضلة)